An Rialtas chun taighde a dhéanamh ar an bpoitéinseal agus na tionchair atá le seachtain oibre ceithre lá
Ó An Roinn Comhshaoil, Aeráide agus Cumarsáide; An Roinn Fiontar, Trádála agus Fostaíochta
Foilsithe
An t-eolas is déanaí
Ó An Roinn Comhshaoil, Aeráide agus Cumarsáide; An Roinn Fiontar, Trádála agus Fostaíochta
Foilsithe
An t-eolas is déanaí
Tá rún ag an Roinn Comhshaoil, Aeráide agus Cumarsáide agus an Roinn Fiontar, Trádála agus Fostaíochta moltaí a lorg ón bpobal taighde ar na himpleachtaí sóisialta, geilleagracha agus comhshaoil atá le laghdú ar am oibre.
Rinneadh taighde cosúil leis sin i ndlínsí eile le plé a dhéanamh ar an tionchar, mar shampla, a bheadh ag bogadh go seachtain ceithre lá ar na rudaí a leanas:
Sa taighde nua seo beidh deis ann tabhairt faoi na tionchair seo i sainchomhthéacs gheilleagar na hÉireann.
Dúirt an Tánaiste agus an tAire Fiontar agus Fostaíochta Leo Varadkar:
“De bharr phaindéim COVID-19 b’éigean dúinn athsmaoineamh agus athluacháil a dhéanamh ar an mbealach a n-oibrímid. Léiríodh gur féidir le líon ollmhór daoine a bheith chomh táirgiúil agus iad ag obair sa bhaile in áit dualgas a bheith orthu teacht isteach san oifig gach lá agus cuireadh dlús leis an mbogadh i dtreo uaireanta oibre níos solúbtha agus níos teaghlach-chairdiúla.
"Tá sé róluath a rá an oibreodh seachtain oibre ceithre lá in Éirinn. Tá an smaoineamh uaillmhianach, na torthaí céanna agus an táirgiúlacht chéanna a bhaint amach, ar an bpá céanna agus 20% níos lú uaireanta oibrithe. Feicim an dóigh a bhféadfadh sin oibriú do roinnt ról ach is deacair a fheiceáil cén dóigh a n-oibreodh sé i gcinn eile go háirithe i sláinte, oideachas agus déantúsaíocht mar shampla. Ach ní mór dúinn intinn oscailte a choinneáil maidir le nuálaíochtaí i saol na hoibre. Smaointe amhail saoire bhliantúil, saoire mháithreachais agus saoire atharthachta agus fleisc-am measadh in am amháin go raibh siad radacach agus anois is gnáthrud iad. Sa taighde seo atá á choimisiúnú ag an rialtas tabharfar i bhfad níos mó tuisceana dúinn ar phoitéinseal an smaoinimh seo agus sin é an fáth ar thoiligh an roinn comhurraíocht a dhéanamh air."
Dúirt an tAire Comhshaoil Aeráide agus Cumarsáide Eamon Ryan TD:
“Agus muid ag téarnamh ó phaindéim COVID-19, tá seans againn ár saol oibre a fheabhsú agus a athshamhailt ar bhealach a ndéantar sochar do dhaoine agus don timpeallacht. Chonaiceamar chomh solúbtha agus is féidir le daoine a bheith fiú i gcúinsí deacra, agus ba mhaith linn a fháil amach faoin dóigh a dtig linn cuid den dul chun cinn a choinneáil atá déanta maidir le níos lú comaitéireachta agus níos mó ama teaghlaigh. D’fhéadfadh seachtain ceithre lá cabhrú linn astaíochtaí carbóin agus truailliú aeir a ghearradh, an chothromaíocht idir obair agus saol daoine a fheabhsú agus tacú le comhionannas inscne. Ní mór dúinn breathnú ar an bpoitéinseal agus na tionchair atá le hathrú dá leithéid a mheas, agus cabhróidh an taighde seo linn sin a oibriú amach."
Cuirfear suas le €150,000 ar fáil le tacú leis an taighde seo.
Osclóidh an dá roinn an glaoch go foirmiúil ar 1 Iúil agus ag an am sin soláthrófar na critéir luachála uile, Téarmaí agus Coinníollacha.
Meastar go bhfanfaidh an glaoch oscailte do Thograí go dtí 15 Iúil 2021.