An bhfuair tú an méid a bhí á lorg agat?
An bhfuair tú a raibh á lorg agat?
Cabhraigh linn torthaí an chuardaigh IS a fheabhsú trí d'aiseolas a thabhairt anseo (3-5 nóim).
Fógraíonn na hAirí ceapachán Amanda Bennett chun athbhreithniú a dhéanamh ar Rámhaíocht Éireann
- Foilsithe:
- An t-eolas is déanaí:
D’fhógair an tAire Cultúir, Cumarsáide agus Spóirt, Patrick O’Donovan TD, agus an tAire Stáit um Spórt agus Beartas Poist, Charlie McConalogue TD, inniu ceapachán Amanda Bennett chun athbhreithniú neamhspleách a dhéanamh ar chultúr eagraíochtúil Chlár Ardfheidhmíochta Rámhaíochta Éireann, a idirghníomhaíochtaí sa réimse seo le Spórt Éireann, agus moltaí a sholáthar de réir mar is iomchuí.
Iar-imreoir rugbaí idirnáisiúnta na Breataine Bige, oibríonn Amanda Bennett anois mar chomhairleoir i rialachas spóirt agus d’oibrigh sí le raon eagraíochtaí chun struchtúir rialachais a neartú, lena n-
áirítear Cumann Peile Shasana, Aontas Rugbaí na hÉireann agus comhlachtaí spóirt deonacha níos lú.
Beidh Kathryn Ball, comhairleoir ardfheidhmíochta agus iar-rámhaí na Breataine a ghlac páirt i gCluichí Oilimpeacha 1984, ag tacú le Amanda Bennett agus í ag déanamh an athbhreithnithe.
Ag labhairt dó inniu, dúirt an tAire O’Donovan:
Ba mhaith liom aitheantas a thabhairt don taithí a roinn roinnt lúthchleasaithe i gClár Ardfheidhmíochta Rámhaíochta Éireann agus moladh a thabhairt dóibh as teacht chun cinn. Tá taithí shuntasach ag Amanda san earnáil spóirt mar lúthchleasaí agus mar shaineolaí rialachais araon, agus dá bhrí sin tá sí i riocht iontach chun an obair thábhachtach seo a dhéanamh. Le linn an phróisis, beidh sí ag plé le rámhaithe ardfheidhmíochta reatha agus iar-rámhaithe chun a gcuid taithí, tuairimí agus smaointe a chloisteáil.
Dúirt an tAire Stáit McConalogue:
Is freagracht chomhroinnte í cosaint lúthchleasaithe ag gach leibhéal den spórt agus tá ceachtanna le foghlaim ó phróiseas Rámhaíochta Éireann. Is deis í an t-athbhreithniú chun an chaoi a bhfreagraíonn Rámhaíocht Éireann do shaincheisteanna cosanta sa todhchaí a neartú agus chun dea-chleachtas a leabú in earnáil spóirt na hÉireann ar bhealach níos leithne, mar shampla i gcomhthéacs an chéad Pholasaí Náisiúnta Spóirt eile atá á fhorbairt faoi láthair.
Cuirfear tús leis an bpróiseas athbhreithnithe sna seachtainí amach romhainn agus meastar go mbeidh sé críochnaithe faoi dheireadh na bliana.
CRÍOCH