Foilsiú
Achomhairc maidir le scoláire a ligean isteach toisc go bhfuil ró-éileamh ar an scoil
Foilsithe
An t-eolas is déanaí
- 1. An féidir liom achomharc a dhéanamh má tá diúltú rollaithe faighte ag mo pháiste toisc go bhfuil an scoil lán
- 2. Cathain a dhéanaim achomharc
- 3. Conas mar a éilím Athbhreithniú ón mbord bainistíochta
- 4. Cad a tharlaíonn ag Athbhreithniú an Bhoird Bhainistíochta
- 5. Cad a tharlóidh tar éis dom toradh an Athbhreithnithe ag an mBord Bainistíochta a fháil
- 6. Conas a dhéantar athbhreithniú
- 7. Cé a dhéanfaidh m’achomhairc ar alt 29 a athbhreithniú
- 8. Cé na torthaí a d’fhéadfadh teacht ón achomharc
- 9. Cad a tharlaíonn muna gceadaítear m’achomharc
- 10. Conas mar is féidir liom eolas a fháil faoi bheartas agus faoi phróisis iontrála na scoile
- 11. An féidir liom m’achomharc a tharraingt siar
Is féidir, le halt 29 den Acht Oideachais, 1998 tá foráil d’achomharc i gcás go ndiúltaíonn bord bainistíochta, nó duine atá ag gníomhú thar ceann an bhoird bainistíochta (Príomhoide na scoile de ghnáth) cead scoláire a ligean isteach i scoil, má bhaineann cinneadh an diúltaithe leis an scoil a bheith ró-shuibscríofa.
Tá sé tábhachtach a bheith san airdeall, sula ndéanann tú achomharc, go gcaithfidh tú athbhreithniú ar an gcinneadh a iarraidh ar an mbord bainistíochta ar dtús (féach ceisteanna 2 go 5)
Chun achomharc a dhéanamh ní mór duit an fhoirm iarratais achomhairc ar Diúltú scoláire a ligean isteach i scoil, má bhaineann an cinneadh cead isteach a dhiúltú leis an scoil a bheith ró-shuibscríofa, agus tá an fhoirm ar fáil ó láithreán gréasáin na Roinne Oideachais agus Scileanna.
I ngach cás inar diúltaíodh cead isteach i scoil toisc an scoil a bheith ró-shuibscríofa agus gur mian leat achomharc a dhéanamh i gcoinne chinneadh na scoile caithfidh tú athbhreithniú a lorg ar dtús ó bhord bainistíochta na scoile. Caithfear an t-iarratas seo a dhéanamh i scríbhinn chuig bord bainistíochta na scoile laistigh de 21 lá féilire ó dháta an chinnidh cead isteach sa scoil a dhiúltú.
Tabhair aird: meastar le scoláire nár tugadh áit dó/di sa scoil agus atá ar liosta feithimh gur diúltaíodh áit scoile don scoláire sin.
Caithfidh an bord bainistíochta toradh d’iarratas ar athbhreithniú a chur in iúl duit laistigh de 42 lá féilire ó dháta an chinnidh cead isteach sa scoil a dhiúltú.
Féadfaidh tú achomharc a dhéanamh nuair a bhíonn toradh an athbhreithnithe ón mbord faighte agat nó tar éis 42 lá féilire ó rinneadh an cinneadh cead isteach a dhiúltú (cibé acu is luaithe). Ní mór, áfach, d’achomharc a dhéanamh laistigh de 63 lá ó dháta an chinnidh cead isteach sa scoil a dhiúltú.
Is féidir athbhreithniú a iarraidh i scríbhinn nó Foirm Athbhreithnithe Scoile (ar féidir í a íoslódáil thíos) a chomhlánú go hiomlán agus a chur isteach chun tús a chur leis an gcéim seo den phróiseas. Tabhair aird - caithfear an fhoirm seo a sheoladh chuig bord bainistíochta na scoile.
Foirm Iarratais Athbhreithnithe ag an mBord Bainistíochta
Íosluchtaigh nasc le haghaidh
Íoslódáil
féachaint ar an gcomhad
Amharc
Caithfidh d’iarratas ar athbhreithniú chuig an mbord bainistíochta:
(i) a bheith bunaithe ar chur i bhfeidhm bheartas ligean isteach na scoile agus an t-ábhar atá i bhfógra ligean isteach bliantúil na scoile agus
(ii) na forais a bhaineann leis an éileamh ar athbhreithniú a bheith leagtha amach.
