Faoin Roinn Dlí agus Cirt

1. Réamhrá
2. Struchtúr
3. Pleanáil straitéiseach
4. Scoth Seirbhíse do Chustaiméirí
5. Rialachas Corparáideach
6. Rochtain ar fhaisnéis

7. Taighde & Anailísíocht Sonraí
8. Gairmeacha
9. Stair na Roinne
10. Ceisteanna Parlaiminteacha a bhaineann leis an Roinn
11. Téigh i dteagmháil linn

An Roinn Dlí agus Cirt >Faoin Roinn Dlí agus Cirt

Réamhrá

Gabhann freagracht ollmhór le misean na Roinne – bheith ag obair ar mhaithe le hÉirinn shábháilte, chothrom agus uilechuimsitheach – ach gabhann diongbháilteacht agus mórtas ollmhór leis, freisin, de bharr an chion a dhéanann ár n-eagraíocht chun sochaí chóir dhaonlathach a bhaint amach.

Tá an phríomhfhreagracht orainn as beartas poiblí i leith shlándáil an Stáit agus shábháilteacht an phobail, lena n-áirítear an choireacht a chosc agus a bhrath, an ceartas a riar, próisis inimirce agus cosanta idirnáisiúnta a bhainistiú, seirbhísí tábhachtacha rialála a sholáthar agus athchóiriú leanúnach a dhéanamh ar an dlí sibhialta agus coiriúil.

Tá an Roinn ailínithe faoi dhá cholún – Ceartas Sibhialta agus Ceartas Coiriúil – agus tá gach colún díobh faoi cheannas Leas-Rúnaí. Tá na feidhmeanna seo a leanas sa dá cholún: Rialachas, Reachtaíocht, agus Beartas. Tacaítear le hobair an dá cholún leis na feidhmeanna cumasúcháin seo a leanas – an fheidhm Chorparáideach, Gnóthaí Eorpacha, Athrú, Teicneolaíocht agus Nuálaíocht, agus Trédhearcacht.

Ina theannta sin, bainistíonn an fheidhm mhór Seachadta Seirbhíse Inimirce, atá suite i gcolún an Cheartais Shibhialta, seachadadh seirbhísí inimirce agus cosanta idirnáisiúnta don Roinn agus don Stát, agus bainistíonn an fheidhm Seachadta Seirbhíse Ceartais seachadadh seirbhísí túslíne neamh-inimirce – ar seirbhísí éifeachtúla, láidre agus custaiméir-láraithe iad – don Roinn.

Is féidir sonraí iomlána faoinár straitéis agus ár bpleananna gnó a fháil iRáiteas Straitéise na Roinne Dlí agus Cirt, 2021 go 2023 agus iPlean Gníomhaíochta na Roinne Dlí agus Cirt, 2021