Foilsiú
Lár Bailte ar dTús
Ó An Roinn Forbartha Tuaithe agus Pobail; An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
Seolta ar 4ú Feabhra 2022, is mórpholasaí tras-rialtais é Polasaí Lár Bailte ar dTús a bhfuil sé mar aidhm aige dul i ngleic le folúntais, dul i ngleic le tréigean agus saol nua a thabhairt isteach i lár ár mbailte. Molann sé cur chuige iomlánaíoch, áit-bhunaithe i leith na forbartha tuaithe inbhuanaithe. Tá dúshláin agus deiseanna suntasacha le sárú ag bailte na hÉireann a éilíonn freagairt chomhordaithe agus chuimsitheach.
Aithníonn Lár Bailte ar dTús (TCF) go bhfuil gach baile uathúil agus éascóidh an polasaí freagairt bailte de gach méid ar fud na tíre ionas gur féidir lena n-ionaid feidhmiú mar chroílár inbhuanaithe agus bríomhar na bpobal ar a bhfreastalaíonn siad, ar bhealaí atá inoiriúnaithe agus cuí do riachtanais an 21ú haois.
Comhchruthaigh an Roinn Forbartha Tuaithe agus Pobail agus an Roinn Tithíochta, Rialtais Áitiúil agus Oidhreachta an polasaí. Tá 33 gníomh ann a thabharfaidh na huirlisí agus na hacmhainní atá de dhíth ar bhailte chun a bheith ina n-áiteanna níos inmharthana agus níos tarraingtí chun cónaí, oibriú agus sóisialú, chomh maith le gnó a rith. Díreoidh sé seo ar threoir a mbailte amach anseo a rianú, aghaidh a thabhairt ar fholúntas agus tréigthe agus beogacht a chur le lár an bhaile.
Tá Oifig Náisiúnta Lár Bailte bunaithe, laistigh den GBRÁ, chun an polasaí a sheachadadh. Is féidir tuilleadh sonraí faoin oifig a fháil ar leathanach gréasáin Lár Bailte ar dTús .
Lár Bailte ar dTús
Cur Chuige Beartais do Bhailte na hÉireann.
Íosluchtaigh nasc le haghaidh
Íoslódáil
féachaint ar an gcomhad
Amharc
Chríochnaigh an Roinn Forbartha Tuaithe agus Pobail clár píolótach um Maireachtáil i Lár an Bhaile in 2018. Ba é aidhm an tionscnaimh ná:
- measúnú a dhéanamh ar conas áitíocht chónaithe mhéadaithe a spreagadh i mbailte agus i sráidbhailte tuaithe; agus
- chun aghaidh a thabhairt ar cheist na maoine folmha.
Sainaithníodh sé bhaile chun an cur chuige a thástáil. Ba iad na bailte seo ná:
1. Baile an Róba, Contae Mhaigh Eo
2. Beannchar, Contae Uíbh Fhailí
3. Mainistir na Búille, Contae Ros Comáin
4. Callainn, Contae Chill Chainnigh
5. Ceapach Choinn, Contae Phort Láirge
6. Baile na Lorgan, Contae Mhuineacháin
Rinne Space Engagers tuarascáil athbhreithnithe neamhspleách ar an gclár píolótach seo. Is fiontar sóisialta é Space Engagers a d’eascair as tionscadal taighde sa Choláiste Ollscoile, Baile Átha Cliath agus a fhiosraíonn conas is féidir bailte agus cathracha a dhéanamh níos athléimní agus níos inbhuanaithe.
Foilsíodh tuarascáil an Tionscnaimh um Maireachtáil i Lár Bailte ar an 22ú Meitheamh 2020 agus bhí faisnéis ann maidir le cur i bhfeidhm an chláir phíolótaigh i ngach baile, achoimrí ceardlainne, pléadh saincheisteanna atá ag teacht chun cinn agus sainaithníodh 15 ghníomh le breithniú ag an Roinn.
Tar éis na tuarascála, thug an Clár don Rialtas tiomantas do pholasaí Lár Bailte ar dTús a fhorbairt.
