An bhfuair tú an méid a bhí á lorg agat?
An bhfuair tú a raibh á lorg agat?
Cabhraigh linn torthaí an chuardaigh IS a fheabhsú trí d'aiseolas a thabhairt anseo (3-5 nóim).
Clár SÍOL
- Foilsithe:
- An t-eolas is déanaí:
Seoladh clár SÍOL an 8 Iúil 2026. Tugann sé chun críche an gealltanas atá sa Chlár Rialtais reatha go mbunófar scéim nua ar an stíl chéanna le clár RAPID (Revitalising Areas through Planning, Investment and Development) roimhe seo, inar oibrigh gach gníomhaireacht stáit le chéile chun forbairt pobail agus athbheochan lár bailte a chur i bhfeidhm. Ó dúnadh an tionscnamh RAPID roimhe seo in 2011, tá athrú gan fasach tagtha ar Éirinn. Dá réir sin, bhí sé bunriachtanach go ndéanfaí athbhreithniú agus uasdátú ar na limistéir a ainmníodh le bheith mar chuid de chlár RAPID roimh sheoladh an chláir nua.
Dearadh clár nua SÍOL bunaithe ar eolas staidrimh a bhí ar fáil tríd an Phríomhoifig Staidrimh agus innéacsanna díothachta de chuid Pobal inar leagadh amach leibhéil dhíothachta i limistéir uirbeacha. Cuireadh anailís eile arna déanamh ag an ITES sa mheá freisin. Tá athbhreithniú iomlán ar limistéir faoi mhíbhuntáiste mar chuid den anailís a bheidh mar bhonn leis an chlár nua chun cinntiú go ndéantar an maoiniú a spriocdhíriú ar na ceantair is mó atá faoi mhíbhuntáiste laistigh de na bailte agus cathracha ainmnithe.
Is é an t-ainm a bheidh ar an chlár nua ná SÍOL, a chiallaíonn ‘Seed’ i mBéarla. Seasann SÍOL do Scéim Infheistíochta ag Obair Le Chéile, arb é an Béarla atá air sin ná ‘Working Together Investment Scheme’.
Tá mar aidhm le clár SÍOL tacaíochtaí a thabhairt do na limistéir uirbeacha siúd is mó atá faoi mhíbhuntáiste. Fuarthas maoiniú caipitil €31.5 milliún chomh fada le 2030 sa Phlean Forbartha Náisiúnta chun tacú leis an scéim, agus beidh maoiniú €5m ar fáil in 2026.
Ní ghlacfar ach le hiarratais ar mhaoiniú ó Údaráis Áitiúla a bhfuil freagracht acu as limistéir SÍOL, agus breithneofar ar na cineálacha tionscadail seo a leanas i gcomhair maoinithe:
- Tionscadail Sábháilteachta Pobail
- Oibreacha sa Réimse Phoiblí/Tionscadal sa Timpeallacht Thógtha
- Tionscadail lena dtacaítear le tionscnaimh sláinte agus folláine do phobail
- Maoiniú i gcomhair tionscadail lena dtacaítear le rochtain ar oideachas agus oiliúint i suímh phobail
Ainmníodh na limistéir seo a leanas mar limistéir SÍOL:
|
Limistéar SÍOL |
Údarás Áitiúil |
Toghranna |
|
Baile Átha Í |
Comhairle Contae Chill Dara |
|
|
Béal Átha na Sluaighe |
Comhairle Contae na Gaillimhe |
|
|
Béal an Átha |
Comhairle Contae Mhaigh Eo |
|
|
Baile Munna |
Comhairle Cathrach Bhaile Átha Cliath |
Baile Munna B agus Baile Munna D |
|
Baile an Chabháin |
Comhairle Contae an Chabháin |
|
|
Cluain Dolcáin |
Comhairle Contae Bhaile Átha Cliath Theas |
|
|
Oirthuaisceart Chathair Chorcaí |
Comhairle Cathrach Chorcaí |
Baile na mBocht, an Gleann A, agus an Linn Dubh B |
|
Iarthuaisceart Chathair Chorcaí |
Comhairle Cathrach Chorcaí |
|
|
Droichead Átha |
Comhairle Contae Lú |
|
|
Cathair na Gaillimhe |
Comhairle Cathrach na Gaillimhe |
Páirc an Tobair, Mervue, an Baile Bán |
|
Tuaisceart Chathair Luimnigh |
Comhairle Cathrach & Contae Luimnigh |
|
|
Iardheisceart Lár na Cathrach |
Comhairle Cathrach Bhaile Átha Cliath |
|
|
Tamhlacht |
Comhairle Contae Bhaile Átha Cliath Theas |
|
|
Baile Thiobraid Árann |
Comhairle Contae Thiobraid Árann |
|
|
Cathair Phort Láirge |
Comhairle Cathrach & Contae Phort Láirge |