Ó An Roinn Leanaí, Comhionannais, Míchumais, Lánpháirtíochta agus Óige
Foilsithe
An t-eolas is déanaí
Thug an tAire Leanaí, Comhionannais, Míchumais, Lánpháirtíochta agus Óige Roderic O'Gorman, T.D., faomhadh inniu do mhaoiniú breise €800,000 le haghaidh cúig sheirbhís óige ar fud an náisiúin.
Mar chuid de phacáiste €5 milliún faoi Bhuiséid 2021, fuair an tAire O’Gorman maoiniú le haghaidh an chéad Thionscnaíochta Solúbthachta agus Éifeachtachta ag UBU.
Chuir seirbhísí óige incháilithe léiriú suime i dtaisce lena mBord Oideachais agus Oiliúna áitiúil agus beidh méadú i mbunmhaoiniú ag na seirbhísí ar éirigh leo as seo amach. Bhain incháilitheacht le brú ar chostas nó má bhí níos lú ná beirt oibrí coibhéise lánaimseartha (WTE) gaolta le seirbhísí óige maoinithe trí scéim UBU Your Place Your Space.
Cuidíonn an tionscnaíocht le seirbhísí óige a gcuid forála oibre óige a mhéadú. Baineann eagraíochtaí a bhfuil brú costais orthu leas as chomh maith, lena n-áirítear iad sin a fuair laghdú i bhforáil seirbhíse le blianta beaga anuas.
Bainfidh 65 seirbhís óige ar feadh gach 16 limistéar Bhord Oideachais agus Oiliúna leas as an Tionscnaíocht le méaduithe ar a mbundeontais a théann ó dhíreach os cionn €4,000 go dtí beagnach €38,000.
Dúirt an tAire O’Gorman:
“Tá áthas orm a fheiceáil go gcuideoidh an infheistíocht seo ó Státchistí le go leor eagraíochtaí timpeall na tíre. Ní bhaineann an maoiniú breise seo le Covid-19. Baineann sé le hinfheistíocht fhadtréimhseach i seirbhísí óige.
“Cuirim fáilte ar leith roimh chúnamh ETBs agus a gcuid iarrachtaí chun an maoiniú ar fáil a uasmhéadú. Is iad na daoine óga a fhaigheann an leas is mó as sin, le tacaíocht ó sheirbhísí óige beaga a fuair maoiniú breise inniu.
“Feicim an obair chrua iontach atá ar bun ag seirbhísí óige ar fud na tíre faoi choinníollacha dúshlánacha. Rachaidh an maoiniú seo i bhfad chun inbhuanaitheacht os cionn 60 seirbhís timpeall na tíre a threisiú.”
DEIREADH
Tacóidh maoiniú tugtha faoi Thionscnaíocht Sholúbthachta agus Éifeachtachta UBU le seirbhísí óige incháilithe faoi cheann den trí chatagóir a leanas:
1. Eagraíochtaí maoinithe atá faoi bhrú costais gan smacht acu toisc go bhfuil gach iarracht déanta cheana chun bealaí eile a aithint chun an éifeacht sin a laghdú.
2. Eagraíochtaí maoinithe atá faoi bhrú costais gan smacht acu, a raibh laghdú forála seirbhíse déanta cheana féin dóibh chun dul i ngleic leis sin.
3. Eagraíochtaí maoinithe le foráil oibrithe óige teoranta (níos lú ná beirt oibrí WTE) le méadú in uaireanta oibre óige a bhainfeadh leas as foráil seirbhíse.
Thug gach ETB measúnú ar sheirbhísí óige a sheol léiriú suime i gcomhair maoinithe faoin Tionscnaíocht agus a d'ullmhaigh liosta tosaíochta i gcomhair athbhreithnithe ag an Roinn. Tá eagraíochtaí maoinithe ag UBU i dteagmháil go dlúth le ETBs maidir lena gcuid riachtanais trí Chreat Maoirseachta agus Idirghníomhaíochta ar Fheidhmíocht (POEF) mar chuid de UBU Your Place Your Space.
Bhí léirithe suime ar oscailt do gach eagraíochtaí maoinithe faoi scéim UBU Your Place Your Space, agus measúnaithe más incháilithe faoi cheann den trí chatagóir.
| Bord Oideachais agus Oiliúna | Méid Iomlán de réir ETB (cruinn) | Líon na Seirbhísí Óige a Bhaineann Leas As |
| An Cabhán Muineacháin | €17,500 | 2 |
| Cathair Bhaile Átha Cliath | €214,694 | 12 |
| Corcaigh | €75,095 | 9 |
| Dún na nGall | €17,500 | 3 |
| BÁC Dhún Laoghaire | €110,545 | 5 |
| Gaillimh Ros Comáin | €55,092 | 6 |
| Ciarraí | €17,500 | 1 |
| Cill Dara Chill Mhantáin | €39,746 | 4 |
| Cill Chainnigh Cheatharlaigh | €17,500 | 2 |
| Laois Uíbh Fhailí | €17,500 | 3 |
| Luimneach An Clár | €60,833 | 3 |
| Longfort An Iarmhí | €18,197 | 2 |
| An Lú An Mhí | €23,143 | 4 |
| Maigh Eo Sligeach Liatroma | €17,500 | 2 |
| Tiobrad Árann | €21,629 | 3 |
| Port Láirge Loch Garman | €76,027 | 4 |
| Iomlán | €800,000 | 65 |