Ó An Roinn Leanaí, Comhionannais, Míchumais, Lánpháirtíochta agus Óige
Foilsithe
An t-eolas is déanaí
D’fhógair an tAire Leanaí, Comhionannais, Míchumais, Lánpháirtíochta agus Óige, Roderic O’Gorman, inniu go gcuirfear an tionscadal chun athchóiriú a dhéanamh ar an Scéim Deontas Sheirbhísí Óige (YSGS) ar aghaidh chuig a chéim forfheidhmithe. Beidh an chéim seo á threorú ag Plean Forfheidhmithe Tionscadal Athchóirithe YSGS (PIP) a thosóidh ón 2 Lúnasa 2022. Áiríonn an plean seo breac-chuntas mionsonraithe ar na tascanna agus na garspriocanna go léir is gá chun bunspriocanna inghnóthaithe an tionscadail a bhaint amach roimh thimthriall maoinithe Eanáir 2024.
Ó tugadh isteach é sna 1980idí, tá maoiniú curtha ar fáil ag an YSGS d’Eagraíochtaí Náisiúnta Óige a sholáthraíonn seirbhísí agus tacaíochtaí a chuaigh chun sochair d’fhorbairt shóisialta agus pearsanta do leanaí agus do dhaoine óga. Mar sin féin, tá gnéithe den scéim as dáta, agus tá athchóiriú na scéime mar thosaíocht ag an Aire O’Gorman agus ag an Roinn. I mí Iúil 2021, d’fhormheas an tAire togra a leag amach an raon feidhme a d’fhéadfadh a bheith ann don athchóiriú seo.
Dhírigh an réamhchéim den tionscadal athchóirithe ar dhianphróiseas ilchéime de bhailiú sonraí agus de rannpháirtíocht le príomhpháirtithe leasmhara. Le linn na céime seo, chuaigh an Roinn i dteagmháil go díreach le hearnáil na hoibre óige agus le leanaí agus le daoine óga, agus coimisiúnaíodh athbhreithniú ar an litríocht acadúil.
Thug an t-ionchur sin eolas do Bheartas Athchóirithe YSGS, arna fhaomhadh ag an Aire O’Gorman agus ag Bord Bainistíochta na Roinne i mBealtaine 2022. Faoin mbeartas seo, bainfear amach seacht gcinn de bhunspriocanna insoláthartha do thimthriall maoinithe Eanáir 2024, agus beidh cúig cinn de tháirgí insoláthartha ‘Core Plus’ eile in áit faoi Eanáir 2025. Is féidir táirgí insoláthartha iomlána an tionscadail a fheiceáil anseo.
Tá Struchtúr Rialachais iomlán bunaithe ag an Roinn don tionscadal. Áirítear leis seo Grúpa Comhairleach Tionscadail, ar a bhfuil ionadaithe ó pháirtithe leasmhara seachtracha agus Cathaoirleach neamhspleách. Tacóidh an grúpa seo, mar aon le tiomantas na Roinne do Phlean Cumarsáide mionsonraithe, le rannpháirtíocht éifeachtach le páirtithe leasmhara le linn chéim fhorfheidhmithe an tionscadail.
Beidh nuashonruithe rialta tionscadail agus aschuir fhoilsithe ar fáil ar mhicreashuíomh tiomnaithe gov.ie, a bheidh inrochtana Micreashuíomh Athchóirithe YSGS.
Ag fáiltiú roimh an bhfógra, dúirt an tAire O’Gorman:
“Tá lúcháir orm an t-athchóiriú ar an YSGS a fheiceáil ag dul ar aghaidh go dtí an chéad chéim eile. Cabhróidh na leasuithe a chuirfimid i bhfeidhm anois lena chinntiú go bhféadfaidh leanaí agus daoine óga na hÉireann leanúint ar aghaidh ag baint leasa as seirbhísí óige den chaighdeán is airde, i bhfad amach anseo.
"Agus muid ag bogadh i dtreo thabhairt isteach na n-athchóirithe seo i mí Eanáir 2024, beidh sé ríthábhachtach go leanfaimid ar aghaidh i dteagmháil le páirtithe leasmhara agus leis an bpobal i gcoitinne, agus mar sin tá áthas ar leith orm micreashuíomh tiomnaithe gov.ie a sheoladh. Mholfainn do gach duine a bhfuil suim acu sa tionscadal athchóirithe an acmhainn seo a úsáid le coinneáil suas chun dáta agus an tionscadal ag dul tríd an gcéim fhorfheidhmithe.”
CRÍOCH
Tháinig an YSGS i bhfeidhm i lár na 1980idí faoin Roinn Oideachais. Le beagnach 40 bliain, tá an scéim seo ag tacú le hEagraíochtaí Náisiúnta Óige chun seirbhísí a sholáthar a chuaigh chun sochair d'fhorbairt shóisialta agus pearsanta leanaí agus daoine óga. I 2022, leithdháileadh €12.9m le haghaidh caiteachais tríd an scéim YSGS. Maoiníonn an leithdháileadh seo 30 eagraíocht óige náisiúnta, le deontais bhliantúla aonair idir c.€3m agus níos lú ná €50,000. Riarann Pobal an scéim thar ceann DCEDIY, i gcáil idirghabhálaí maoinithe.
Leanann athchóiriú an YSGS an t-athchóiriú ar scéimeanna éagsúla spriocdhírithe oibre don aos óg a chríochnaigh DCEDIY le déanaí agus a raibh mar thoradh air gur seoladh scéim spriocdhírithe amháin, sruthlínithe i 2019 dar teideal UBU: Your Place Your Space.
Is é príomhchuspóir an athchóirithe atá beartaithe ar an YSGS scéim a sheachadadh:
Tá 12 táirgí insoláthartha atá le baint amach ag an tionscadal athchóirithe ar fáil anseo.
Tá Struchtúr Rialachais an tionscadail ar fáil anseo.