Operation Encompass

Is é is Operation Encompass ann tionscnamh comhroinnt faisnéise a chabhraíonn le scoileanna tacú le folláine leanaí ar féidir go raibh siad thíos le teagmhas drochúsáide baile.

Forbraíodh Operation Encompass ar dtús i Sasana sa bhliain 2011, agus cuireann sé ar chumas na bpóilíní fógraí tráthúla a chomhroinnt le pearsana ainmnithe scoile i gcás gur féidir go raibh leanbh thíos le teagmhas drochúsáide baile. Ar an tslí sin, cuirtear ar chumas scoileanna a bheith ar an eolas faoi imthosca ar féidir go rachaidh siad i bhfeidhm ar fholláine linbh agus freagairt don mhéid sin, i gcás gur cuí, trí thacaí agus nósanna imeachta láithreacha.

Tá an chéad treoirthionscadal Éireannach ar siúl anois i nDroichead Átha. Cabhróidh an treoirthionscadal le bonn eolais a chur faoi chreat oibríochtúil a fhorbairt le haghaidh Operation Encompass in Éirinn agus tacóidh sé le cur i bhfeidhm amach anseo na samhla.

Chun críocha an treoirthionscadail, tá Operation Encompass teoranta do limistéar Dhroichead Átha agus do scoileanna rannpháirteacha.