Dréacht-Ráiteas Náisiúnta Pleanála maidir le Caighdeáin Dearaidh Pleanála d’Árasáin 2026 Leasaithe (dar dáta an 4 Meán Fómhair 2026)

Dréacht-Ráiteas Náisiúnta Pleanála maidir le Caighdeáin Dearaidh Pleanála d’Árasáin 2026 Leasaithe (dar dáta an 4 Meán Fómhair 2026)

D’fhoilsigh James Browne TD, an tAire Tithíochta, Rialtais Áitiúil agus Oidhreachta agus John Cummins TD, an tAire Stáit Rialtais Áitiúil agus Pleanála Dréacht-Ráiteas Pleanála Náisiúnta (RPN) leasaithe, ar Chaighdeáin Dearaidh Pleanála d’Árasáin 2026 (dar dáta an x Meán Fómhair 2026). Ar bhonn réamhchúraim agus i gcomhréir le hAirteagal 6 de 2001/42/CE an Treoir um Measúnacht Straitéiseach Timpeallachta (MST) agus Rialacháin an Aontais Eorpaigh (Pleanáil Úsáid Talún – Measúnacht Straitéiseach Timpeallachta) 2025 (I.R. Uimh. 456 de 2025), tá Tuarascáil Timpeallachta um MST agus Achoimre Neamhtheicniúil ag gabháil leis an Dréacht-Ráiteas Pleanála Náisiúnta (dar dáta Meán Fómhair 2026). Tá comhairliúchán poiblí á dhéanamh anois maidir leis an dréacht-RPN leasaithe faoi Alt 26 den Acht um Pleanáil agus Forbairt 2024 agus de réir Rialachán 9 de Rialacháin an Aontais Eorpaigh (Pleanáil Úsáid Talún – Measúnacht Straitéiseach Timpeallachta) 2025 (I.R. Uimh. 456 de 2025).

Tagann na leasuithe ar an dréacht RPN agus na leasuithe ar Thuarascáil Chomhshaoil an MST agus ar an Achoimre Neamhtheicniúil i ndiaidh tréimhse comhairliúcháin phoiblí a reáchtáladh ón 9 Meitheamh go dtí an 7 Iúil 2026. Fuarthas 58 aighneacht san iomlán. Is féidir na haighneachtaí a fheiceáil anseo. Tá na leasuithe tábhachtacha ar an dréacht-RPN léirithe i dtéacs glas (níl na hathruithe clóghrafaíochta ná na hathruithe formáidithe sonraithe).

Mínítear na leasuithe ar Thuarascáil Chomhshaoil an MST sa Achoimre Neamhtheicniúil (Aguisín 3) de Thuarascáil Chomhshaoil leasaithe an MST. Chun é a dhéanamh níos éasca tagairt a dhéanamh dó, taispeántar an téacs scriosta ar fad i ndath dearg, agus taispeántar an téacs nua ar fad i ndath glas.

Tá an dréacht-Ráiteas Náisiúnta Pleanála maidir le Caighdeáin Dearaidh Pleanála d’Árasáin á ullmhú lena cheadú ag an Rialtas faoi Alt 25 den Acht um Pleanáil agus Forbairt 2024, chun teacht in ionad na gCaighdeán Dearaidh d’Árasáin, Treoirlínte d’Údaráis Phleanála, arna n-eisiúint in 2025, mar Threoirlínte Aireachta faoi Alt 28 den Acht um Pleanáil agus Forbairt 2000.

Is féidir aighneachtaí nó tuairimí i ndáil leis an Dréacht-Ráiteas Náisiúnta Pleanála Leasaithe agus an Tuarascáil Timpeallachta agus Achoimre Neamhtheicniúil MST Athbhreithnithe a sheoladh ar ríomhphost chuig, nó ar an bpost chuig:

Ráiteas Náisiúnta Pleanála maidir le Caighdeáin Dearaidh Pleanála d’Árasáin, 2026.

Pleanáil Straitéiseach Náisiúnta

An Roinn Tithíochta, Rialtais Áitiúil agus Oidhreachta

Teach an Chustaim

Baile Átha Cliath 1

D01 W6X0.

Is é an dáta deiridh agus an t-am le haghaidh freagraí i leith an chomhairliúcháin seo ná 5:30pm, an 12 Deireadh Fómhair 2026. Tabhair do d’aire go bhfuil seans ann go gcuirfear na haighneachtaí a fhaightear ar fáil ar shuíomh gréasáin an Rialtais. Féach ar Ráiteas Príobháideachais an Chomhairliúcháin faoin nasc Doiciméid le tuilleadh eolais a fháil.

Cuirfear san áireamh gach aighneacht nó barúil i scríbhinn a fhaigheann an t-údarás inniúil laistigh den tréimhse dá dtagraítear thuas maidir leis an Dréacht-Ráiteas Náisiúnta Pleanála leasaithe agus leis an Tuarascáil Chomhshaoil ​​MST athbhreithnithe a bhaineann leis, sula ndéanfar an Dréacht-Ráiteas Náisiúnta Pleanála maidir le Caighdeáin Dearaidh Pleanála d’Árasáin, 2026 a thabhairt chun críche.

Tá an Roinn faoi réir an Achta um Shaoráil Faisnéise, 2014, Rialacháin na gComhphobal Eorpach (Rochtain ar Fhaisnéis faoin gComhshaol), agus na reachtaíochta um Chosaint Sonraí. Níor cheart eolas pearsanta, príobháideach nó eolas atá íogair ó thaobh na tráchtála de a lua le d’aighneacht. Tá Ráiteas Príobháideachais maidir leis an gcomhairliúchán seo ar fáil le feiceáil ag thíos agus ag ceanncheathrú na Roinne Tithíochta, Rialtais Áitiúil agus Oidhreachta, Teach an Chustaim, Baile Átha Cliath 1.

Cuirfear gach barúil agus aighneacht a gheofar i rith na tréimhse atá leagtha amach thuas san áireamh sula gcríochnófar an Dréacht-Ráiteas Náisiúnta Pleanála lena cheadú ag an Rialtas faoi Alt 25 den Acht Pleanála agus Forbartha 2024. Tabhair do d’aire go bhfuil seans ann go gcuirfear na haighneachtaí a fhaightear ar fáil go poiblí ar shuíomh gréasáin an Rialtais. Féach ar Ráiteas Príobháideachais an Chomhairliúcháin faoin nasc Doiciméid le tuilleadh eolais a fháil.

• Dréacht-Ráiteas Náisiúnta Pleanála maidir le Caighdeáin Dearaidh Pleanála d’Árasáin 2026 Leasaithe (dar dáta an 4 Meán Fómhair 2026)
• Tuarascáil Chomhshaoil na Measúnachta Straitéise Timpeallachta (MST) Athbhreithnithe (dar dáta Meán Fómhair 2026)
• Tuarascáil Chomhshaoil na Measúnachta Straitéise Timpeallachta (MST) Athbhreithnithe – Achoimre Neamhtheicniúil san áireamh (dar dáta Meán Fómhair 2026)
• Cinneadh maidir le Measúnacht Straitéiseach Timpeallachta faoi Alt 26 (8) den Acht um Pleanáil agus Forbairt 2024, dar dáta 11 Meán Fómhair.
• Scagadh le haghaidh Chinneadh um Measúnacht Chuí faoi Alt 202 den Acht um Pleanáil agus Forbairt 2024 8 Meán Fómhair
• Ráiteas Príobháideachais
• Submissions on Draft Planning Design Standards for Apartments National Planning Statement, 2026