“Is garsprioc thábhachtach do dhaltaí agus dá dteaghlaigh an t-aistriú ón mbunscoil go dtí an iar-bhunscoil. Ceapadh na bileoga le go mbeidís á n-úsáid ag múinteoirí mar chuid de ghníomhaíochtaí ranga a chabhraíonn le daltaí ábhair iar-bhunscoile agus a bhfuil i gceist leo a iniúchadh. Is féidir le daltaí níos mó muiníne a bheith acu faoi na roghanna atá rompu agus comhráite a spreagadh má bhíonn an t-eolas atá de dhíth orthu acu ag an gcéim seo.

“Ba mhaith liom buíochas a ghabháil leis na 14 scoil, daltaí, tuismitheoirí agus múinteoirí a chabhraigh leis na bileoga a sholáthar ar bhonn píolótach le linn na scoilbhliana seo caite. Chuidigh a gcuid aiseolais leis na hacmhainní seo a mhúnlú, ag cinntiú go bhfuil siad praiticiúil, ábhartha, inrochtana agus freagrúil do riachtanais na dteaghlach agus iad ag déanamh a mbealaigh tríd an gcéim thábhachtach seo d’oideachas an linbh.

“Nuair a thugtar na bileoga seo abhaile, is féidir le daltaí agus a dtuismitheoirí agus a dteaghlaigh leanúint leis na comhráite seo agus iniúchadh a dhéanamh ar an gcaoi a mbaineann ábhair éagsúla lena n-ábhair spéise, a láidreachtaí agus a n-uaillmhianta don todhchaí.”