Déanfaidh an bord bainistíochta athbhreithniú ar d’iarratas ligean isteach agus, ar a dhéanaí laistigh den 42 lá féilire ó dháta an chinnidh ligean isteach chun na scoile a dhiúltú, eiseoidh an bord bainistíochta:
(a) Ráiteas ag deimhniú nach raibh aon earráid nó teip ina chinneadh rollú a dhiúltú nó
(b) Ráiteas ag deimhniú go raibh earráid nó teip ina chinneadh agus an raibh éifeacht ábhartha ag an mbotún sin ar thoradh d’iarratais
Má tharlaíonn go n-eisíonn an bord bainistíochta ráiteas ag (b) thuas, agus go raibh éifeacht ábhartha ag an teip nó an earráid atá i gceist ar thoradh an iarratais ligean isteach, caithfidh an bord a earráid nó a mhainneachtain a cheartú tríd an scoláire a ligean isteach sa scoil nó sa rang speisialta, más cuí, nó má bhain an earráid nó an mhainneachtain leis an rang-ord ar an liosta feithimh caithfear rang-ord an scoláire ar an liosta feithimh a choigeartú.
Tar éis an athbhreithnithe ón mbord bainistíochta féadfaidh tú, más mian leat, achomharc a dhéanamh chuig coiste achomhairc neamhspleách atá ceaptha ag an Aire Oideachais agus Scileanna. Caithfear an t-achomharc seo a dhéanamh laistigh de 63 lá féilire ó dháta an chinnidh ligean isteach sa scoil a dhiúltú. Tabhair aird - tagraíonn sé seo do dháta an chinnidh rollú a dhiúltú agus ní do dháta eisiúna thoradh an athbhreithnithe.
Ní mór duit an fhoirm iarratais, atá ar fáil ar ár láithreán gréasáin ag an nasc seo a leanas, a chomhlánú agus í a sheoladh chuig an seoladh ar an bhfoirm.
Foirm iarratais ar achomharc alt 29 le haghaidh achomharc a dhéanamh in aghaidh diúltú duine a ligean isteach de bharr ró-éileamh a bheith ar an scoil
Íosluchtaigh nasc le haghaidh
Íoslódáil
féachaint ar an gcomhad
Amharc
Caithfear iad seo a leanas a chur isteach le d’fhoirm iarratais:
(i) Cóip de d’iarratas bunaidh ar chead ligean isteach sa scoil agus aon doiciméid a chuir tú isteach le d’iarratas
(ii) Cóip den chinneadh a fuair tú i dtosach ón scoil
(iii) Cóip d’aon fhreagairt ón mbord bainistíochta ar d'iarratas ar a chinneadh a athbhreithniú
Más í an chúis a bhain leis an diúltú ar chead isteach go raibh an scoil ró-shuibscríofa, is achomharc páipéar bhunaithe a bheidh i d’achomharc. Nuair a bhíonn an fhoirm iarratais ar achomharc comhlánaithe (mar aon leis an eolas atá leagtha amach in 5 thuas) faighte, cuirfidh an tAonad Riaracháin Achomhairc Alt 29 in iúl go bhfuil sé faighte, agus cuirfear in iúl don scoil atá i gceist freisin go bhfuarthas achomharc.
Féadfar iarraidh ar an iarratasóir agus ar an scoil freisin aon fhianaise agus ábhair a cuireadh ar fáil, agus a rabhthas ag brath orthu nuair a rinne an scoil an cinneadh ligean isteach a dhiúltú, a chur isteach faoi dháta ar leith.
De ghnáth, déanfar an t-achomharc a iniúchadh laistigh de 21 lá féilire ón dáta a bhíonn iarratas achomhairc lán-chomhlánaithe faighte ag Aonad Riaracháin Achomhairc alt 29.
Déanfaidh Coiste Achomhairc trí dhuine, arna cheapadh ag an Aire, an t-achomharc a bhreithniú, agus ceapfar duine de bhaill an choiste mar Chathaoirleach ar an gCoiste Achomhairc.
Ceapann an tAire Oideachais & Scileanna baill an choiste achomhairc ach tá an coiste achomhairc neamhspleách ar an Roinn Oideachais & Scileanna.
Cuimsíonn painéal na gceapaithe daoine le taithí agus eolas ar earnáil an oideachais.
Déanfaidh an coiste achomhairc cinneadh
(a) an t-achomharc a cheadú nó
(b) gan an t-achomharc a cheadú.
Má cheadaíonn an coiste an t-achomharc, treoróidh siad don bhord bainistíochta an scoláire a ligean isteach nó rangú an scoláire ar an liosta feithimh a choigeartú, cibé acu is cuí.
