Ceapacháin chuig Bord na Comhairle Fiaclóireachta:

Cheap/d'athcheap an tAire Sláinte Jennifer Carroll MacNeill TD na daoine seo a leanas mar chomhaltaí ar Bhord na Comhairle Fiaclóireachta.

Ms Ursula Byrne

Is banaltra ghinearálta chláraithe, bean chabhrach chláraithe agus teagascóir na mban cabhrach cláraithe í Ursula. Tá taithí fhairsing aici i gcleachtas cliniciúil, in oideachas agus i mbainistíocht altranais agus cnáimhseachais in Éirinn, i gCeanada agus san Astráil. D'oibrigh sí ag leibhéal sinsearach i rialáil altranais agus cnáimhseachais in Éirinn ar feadh fiche bliain, go háirithe maidir le hoiriúnacht i leith cleachtais, clárúchán, oideachas agus treoir agus caighdeáin ghairmiúla.

Bhí Ursula páirteach freisin i gcomhoibriú le rialtóirí cnáimhseachais laistigh den AE agus go hidirnáisiúnta. Bhí sí ina ball de Choiste Oibre Beartais de Líonra Rialtóirí Cnáimhseachais na hEorpa agus ina hIonadaí Eorpach ar Bhuanchoiste Rialála Chónaidhm Idirnáisiúnta na mBan Cabhrach.

Ms Mary Faulkner

Bhí gairm fhairsing ag Mary in oideachas tríú leibhéal agus in oideachas agus oiliúint ghairmiúil dlí, san earnáil phoiblí agus san earnáil phríobháideach araon, thar thréimhse 30 bliain. Bhí Mary ina Déan ar Scoil an Dlí ag Cumann Onórach Óstaí an Rí agus roimhe sin bhí sí ina Ceann ar an Roinn Gnó Idirnáisiúnta, agus ina Léachtóir sa Dlí in Institiúid Teicneolaíochta Bhaile Átha Cliath (Ollscoil Teicneolaíochta Bhaile Átha Cliath anois).

Úsáideann Mary a taithí mar imscrúdaitheoir oilte ar shaincheisteanna disciplíneacha fostaíochta agus í ag Institiúid Teicneolaíochta Bhaile Átha Cliath agus tá taithí aici freisin ar chúrsaí sláinte agus sábháilteachta ag leibhéal coiste na hinstitiúide. Tá blianta fada taithí taighde ag Mary i ndlí fostaíochta, agus ba é sin ina chúis le foilseachán sa réimse. Is ball de Bhinse Disciplíneacha na gCleachtóirí Dlí í Mary. Céimí de chuid COBÁC, Óstaí an Rí agus Institiúid Teicneolaíochta Bhaile Átha Cliath, tá cúlra acadúil ag Mary sa dlí, sna daonnachtaí, san oideachas agus san eadráin.