An bhfuair tú an méid a bhí á lorg agat?
An bhfuair tú a raibh á lorg agat?
Cabhraigh linn torthaí an chuardaigh IS a fheabhsú trí d'aiseolas a thabhairt anseo (3-5 nóim).
Foilsíonn an tAire Sláinte tuarascáil an Chleachtaidh Scópála maidir le Fiosrúchán SLÉ
- Foilsithe:
- An t-eolas is déanaí:
D’fhoilsigh an tAire Sláinte, Jennifer Carroll MacNeill, T.D. tuarascáil Chleachtadh Scópála maidir leis an bhfiosrúchán ar Sláinte Leanaí Éireann (SLÉ) a d’ullmhaigh Remy Farrell Abhcóide Sinsearach. Choimisiúnaigh an tAire an tUasal Farrell chun cleachtadh scópála a dhéanamh ar sheirbhísí spina bifida agus scolóise, tar éis comhairliúcháin le grúpaí abhcóideachta, le tuismitheoirí agus le teaghlaigh.
Dúirt an tAire Carroll MacNeill:
“Cuirim fáilte roimh fhoilsiú na tuarascála ar an gCleachtadh Scóipe maidir le Sláinte Leanaí Éireann (SLÉ).
“Táim buíoch de na tuismitheoirí, de na teaghlaigh agus as na grúpaí abhcóideachta den chomhoibriú a thug siad don Uasal Farrell ar feadh an phróisis. Tá na heispéiris deacra a bhí ag teaghlaigh le feiceáil go soiléir ar fud na tuarascála, agus bhí tionchar suntasach ag a léargais ar na moltaí a rinneadh inti.
“Gabhaim buíochas freisin as an Uasal Remy Farrell as an obair atá déanta aige le linn an chleachtaidh seo agus as an mbreithniú cúramach atá déanta aige ar na saincheisteanna atá i gceist.
Tá moltaí na tuarascála glactha ag an Rialtas ina n-iomláine. Oibreoidh oifigigh sa Roinn Sláinte i ndlúthchomhairle le hOifig an Ard-Aighne chun Téarmaí Tagartha an Choimisiúin Imscrúdúcháin atá beartaithe a dhréachtú. Cuirfear na Téarmaí Tagartha deiridh faoi bhráid an Rialtais lena gceadú.
CRÍOCH
Nótaí d'Eagarthóirí
Ag an gcruinniú a bhí aige an 18 Samhain 2025, d’aontaigh an Rialtas go gceapfar éascaitheoir mar chéim tosaigh chun dul i gcomhairle le páirtithe leasmhara maidir le hábhar na dtéarmaí tagartha féideartha le haghaidh fiosrúcháin ar chúrsaí SLÉ a scóipeáil. D’aontaigh an Rialtas freisin go ndéanfaí an fiosrúchán faoi chuimsiú samhail reachtúil.
Ba é cuspóir an chleachtaidh scópála a bhí beartaithe ná an fhaisnéis atá ann cheana a mheas, dul i gcomhairle le páirtithe leasmhara, dúbláil le tuarascálacha ábhartha eile nó le próisis reachtúla eile a sheachaint, agus moltaí a dhéanamh maidir le scóip, fairsinge agus formáid fiosrúcháin, chomh maith le hábhar na dtéarmaí tagartha a d’fhéadfadh a bheith ann.
Cheap an tAire Sláinte an tUasal Remy Farrell mar éascaitheoir neamhspleách don chleachtadh scóipe agus chuir sé tús lena chuid oibre an 3 Márta 2026.