Cuirfear toradh an achomhairc, lena n-áirítear na cúiseanna a bhaineann le cinneadh an choiste achomhairc, in iúl do dhá pháirtí an achomhairc, a luaithe is féidir tar éis na héisteachta achomhairc.
Is é Seirbhísí Tacaíochta Oideachais Tusla (TESS) an comhlacht dlí a chabhraíonn le tuismitheoirí a bhfuil deacrachtaí acu áit scoile a fháil dá leanbh. Is féidir teagmháil a dhéanamh le TESS ag:
Seirbhísí Tacaíochta Oideachais Tusla, Gníomhaireacht Leanaí agus Teaghlaigh, Urlár na Talún, Foirgneamh Brunel, Ceathrú Theas Heuston, Baile Átha Cliath 8. Ar an bhfón 01-7718815, nó ar ríomhphost chuig tessinfo@tusla.ie Mar mhalairt, is féidir sonraí faoi d’oifig réigiúnach áitiúil a fháil ag https://www.tusla.ie/tess/get-in-touch/
In Alt 63 den Acht Oideachais 1998, ceanglaítear ar gach bord bainistíochta Fógra Ligean Isteach a ullmhú agus a fhoilsiú gach bliain. Caithfear an fógra seo a fhoilsiú ar láithreán gréasáin na scoile ar a laghad seachtain sula dtosaíonn an scoil a próiseas iontrála bliantúil.
Caithfidh an fógra mionsonraí a sholáthar faoin tslí inar féidir cóip de bheartas iontrála na scoile agus an fhoirm iarratais ar ligean isteach a fháil.
Caithfidh an fógra an t-eolas seo a leanas a sholáthar maidir leis an bpróiseas ligean isteach do ghrúpa iontrála na scoile don scoilbhliain atá i gceist:
- An dáta ina dtosóidh agus ina gcríochnóidh an scoil ag glacadh le hiarratais ar ligean isteach sa scoil don scoilbhliain atá i gceist (caithfear tréimhse 3 seachtaine ar a laghad a bheith ann)
- An dáta a chuirfear in iúl don iarratasóir faoin gcinneadh maidir leis an iarratas (caithfidh sé seo a bheith laistigh de 3 seachtaine ón spriocdháta, nó laistigh de 3 sheachtain ó dháta an iarratais, d’iarratais dhéanacha)
- An dáta/tréimhse faoina ndeimhneoidh an t-iarratasóir glacadh leis an tairiscint ar ligean isteach
- Féadfar an tairiscint sin a tharraingt siar mura nglacann an t-iarratasóir leis an tairiscint ar ligean isteach laistigh den tréimhse ama atá leagtha amach
- Maidir leis an scoilbhliain atá i gceist-
-An lion áiteanna scoile atá ar fáil sa ghrúpa iontrála,
-I gcás scoil chónaithe, an lion áiteanna cónaithe agus an lion áiteanna neamhchónaithe atá ar fáil
-I gcás scoile le rang speisialta, an lion áiteanna scoile atá ar fáil sa rang speisialta atá i gceist
- I gás scoile ina raibh an grúpa iontrála nó an rang speisialta ró-shuibscriofa sa bhliain roimh ré, caithfidh an fógra ar ligean isteach ráiteas a bheith san áireamh a thugann le fios lion na n-iarratas a fuarthas agus lion agus ord na dtairiscinti a rinneadh sa scoilbhliain sin maidir le gach ceann de chritéir roghnúcháin na scoile
- I gcás scoile ina bhfuil tairiscinti déanta agus glactha don scoilbhliain atá i gceist, sula dtugtar tús feidhme d’alt 62 (is é sin, roimh 1 Feabhra 2020), is cóir don scoil an lion áiteanna dá leithéid a tairgeadh agus a glacadh a chur in iúl.
Tá Ceisteanna Coitianta breise maidir leis an Acht um Oideachas (Ligean isteach i Scoileanna) 2018 ar fáil ar láithreán gréasáin na Roinne ag an nasc seo a leanas anseo
Sea, is féidir leat d’achomharc a tharraingt siar am ar bith le linn an phróisis tri riomhphost a chur chuig section29@education.gov.ie
Achomhairc in aghaidh ligean isteach a dhiúltú de bharr ró-éileamh a bheith ar an scoil
Íosluchtaigh nasc le haghaidh
Íoslódáil
féachaint ar an gcomhad
Amharc
Foirm iarratais achomhairc Alt 29 ar achomharc i gcoinne diúltú a admháil mar gheall ar ró-éileamh a bheith ar an scoil
Íosluchtaigh nasc le haghaidh
Íoslódáil