gov - Plean Gníomhaíochta don Phrintíseacht 2021

D’fhonn a chinntiú go leanfaidh an córas printíseachta chun beart a dhéanamh d’fhoghlaimeoirí agus d’fhostóirí araon, tá Plean Gníomhaíochta do Phrintíseachtaí nua cruthaithe againn. Tríd an tionscnamh sin cinnteofar go mbeidh córas printíseachta nua-aimseartha againn lena léirítear sochaí na hÉireann agus lena dtacaítear le foghlaimeoirí agus le fostóirí ar an mbealach.

Tá 60 clár ann faoi láthair agus cáilíochtaí luachmhara ina dtoradh orthu i réimsí amhail airgeadas, cuntasaíocht, teicneoirí saotharlainne, innealtóireacht meicneoirí feithiclí tromshaothair agus cúram sláinte. Tá sé de chuspóir ag an bPlean Gníomhaíochta na cineálacha clár a leathnú atá ar fáil, agus líon na bprintíseachtaí a mhéadú go 10,000 in aghaidh na bliana faoi 2025.

Déanfar obair leis an bPlean chun cothromas rochtana a chinntiú ionas go mbeidh grúpaí faoi ghannionadaíochta in ann leas a bhaint as printíseachtaí trí bealaí simplithe chuig iontráil a chruthú, mar aon le solúbthacht laistigh den chóras a fheabhsú.

Beidh tacaíocht bhreise ar fáil dóibh siúd sa chóras printíseachta, lena n-áireofar fostóirí, agus spreagfar iad agus tabharfar tacaíocht dóibh chun printísigh a fhostú trí chúnamh airgeadais agus trí mheicníochtaí eile.

Tríd an bPlean tugtar na printíseachtaí uile le chéile faoin aon díon in oifig Phrintíseachta Náisiúnta nua. Déanfar an-chomhoibriú leanúnach le páirtithe leasmhara de réir mar a chuirfidh muid an plean ar aghaidh d’fhonn córas printíseachta spreagúil, nua-aimseartha agus tacúil a chinntiú.

Le haghaidh tuilleadh eolais a fháil maidir le printíseachtaí, cliceáil anseo , tabhair cuairt ar apprenticeship.ie nó déan teagmháil le d’oifig ETBI áitiúil .

Le haghaidh eolas a fháil faoi na deiseanna atá ar fáil faoi láthair tabhair cuairt ar apprenticeshipjobs.ie .

Seoladh an Phlean Ghníomhaíochta do Phrintíseachtaí, 19 Aibreán 2021

Seisiún eolais do Pháirtithe Leasmhara an Phlean Ghníomhaíochta do Phrintíseachtaí, 28 Aibreán 2021