Faisnéis eagraíochta
Ráiteas Straitéise 2016 - 2019 na Roinne Sláinte
Foilsithe
An t-eolas is déanaí
De réir fhorálacha an Achta um Bainistíocht Seirbhíse Poiblí, 1997, d’fhoilsigh an Roinn Sláinte Ráiteas Straitéise nua don tréimhse 2016-2019, agus misean, cuspóirí straitéiseacha agus gníomhartha tosaíochta na roinne don tréimhse 3 bliana a bhí le teacht an tráth úd leagtha amach ann.
Tá na tiomantais ábhartha atá sa Chlár nua do Rialtas Comhpháirtíochta (go háirithe i gcaibidlí 5, 6 agus 7 de) agus sa phróiseas athchóirithe leanúnach le brath sa straitéis nua.
Is é ról na roinne an cheannaireacht straitéiseach a sholáthar don tseirbhís sláinte agus a chinntiú go n-aistrítear beartais an rialtais ina ngníomhartha agus go gcuirtear i bhfeidhm go héifeachtach iad. Tacaíonn an roinn leis an Aire agus leis na hAirí Stáit agus iad ag cur beartas an rialtais i bhfeidhm agus ag comhlíonadh a gcuid dualgas rialtais, parlaiminte agus roinne.
Áirítear leis an méid sin:
- treoir maidir leis an gceannaireacht agus an beartas don earnáil sláinte chun torthaí sláinte a fheabhsú
- an rialachas agus an mhaoirseacht feidhmíochta chun deimhniú seirbhísí cuntasacha agus ardchaighdeáin
- comhoibriú chun tosaíochtaí sláinte a bhaint amach agus chun cur le cuspóirí sóisialta agus eacnamaíocha níos leithnei gcoitinne
- timpeallacht eagrúcháin ina mbaintear ardfheidhmíocht amach, ar bhonn leanúnach, a n-aithnítear an luach sa chomhoibriú agus ina ndéantar eolas agus scileanna na foirne a fhorbairt
Tá na 5 chuspóir straitéiseacha a thuairiscítear sa Ráiteas Straitéise liostaithe ag seo thíos. Tá sé tábhachtach a thabhairt faoi deara go bhfuil na cuspóirí seo gaolmhar agus idirspleách go pointe áirithe.
Is iad na 5 chuspóir straitéiseacha ná:
- tacú le daoine saol sláintiúil agus neamhspleách a bheith acu
- an seachadadh sláinte agus cúraim shóisialta ar ardchaighdeán agus sábháilte a chinntiú
- seirbhís sláinte agus cúraim shóisialta a chur i mbun feidhme atá níos freagraí, níos comhtháite agus níos dírithe ar an duine
- bainistíocht éifeachtach agus éifeachtúil na seirbhísí sláinte a chur chun cinn
- roinn ardfheidhmíochta a fhorbairt chun treoir a thabhairt don earnáil sláinte agus d’earnáil an chúraim shóisialta, maoirseacht a dhéanamh orthu
An Roinn Sláinte Ráiteas Straitéise 2016 – 2019
Íosluchtaigh nasc le haghaidh
Íoslódáil
féachaint ar an gcomhad
Amharc
Tosaíochtaí Gnó na Roinne Sláinte 2018
Íosluchtaigh nasc le haghaidh
Íoslódáil
féachaint ar an gcomhad
Amharc
Féach Ráitis Straitéise ar cuireadh amach iad roimhe seo ón Roinn Sláinte.