Preasráitis
Ráiteas ón bhFoireann Náisiúnta Éigeandála Sláinte Poiblí - Dé Luain an 04 Eanáir 2021
Foilsithe
An t-eolas is déanaí
Foilsithe
An t-eolas is déanaí
Cuireadh in iúl don Ionad Faireachais um Chosaint Sláinte inniu go bhfuil seisear le COVID-19 tar éis bás a fháil.
Tá 2,265 san iomlán básaithe de thoradh COVID-19 in Éirinn go dtí seo.
Amhail meán oíche, Dé Domhnaigh an 3 Eanáir, cuireadh 6,110 cás deimhnithe de COVID-19 in iúl don HPSC. Tá 107,997 cás deimhnithe de COVID-19 in Éirinn go dtí seo.
As na cásanna a cuireadh in iúl inniu;
Amhail 2pm inniu tá 776 othar COVID-19 san ospidéal, agus tá 70 acu sin san aonad dianchúraim. Cuireadh 92 duine eile san ospidéal le 24 uair an chloig anuas.
Dúirt an Dr. Tony Holohan, Príomhoifigeach Leighis, an Roinn Sláinte;
“Caithfidh ceannairí agus eagraíochtaí i bpobail ar fud na tíre tacaíocht a thabhairt dá gcomhghleacaithe, dá gcomharsana, dá dteaghlaigh agus dá gcairde chun spreagadh a thabhairt dá chéile cloí le comhairle sláinte poiblí. Ní mór dúinn ár ngluaiseachtaí a shrianadh, ní mór dúinn na daoine a mbímid ag idirghníomhú leo lasmuigh dár dteaghlaigh a theorannú, má táimid chun an víreas a chur faoi chois agus ár seirbhísí riachtanacha a choinneáil ag imeacht."
Dúirt an Dr. Ronan Glynn, Leas-Phríomhoifigeach Leighis, an Roinn Sláinte;
“I measc na ndaoine atá an-leochaileach do COVID-19 tá daoine scothaosta agus daoine a bhfuil riochtaí sláinte acu cheana lena n-áirítear galar cardashoithíoch, murtall, diaibéiteas, galar riospráide ainsealach agus ailse. Tá minicíocht an ghalair sa phobal anois ag leibhéal ina gcaithfidh daoine leochaileacha fanacht sa bhaile mura bhfuil cúis an-riachtanach i gceist."
Dúirt an tOllamh Philip Nolan, Cathaoirleach Ghrúpa Comhairleach um Shamhaltú Eipidéimeolaíochta na hÉireann:
“Ardaíonn samhlacha cásanna an fhéidearthacht go mbeidh 1,500-2,000 duine san ospidéal, agus 200-400 duine san aonad dianchúraim faoi lár mhí Eanáir, mura ngníomhóimid chun tarchur agus minicíocht a laghdú go radacach. Caithfidh gach duine againn glacadh leis na bearta sláinte poiblí agus fanacht sa bhaile agus teagmhálacha a laghdú chun leibhéil reatha an ghalair a chur faoi chois."
Dúirt an tUasal Liam Woods, Stiúrthóir Náisiúnta FSS, Géaroibríochtaí;
“Táimid ag tabhairt isteach ciorruithe i seirbhísí neamhriachtanacha in ospidéil do dhaoine fásta d’fhonn déileáil le hiontrálacha COVID-19 atá ag méadú. Beidh sé seo faoi réir athbhreithnithe leanúnaigh. I gcás éigeandála téigh chuig an Rannóg Éigeandála mar is gnách agus má bhíonn aon imní ort maidir le do shláinte, cibé an mbaineann sé le COVID nó nach mbaineann, déan teagmháil le do dhochtúir teaghlaigh ar dtús."
Dúirt an tOllamh Karina Butler, Cathaoirleach an Choiste Chomhairligh Náisiúnta Imdhíonta;
“Tá tús curtha leis an gclár vacsaínithe do na chéad ghrúpaí tosaíochta. Cuireadh dlús leis an rolladh amach an tseachtain seo. De réir mar a leanaimid orainn ag soláthar vacsaíní ar fud an daonra iarraimid ar dhuine ar bith a bhfuil imní orthu nó a bhfuil ceisteanna acu teagmháil a dhéanamh lena ndochtúir teaghlaigh, cógaiseoir nó soláthraí seirbhíse cúram sláinte chun faisnéis chruinn iontaofa a fháil. Soláthraíonn láithreán gréasáin HSE.ie faisnéis iontaofa freisin maidir le héifeachtúlacht agus sábháilteacht vacsaíní."
