Preasráitis
Nuashonrú ar sheachadadh an Phlean Náisiúnta Leathanbhanda - Samhradh 2022
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Le méadú ar rolladh amach líonra snáithíní NBP ag Leathanbhanda Náisiúnta na hÉireann (NBI) ó thús na bliana 2020, tá níos mó daoine anois in ann rochtain a fháil ar na naisc leathanbhanda ardluais a theastaíonn uathu.
Ón 8 Iúil 2022, tá NBI ag tuairisciú:
Rolladh amach:
Naisc
Tá ráta glactha os cionn 30% á thuairisciú ag NBI i gceantair ina bhfuil leathanbhanda snáithín ardluais ar fáil os cionn sé mhí, i bhfad chun tosaigh ar ionchais ag an gcéim luath seo den rolladh amach.
Is féidir tuilleadh eolais a fháil ar an bplean rollta amach agus ar staitisticí reatha na bPríomhtháscairí ar shuíomh gréasáin an NBI.
(Tabhair faoi deara, le do thoil, go ndéanann NBI na staitisticí seo a nuashonrú, ar bhonn míosúil.)
Tá méadú ag teacht ar shnáithín a sheachadadh chuig gach teach sa Limistéar Idirghabhála agus tá NBI ag tuar go mbeidh rochtain ag breis is 100,000 teach agus gnó ar bhonneagar leathanbhanda den scoth faoi dheireadh na bliana seo.
Tá roinnt príomhéachtaí déanta ó nuashonraíodh Geimhreadh 2021, lena n-áirítear:
Tá tairseach tiomnaithe cruthaithe ag NBI chun tacú le hionadaithe tofa na hÉireann cuardach réamhghníomhach a dhéanamh ar fhaisnéis a bhaineann lena gcontae/limistéar áitiúil.
Soláthraíonn an tairseach pictiúr cothrom le dáta de sceideal imlonnaithe NBI ar fud na 227 Limistéar Imscartha (DA) sna 26 Chontae. Is féidir contae ar leith a roghnú chun breathnú ar nuashonrú a bhaineann leis an limistéar sin – lena n-áirítear líon iomlán na n-áitreabh sa Limistéar Idirghabhála, infheistíocht iomlán an NBP sa chontae, líon na n-áitreabh ar gabhadh tharstu ritheadh go dtí seo agus stádas gach ceann de na Limistéir Imscartha leis an dáta a bhfuiltear ag súil le ceangal thar shaolré an tionscadail.
Má tá ionadaithe tofa ag cabhrú le toghlach sonrach nó le gnó áitiúil, beidh siad in ann cuardach a dhéanamh de réir Eircode freisin chun an nuashonrú is déanaí a fháil don áitreabh sin.
Déanann NBI an leathanach gréasáin tiomnaithe a nuashonrú go míosúil.
Faoi láthair, tá 42 RSP ag tairiscint seirbhísí go gníomhach ar an Líonra NBP do chustaiméirí ar fud na hÉireann, agus tá os cionn 70,000 áitreabh in ann naisc ardluais a ordú agus a réamhordú ar fud 23 contae (Ceatharlach, an Cabhán, an Clár, Corcaigh, Dún na nGall, Baile Átha Cliath, Gaillimh, Ciarraí, Cill Dara, Cill Chainnigh, Laois, Liatroim, Luimneach, Lú, Maigh Eo, Muineachán, Ros Comáin, Sligeach, Tiobraid Árann, Port Láirge, an Iarmhí, Loch Garman agus Cill Mhantáin).
Is féidir leat tuilleadh eolais a fháil faoi nascadh agus na RSPanna atá bunaithe agus deimhnithe chun seirbhísí líonra a dhíol ar líonra NBP ar shuíomh gréasáin NBI.
Soláthraíonn Pointí Nasctha Leathanbhanda (BCPanna) nascacht gan sreang, chun tacú le cianobair agus pobail nasctha trí rochtain phoiblí ar leathanbhanda ardluais saor in aisce a sholáthar roimh an bpríomh-imscaradh snáithíní faoin bPlean Náisiúnta Leathanbhanda.
Is cuid bhunúsach d’infheistíocht an Rialtais in Éirinn agus den straitéis chun cumais cianoibre a fheabhsú agus a fhorbairt i ngach cuid d’Éirinn é rolladh amach na BCPanna.
Forbraíodh na moil seo le go mbeidh siad in ann sócmhainní pobail a chumasú go digiteach – ní hamháin mar shaoráidí cianoibre ach freisin chun raon gníomhaíochtaí a sheachadadh lena n-áirítear:
Tá na céadta úsáideoir nua ar fud na tíre ag síniú lena BCP áitiúil gach mí, agus na mílte úsáideoir ag filleadh amhail ó Mheitheamh 2022. Féadfaidh DECC na figiúirí seo, chomh maith le sonraí ar úsáid bandaleithead ar fud gach láithreán BCP, a sholáthar ach iad a iarraidh.
Ó thús na bliana seo, tá 13 BCP poiblí eile imithe beo ar fud Chontaetha Cheatharlach, Chorcaí, Dhún na nGall, Chiarraí, Liatroma, Luimnigh, Mhaigh Eo, Mhuineacháin, Thiobraid Árann agus na hIarmhí ag tabhairt an leathanbhanda ardluais céim níos gaire do shaoránaigh áitiúla, gnólachtaí agus cuairteoirí chuig na ceantair seo.
Ar bhonn níos leithne, amhail ón 8 Iúil 2022, tá 268 BCP beo ar Líonra NBI.
Scoileanna Náisiúnta
Beidh thart ar 679 Scoil Náisiúnta laistigh den Limistéar Idirghabhála nasctha le leathanbhanda ardluais faoin bPlean Náisiúnta Leathanbhanda, le tacaíocht ón Roinn Oideachais agus Scileanna.
Le sé mhí anuas, cuireadh isteach 186 Scoil Náisiúnta eile agus anois tá beagnach 370 Scoil Náisiúnta nasctha nó réidh le nascadh trí RSP.
Amhail ón 8 Iúil 2022, tá suiteáil déanta ag NBI ar 369 scoil agus iad réidh le nascadh leis an ngréasán ardluais.
Léiríonn an limistéar Gorm ar léarscáil an NBP limistéir atá clúdaithe cheana féin ag oibritheoirí tráchtála a sholáthraíonn seirbhísí leathanbhanda ardluais – agus nach dtagann faoi Limistéar Idirghabhála Stáit an NBP.
Ba chóir d’aon tomhaltóir i limistéar Gorm a bhfuil deacrachtaí acu leathanbhanda ardluais a fháil – a shainmhínítear mar íosluasanna íoslódála 30Mbps agus uaslódála 6Mbps – dul i dteagmháil lena soláthraí seirbhíse leathanbhanda chun an cheist a fhiosrú agus chun a fháil amach cén fáth a bhfuil luasanna leathanbhanda mall nó nach féidir an tseirbhís sin a sholáthar.
Déan teagmháil le NBI
Teagmháil ríomhphoist ghinearálta – contactus@nbi.ie
Ríomhphost teagmhála d’ionadaithe tofa - reps@nbi.ie
Ar an nguthán - 0818 624 624
Teagmháil leis an Roinn
Is féidir leat teagmháil a dhéanamh leis an Roinn trínár bhfoirm fiosrúcháin um sheirbhís do chustaiméirí.