Fógraíonn an tAire O’Gorman breis agus €2.2 milliún i maoiniú deontais chaipitil do sheirbhísí óige agus d’eagraíochtaí óige

Cheadaigh an tAire Leanaí, Comhionannais, Míchumais, Lánpháirtíochta agus Óige, Roderic O’ Gorman TD, €2.2 milliún inniu i ndeontais chaipitil chun tacú le heagraíochtaí náisiúnta óige, agus seirbhísí agus clubanna óige áitiúla ar fud na tíre.

Le fógra an lae inniu soláthrófar 470 deontas do sheirbhísí agus do chlubanna óige ar fud 14 limistéar Boird Oideachais agus Oiliúna agus 24 Eagraíocht Náisiúnta Óige, lena n-áirítear NYCI, Foróige, Crosscare, YWI, agus Gaisce.

Tá na deontais chaipitil atá á dámhadh inniu ag tacú le seirbhísí agus clubanna le hoibreacha uasghrádaithe, ceannach trealaimh nua, TFC le haghaidh soláthar seirbhíse ar líne, feabhsúcháin ar aeráil, agus oiriúnuithe ar spásanna lasmuigh chun seirbhísí óige a éascú chun gníomhaíochtaí lasmuigh a reáchtáil. Tá thart ar 24 Eagraíocht Náisiúnta Óige ag baint leasa as os cionn €500,000 i ndeontais chaipitil chun tacú lena gcuid oibre ar fud na tíre i réimse TFC, mionoibreacha agus trealaimh.

Dúirt an tAire:

“Tá ríméad orm maoiniú caipitil os cionn €2.2 milliún a cheadú chun tacú le gníomhaíochtaí ar líne, pearsanta agus lasmuigh i seirbhísí agus i gclubanna óige. Tá ról ríthábhachtach ag seirbhísí óige inár bpobail, ag soláthar tacaíochta agus treorach do dhaoine óga, agus á gcumhachtú a lánacmhainneacht a bhaint amach. Bhí siad ar thús cadhnaíochta cabhrú le daoine óga ar fud na paindéime seo, ag cabhrú le scoiteacht shóisialta a mhaolú, trí spás a thairiscint dóibh go pearsanta nó ar líne, chun bualadh lena bpiaraí, agus dúshláin Covid-19 a phróiseáil."

"Tá a fhios agam go bhfuil clubanna agus seirbhísí óige ag obair go crua chun folláine daoine óga a fheabhsú, agus trí dheiseanna a sholáthar d’fhorbairt phearsanta, tá siad ag cabhrú le daoine óga torthaí sóisialta níos fearr a bhaint amach agus tuiscint níos fearr a fháil ar an domhan timpeall orthu. Níl aon amhras orm ach go dtacóidh an maoiniú seo le seirbhísí chun tairbhí réadacha a sholáthar do shaol daoine óga agus iad ag déanamh a mbealach trí na dúshláin leanúnacha a chruthaíonn Covid-19."

CRÍOCH

Nótaí chuig an Eagarthóir:

1. Deontais Chaipitil do Sheirbhísí Óige faoi stiúir Foirne agus do Chlubanna Óige arna reáchtáil ag Oibrithe Deonacha

Tá deontais ceadaithe i gceithre réimse feidhme déag den Bhord Oideachais agus Oiliúna.
Is comhdheontóirí iad BOOanna d’iarratais ar dheontas faoi bhun €5,000. Is í an Roinn, le cead ón Aire, an deontóir i leith gach iarratais os cionn €5,000.
Tá próisis iarratais ar dheontais ar siúl i dhá réimse de chuid an BOO agus táthar ag súil go bhfaighfear aighneachtaí in am trátha.
Go dtí seo, tá fógra foirmiúil maidir le 391 deontas faoi bhun €5,000 tugtha don Roinn.
Cuimsíonn an fógra ceadú ón Aire le haghaidh 79 iarratas, ar mhéideanna os cionn €5,000 suas go huasmhéid €30,000.
Tugann an méid seo a leanas breac-chuntas ar dháileadh na leithdháiltí go dtí seo arna gceadú de réir limistéar BOO.**|

Tábla 1: Iarratais Bhoird Oideachais agus Oiliúna ceadaithe bunaithe ar leithdháileadh caipitil bhunaidh.

Bord Oideachais agus Oiliúna	Leithdháiltí deontais ar BOO arna gcomhaontú ag an Aire (Deontais <€5,000)	Deontais os cionn €5,000 ceadaithe ag an Aire.	Leithdháileadh maoinithe caipitil don BOO
An Cabhán Muineachán	€37,958.56	€15,068.94	€53,027.50
Corcaigh	€27,244.00	€130,500.00	€157,744.00
Cathair Bhaile Átha Cliath	€52,525.00	€418,575.00	€471,100.00
Baile Átha Cliath Dún Laoghaire	€17,049.66	€184,754.51	€201,804.17
Gaillimh Ros Comáin	€57,866.00	€81,011.00	€138,877.00
Ciarraí	€23,705.00	€24,428.00	€48,133.00
Cill Dara Cill Mhantáin	€31,348.50	€56,318.00	€87,666.50
Cill Chainnigh Ceatharlach	€8,699.00	€55,196.82	€63,895.82
Luimneach An Clár	€39,402.27	€155,564.45	€194,966.72
Laois Uíbh Fhailí	€15,315.79	€16,986.44	€32,302.23
An Longfort An Iarmhí	€11,450.00	€43,090.00	€54,540.00
Maigh Eo Sligeach Liatroim	€32,075.00	€47,358.00	€79,433.00
Tiobraid Árann	€26,431.76	€26,217.59	€52,649.35
Port Láirge Loch Garman	€40,960.69	€52,120.25	€93,080.94
Iomlán	€422,031.23	€1,307,189	€1,729,220.23

2. Deontais Chaipitil d'Eagraíochtaí Náisiúnta Óige

Chomh maith le deontais do sheirbhísí agus do chlubanna óige áitiúla, bronnadh na méideanna seo a leanas ar Eagraíochtaí Náisiúnta Óige, agus tá an scéim deontas caipitil seo dúnta anois.

Tábla 2: Deontais chaipitil arna gceadú ag an Aire Uí Gorman do na hEagraíochtaí Náisiúnta Óige

Eagraíocht Náisiúnta Óige	Deontas Caipitil Ceadaithe
Belong To	€17,145.12
Catholic Guides of Ireland	€28,033.70
Church Of Ireland Youth Department	€19,617
Crosscare	€48,010.66
Experiment in International Living	€3,249.53
ECO - Clubanna UNESCO	€14,016
Feachtas	€8,191.40
Foróige	€48,737.42
Gaisce - Gradam an Uachtaráin	€41,215.17
Girls Friendly Society	€3,305.86
Involve	€25,547.16
Irish Girl Guides	€43,890.00
Irish Methodist	€3,417.00
Junior Chamber Ireland	€1.945.00
Localise Youth and Community Service Ltd	€14,786.00
Macra na Feirme	€50,000
Comhairle Náisiúnta Óige na hÉireann	€39,435.27
Ógras	€21,392.00
Daltaí Ord Mhálta	€5,114.00
SpunOut	€11,012.69
Scouting Ireland	€50,000.00
Voluntary Services International	€9,261
Young Irish Film Makers	€6,711
Obair d'Ógra Éireann	€50,000
IOMLÁN	€564,032.98