Soláthraíonn Deais COVID-19 faisnéis cothrom le dáta faoi phríomhtháscairí COVID-19 sa phobal.
CRÍOCH
| Contae | Cásanna an lae inniu (go meán oíche 03 Ean 2021) | Ráta minicíochta 14 lá in aghaidh gach 100,000 den daonra (go 03 Ean 2021) | Cásanna Nua le 14 lá anuas (go 03 Ean 2021) |
| Éire | 6,110 | 582.8 | 27,754 |
| Muineachán | 51 | 1,119.1 | 687 |
| Lú | 137 | 1,031.2 | 1,329 |
| Luimneach | 234 | 979.0 | 1,908 |
| Dún na nGall | 52 | 832.3 | 1,325 |
| Baile Átha Cliath | 3,655 | 691.9 | 9,323 |
| Sligeach | 33 | 671.4 | 440 |
| An Cabhán | 61 | 669.5 | 510 |
| Maigh Eo | 111 | 660.5 | 862 |
| Cill Chainnigh | 84 | 523.0 | 519 |
| An Mhí | 122 | 523.0 | 1,020 |
| Ciarraí | 129 | 522.7 | 772 |
| Loch Garman | 76 | 505.6 | 757 |
| Laois | 80 | 494.7 | 419 |
| An Clár | 55 | 488.1 | 580 |
| Ceatharlach | 51 | 470.7 | 268 |
| Longfort | 30 | 462.4 | 189 |
| Uíbh Fhailí | 68 | 456.6 | 356 |
| Corcaigh | 291 | 453.0 | 2,459 |
| Gaillimh | 116 | 417.0 | 1,076 |
| Port Láirge | 106 | 414.9 | 482 |
| Cill Dara | 323 | 413.5 | 920 |
| Ros Comáin | 24 | 405.9 | 262 |
| An Iarmhí | 46 | 366.1 | 325 |
| Liatroim | 12 | 365.1 | 117 |
| Tiobraid Árann | 44 | 288.3 | 460 |
| Cill Mhantáin | 119 | 273.1 | 389 |
Cuireadh an tábla seo a leanas san áireamh chun tástálacha deimhneacha agus cásanna deimhnithe a thaispeáint sa tréimhse 14 lá is déanaí. De ghnáth, bíonn líon na gcásanna deimhnithe a thuairiscítear ar lá áirithe comhghaolmhar le líon na dtástálacha deimhneacha an lá roimhe sin, rud a fhágann gur féidir dúbailtí a bhailíochtú agus a bhaint.
Nuair a bheidh na moilleanna a tháinig chun cinn le cúpla lá anuas réitithe, ní thabharfaimid tuairisc ar thorthaí na tástála saotharlainne a thuilleadh.
Tuairisciú thar an tréimhse 14 lá is déanaí (21/12/2020-04/01/2021)
| Dáta tuairiscithe | Cásanna deimhnithe tuairiscithe | Tástálacha próiseáilte | Tástálacha deimhneacha braite | Ráta dearfachta |
| 21/12/2020 | - | 13,216 | 698 | 5. 3% |
| 22/12/2020 | 968 | 20,660 | 1,077 | 5. 2% |
| 23/12/2020 | 939 | 22,884 | 1,269 | 5. 5% |
| 24/12/2020 | 922 | 21,416 | 1,643 | 7.7% |
| 25/12/2020 | 1,019 | 11,999 | 1,207 | 10.1% |
| 26/12/2020 | 1,293 | 3,536 | 343 | 9.7% |
| 27/12/2020 | 744 | 9,405 | 1,178 | 12.5% |
| 28/12/2020 | 764 | 13,805 | 2,007 | 14.5% |
| 29/12/2020 | 1,546 | 17,484 | 2,867 | 16.4% |
| 30/12/2020 | 1,720 | 26,312 | 4,371 | 16.6% |
| 31/12/2020 | 1,620 | 27,389 | 5,621 | 20.5% |
| 01/01/2021 | 1,754 | 20,846 | 4,553 | 21.8% |
| 02/01/2021 | 3,394 | 28,545 | 6,486 | 22.7% |
| 03/01/2021 | 4,692 | 20,571 | 5,199 | 25.3% |
| 04/01/2021 | 6,110 | - | - | - |
NÓTA:
Minicíocht 7 lá 443.3
Meán gluaiseachta 5 lá 3,568