Athcheapacháin chuig an Comhairle um nGairmithe Sláinte agus Cúraim Shóisialaigh

Tá na daoine seo a leanas, athcheaptha ag an Aire Sláinte Jennifer Carroll MacNeill TD mar chomhaltaí de Chomhairle na nGairmithe Sláinte agus Cúraim Shóisialaigh. le héifeacht ón 27 Lúnasa 2025 go dtí an 20 Iúil 2029.

Ollamh Ladislav Timulak

Tá an Dr Ladislav Timulak, PhD ina Ollamh le Síceolaíocht Chomhairleoireachta i gColáiste na Tríonóide, Baile Átha Cliath. Tá sé páirteach in oiliúint gairmithe meabhairshláinte in Éirinn agus go hidirnáisiúnta. Is é a phríomhleas taighde ná cóireálacha trasdiagnóiseacha a fhorbairt le haghaidh dúlagar, imní, agus neamhoird ghaolmhara.

Tá Ladislav ag déanamh taighde freisin ar úsáid idirghabhálacha meabhairshláinte a dhéantar ar líne.

Athcheaptar an tOllamh Ladislav Timulak tar éis ainmniúcháin ón mBord Clárúcháin Síceolaithe.

Róna McLaughlin

Is fisiteiripeoir cairte í Róna McLaughlin a bhfuil breis agus tríocha bliain de thaithí chliniciúil, oideachasúil agus bhainistíochta aici in Éirinn agus san Astráil. Tá BSc. aici san Fhisiteiripe (UUJ), MSc san Eolaíocht Leighis (OÉG) agus Dioplóma sa Leigheas Ortaipéideach (OÉG). Faoi láthair is í an bainisteoir fisiteiripe i gCúram Príomhúil Dhún na nGall (HSE), áit a mbíonn sí i gceannas ar sheachadadh seirbhíse, nuálaíocht agus forbairt. Tá Róna tiomanta do shármhaitheas i gcúram fisiteiripe a chur chun cinn agus tacaítear lena cuid oibre trí oiliúint fhairsing i gcleachtas cliniciúil, i gceannaireacht agus i rialachas.

Athcheaptha Róna McLaughlin tar éis ainmniúcháin ón mBord Clárúcháin Fisiteiripeoirí le héifeacht.