I mí na Nollag 2021, d’fhógair an tAire Humphreys €2.6 milliún de mhaoiniú do 26 baile chun Phleananna Lár na mBailte ar dTús a fhorbairt. D'ainmnigh Údaráis Áitiúla na 26 baile seo agus d'fhaomh an tAire iad. Tá gach ceann de na 26 plean tacaithe faoin tionscnamh píolótach seo críochnaithe anois agus tá liosta de na bailte a roghnaíodh faoin gcéad chéim seo le fáil thíos.
Tá tuilleadh faisnéise ar na pleananna críochnaithe ar fáil ar shuíomh Gréasáin Lár Bailte ar dTús .
Sheol an Roinn Céad Sraith Tacaíochta Lár Bailte ar dTús nua i bhFeabhra 2024 a sholáthróidh infheistíocht bhreise de €4.56 milliún do phobail tuaithe ar fud na hÉireann.
Cuirfidh an tSraith Tacaíochtaí sraith beart i bhfeidhm do phobail tuaithe. Tá a chritéir incháilitheachta féin ag gabháil le gach beart a dhíreoidh ar roinnt bailte in aghaidh an chontae. Deimhneoidh na tacaíochtaí seo acmhainní a leithdháiltear go héifeachtach agus a sholáthraíonn tacaíocht shoiléir do phobail áitiúla agus d’fhoirne bailte agus iad i gceannas ar athbheochan a mbailte agus a sráidbhailte.
Tacóidh an pacáiste tacaíochtaí nua leis na bearta seo a leanas:
1. Ciste Tacaíochta Foirne Baile : Maoiniú suas le €10,000 an ceann do thrí bhaile chun tacú le bunú agus/nó forbairt foirne baile nuair nach bhfuil siad seanbhunaithe cheana féin.
2. Plean do Lár Bailte ar dTús : Beidh maoiniú de €30,000 ar fáil chun tacú le forbairt plean TCF i mbaile tuaithe.
Towns Selected for Plan Funding under Measure 2 of the Town Centre First Suite of Supports
Announced in February 2024.
Íosluchtaigh nasc le haghaidh
Íoslódáil
féachaint ar an gcomhad
Amharc
3. Beart Forbartha Tionscadal : Cabhróidh an beart seo le hÚdaráis Áitiúla cur le píblíne de thionscadail shuntasacha dea-fhorbartha trí mhaoiniú de €50,000 an ceann a chur ar fáil chun tacú le dhá thionscadal agus beidh an tríú iarratas breise €50,000 ar fáil don Réigiún Idirthréimhseach: Contaetha an Iarthuaiscirt.
Is féidir sonraí iomlána na mbeart seo, lena n-áirítear incháilitheacht, gníomhaíochtaí a dtacaítear leo agus an spriocdháta le haghaidh iarratais ar gach beart a chur isteach chuig an Roinn a fheiceáil in Imlíne na Scéime thíos.
Lár Bailte ar dTús – Sraith Tacaíochtaí 2024
Íosluchtaigh nasc le haghaidh
Íoslódáil
féachaint ar an gcomhad
Amharc
Ba cheart go mbeadh ionadaithe ó chónaitheoirí áitiúla, lucht gnó, grúpaí pobail/deonacha, ionadaithe óige, agus páirtithe leasmhara eile i bhFoirne Baile a thagann le chéile le tacaíocht ón Údarás Áitiúil tríd an Oifigeach Athghiniúna Baile tiomnaithe Plean do Lár Bailte ar dTús a fhorbairt agus gníomhartha aitheanta a leanúint ar aghaidh le go mbeidh a gceantar ina áit níos fearr le maireachtáil, le hoibriú ann agus le cuairt a thabhairt air.
Déan teagmháil le d’údarás áitiúil chun labhairt leis an Oifigeach Athghiniúna Bailte ábhartha nó déan teagmháil leis an Oifig Náisiúnta TCF ag tcf@lgma.ie ar féidir leo tú a chur i dteagmháil.