D’fhoilsigh Séamus Ó Ceallacháin TD, an tAire Dlí agus Cirt, Gnóthaí Baile agus Imirce, an chéad dréacht-Straitéis Náisiúnta le haghaidh Sábháilteacht Pobail a Fheabhsú inniu.

D’fhoilsigh Séamus Ó Ceallacháin TD, an tAire Dlí agus Cirt, Gnóthaí Baile agus Imirce, an dréacht-Straitéis Náisiúnta le haghaidh Sábháilteacht Pobail a Fheabhsú inniu, agus tá sé ag lorg aiseolas ar an dréacht ón 31 Iúil go dtí 5pm an 11 Meán Fómhair 2026.

Cliceáil anseo chun an dréachtstraitéis a léamh.

Tá sé mar aidhm leis an dréacht-Straitéis seo – ‘Creat cumasúcháin le haghaidh sábháilteacht pobail’ – freagairt do na riachtanais agus na hábhair imní atá ag pobail agus cabhrú le seirbhísí poiblí agus le pobail obair le chéile ar bhealach comhtháite chun pobail a dhéanamh níos sábháilte.

Tá an dréacht-Straitéis bunaithe ar phróiseas fairsing comhairliúcháin a bhí faoi stiúir na hOifige Náisiúnta um Shábháilteacht Pobail thar ceann na Roinne Dlí agus Cirt, Gnóthaí Baile agus Imirce. Is féidir tuilleadh faisnéise faoin bpróiseas comhairliúcháin a rochtain anseo.

Conas aighneacht a dhéanamh

Glacfar le haiseolas go dtí 5pm an 11 Meán Fómhair 2026

Is féidir aiseolas a chur isteach ag an nasc seo.

Tá an Oifig Náisiúnta um Shábháilteacht Pobail ag bainistiú an phróisis aiseolais thar ceann na Roinne Dlí agus Cirt, Gnóthaí Baile agus Imirce.

Ba cheart aon cheisteanna i ndáil leis an Straitéis Náisiúnta le haghaidh Sábháilteacht Pobail a Fheabhsú a sheoladh chuig strategy@communitysafety.ie