An bhfuair tú an méid a bhí á lorg agat?
An bhfuair tú a raibh á lorg agat?
Cabhraigh linn torthaí an chuardaigh IS a fheabhsú trí d'aiseolas a thabhairt anseo (3-5 nóim).
Fógraíonn Oifig na nOibreacha Poiblí turais i nGaeilge ag láithreacha de chuid Oifig na nOibreacha Poiblí ar fud na tíre i rith Sheachtain Náisiúnta na hOidhreachta
- Foilsithe:
- An t-eolas is déanaí:
Beidh Seachtain Náisiúnta na hOidhreachta ar siúl ón 15 go dtí an 23 Lúnasa 2026
Tá lúcháir ar Oifig na nOibreacha Poiblí (OPW) sraith turas ‘as Gaeilge’ a fhógairt ag láithreacha éagsúla dá gcuid ar fud na tíre i rith Sheachtain Náisiúnta na hOidhreachta. Déanann an tionscnamh seo an Ghaeilge a cheiliúradh, agus tugtar deis do chuairteoirí léargas ar leith a fháil ar oidhreacht thógtha na hÉireann.
Beidh deis ag cuairteoirí páirt a ghlacadh i dturais saor in aisce trí mheán na Gaeilge ag láithreacha de chuid Oifig na nOibreacha Poiblí. Beidh na turais faoi threoir bhaill foirne a bhfuil saineolas acu agus tabharfaidh siad léargas ar leith agus inseoidh siad scéalta suimiúla inár dteanga dhúchais. Beidh deis ag gach duine ar na turais seo léargas cultúrtha luachmhar a fháil ar laithreacha éagsúla, ar nós, foirgnimh stairiúla agus láithreacha oidhreachta iontacha. Beidh turais i nGaeilge ar fáil ag na láithreacha seo a leanas: Gairdíní Garrán Anna, Gairdíní Altamont, Áras an Uachtaráin, Teach Bhaile an Chaisleáin, Caisleán Dhún na nGall, Cúirt agus Eastát Dhún ar Aill, Cúirt Ioma, Gailearaí Gléibe, An Mhainistir Liath, Caisleán Chill Chainnigh, Músaem Phríosún Chill Mhaighneann, Dún na hArmlainne, Garraithe Náisiúnta na Lus, Caisleán Phort Omna, Músaem na bPiarsach, Caisleán Ráth Fearnáin, Ospidéal Ríoga Chill Mhaighneann agus Mainistir Shligigh.
Dúirt an tAire Stáit le freagracht as Oifig na nOibreacha Poiblí, Kevin ‘Boxer’ Moran: “Tugann Seachtain Náisiúnta na hOidhreachta deis iontach do dhaoine de gach aois ceangal a dhéanamh le hoidhreacht shaibhir chultúrtha agus tógtha na hÉireann. Tá lúcháir orm a fhógairt go mbeidh turais i nGaeilge á gcur ar fáil ag Oifig na nOibreacha Poiblí i mbliana, ionas go mbeidh deis ag daoine aonair, grúpaí agus teaghlaigh léargas a fháil ar ár láithreacha oidhreachta trí mheán na Gaeilge”.
Bí linn chun ceiliúradh a dhéanamh ar an nGaeilge agus ar an gcultúr Gaelach ag Láithreacha Oidhreachta Oifig na nOibreacha Poiblí i rith Sheachtain Náisiúnta na hOidhreachta. Chun tuilleadh eolais agus liosta iomlán de na himeachtaí a fháil, féach na naisc thíos nó téigh chuig www.heritageireland.ie/heritageweek/irish. Beidh Seachtain na hOidhreachta ar siúl ón 15 go dtí an 23 Lúnasa 2026.
CRÍOCH
Tá urlabhraithe ó Oifig na nOibreacha Poiblí ar fáil i gcomhair agallaimh, ar iarratas.
Déan teagmháil le pressoffice@opw.ie le do thoil, chun breis eolais a fháil agus agallamh a shocrú.
Lean muid ar Twitter @opwireland
Lean muid ar Facebook @opwireland
Lean muid ar Instagram @opwireland
Lean muid ar LinkedIn @Office of Public Works
Nótaí don eagarthóir
Chun breis eolais a fháil faoi na himeachtaí, féach ar na naisc thíos, le do thoil:
Gairdíní Garrán Anna, Co. Chorcaí
Turas as Gaeilge – Gairdíní Garrán Anna – link
Gairdíní Altamont, Co. Cheatharlach
Turas as Gaeilge – Gairdíní Altamont – link
Áras an Uachtaráin, Baile Átha Cliath
Turas as Gaeilge - Áras an Uachtaráin agus Gairdíní – link
Teach agus Fearann Páirce Bhaile an Chaisleáin, Co. Chill Dara
Turas as Gaeilge – Teach Bhaile an Chaisleáin – link
Caisleán Dhún na nGall
Turas as Gaeilge - Caisleán Dhún na nGall – link
Cúirt agus Easrát Dhún ar Aill, Co. Chorcaí
Turas as Gaeilge – Cúirt agus Eastát Dhún ar Aill – link
Cúirt Ioma, Co. Laoise
Turas as Gaeilge – Cúirt Ioma - link
Gailearaí agus Gairdín Gléibe, Co. Dhún na nGall
Turas as Gaeilge – Teach agus Gailearaí Gléibe – link
An Mhainistir Liath, Co. Thiobraid Árann
Turas dátheangach ar an Mhainistir Liath - link
Caisleán Chill Chainnigh
Turas as Gaeilge - Caisleán Chill Chainnigh - link
Músaem Phríosún Chill Mhaighneann, Baile Átha Cliath
Turas as Gaeilge - Príosún Cill Mhaighneann – link
Dún na hArmlainne, Baile Átha Cliath
Turas as Gaeilge – Dún na hArmlainne, Páirc an Fhionnuisce – link
Garraithe Náisiúnta na Lus, Glas Naíon
Turas as Gaeilge – Gairdíní Náisiúnta na Lus - link
Músaem na bPiarsach, Baile Átha Cliath
Turas as Gaeilge – Músaem na bPiarsach - link
Caisleán Phort Omna, Co. na Gaillimhe
Turas as Gaeilge – Caisleán Phort Omna – link
Caisleán Ráth Fearnáin, Baile Átha Cliath
Turas treoraithe ar Chaisleán Rath Fearnáin – link
Ospidéal Ríoga Chill Mhaighneann, Baile Átha Cliath
Turas as Gaeilge – Ospidéal Ríoga Chill Mhaighneann – link
Mainistir Shligigh
Turais treoraithe ar Mhainistir Shligigh trí mheán na Gaeilge – link