“Tá obair mhór á dhéanamh ag Comharchumann Forbartha Ionad Deirbhile ar son na Gaeilge sa cheantar agus in LPT Maigh Eo Thuaidh agus cuirfidh an obair riachtanach seo go mór le sábháilteacht agus le hinmharthanacht an halla mar áis don phobal.

“Cuireann sé gliondar orm bheith ábalta tacú le tograí i mo chontae Gaeltachta féin agus tá mé tiomanta mar Aire Forbartha Tuaithe agus Pobail agus Gaeltachta, tacú le pobail sna Gaeltachtaí ar fad áiseanna maithe a fhorbairt agus a chur ar fáil don phobal.

“Is áis thábhachtach pobail é an halla seo ar an Eachléim agus tá sé ríthábhachtach don phróiseas pleanála teanga go mbíonn áiseanna nua-aimseartha, sábháilte agus inmharthana ar fáil go háitiúil sna ceantair Ghaeltachta.

“Is chuige sin atá an Clár Tacaíochtaí Pobail agus Teanga ar fáil agus tá mé sásta go raibh sé de chumas agam an togra a mhaoiniú faoin chlár sin.”