Plean Gnímh Dramhaíola do Gheilleagar Ciorclach seolta ag an Aire Ryan
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
• Soláthraíonn Beartas Náisiúnta Dramhaíola na hÉireann 2020-2025 mapa don aistriú go geilleagar ciorclach sa deich mbliana atá romhainn.
Leagfaidh Éire spriocanna nua uaillmhianacha síos chun dul i ngleic le dramhaíl agus aistriú i dtreo geilleagair chiorclaigh faoi phlean nua atá fógartha ag an Aire Cumarsáide, Gníomhaithe ar son na hAeráide agus Comhshaoil, Éamon Ryan T.D. Ar na spriocanna atá sa phlean tá dramhaíl bhia a laghdú ar a leath faoi 2030, scéim éarlaise agus aisíoca a thabhairt isteach maidir le buidéil phlaisteacha agus cannaí, cosc ar úsáid plaistigh áirithe aon úsáide ó Iúil 2021 ar aghaidh, agus tobhach ar chupáin indiúscartha. Ar na bearta eile tá critéir ghlasa agus prionsabail geilleagair chiorclaigh a chur i bhfeidhm i soláthar poiblí, tobhach tógáil dramhaíola chun an athchúrsaíl a spreagadh, agus a chinntiú faoi 2030 go bhfuil gach pacáistiú in-athúsáidte nó in-athchúrsáilte.
Faoi 2050, bheadh trí cinn de phláinéid cosúil leis an Domhan de dhíth lenár n-éilimh ar acmhainní a shásamh dá leanfaimis ar aghaidh mar atá faoi láthair. Leis an aistriú go geilleagar ciorclach, is féidir todhchaí eile inbhuanaithe a chruthú dúinn féin; is bunchéim é i dtreo na spriocanna comhshaoil a fhíorú. Leis an bplean gníomhbhunaithe seo, beidh Éire chun tosaigh sna hiarrachtaí atá ar siúl ag an Aontas Eorpach. Leis an bpolasaí nua seo, ní bainistiú dramhaíola a bheidh ar siúl againn níos mó, ach beidh orainn úsáid acmhainní agus ábhar a cheistiú ó bhun, athmhachnamh a dhéanamh ar dhearadh táirgí chun giniúint dramhaíola a laghdú agus ar an dóigh sin saolré táirgiúlachta na n-earraí agus na dtáirgí a úsáidimid a mhéadú.
Ag labhairt dó inniu, dúirt an tAire Ryan:
“Tá a fhios againn nach bhfuil an tsamhail atá á leanúint faoi láthair againn maidir le táirgeadh agus caitheamh inbhuanaithe ó thaobh úsáid acmhainní, diúscairt dramhaíola, an athraithe ar an aeráid agus cailleadh bithéagsúlachta de. Ní mór dúinn athmhachnamh a dhéanamh ar an gcaidreamh atá againn leis na rudaí agus leis an stuif againn – conas a tháirgimid é, a úsáidimid é agus a fhaighimid réidh leis. Tá sé leagtha amach sa phlean seo conas a thabharfaimid faoi sin ar dhóigh a théann chun sochair do dhaoine agus don phláinéad.”
Beidh deiseanna ann leis an ngeilleagar ciorclach nua poist a chruthú agus inbhuanaitheacht fhadtéarmach a bhaint amach.
“Tá ról le himirt ag gach earnáil, gach teaghlach, gach gnó agus gach eagraíocht in Éirinn san aistriú go geilleagar ciorclach. Is féidir le hÉirinn ról ceannasaíochta a ghlacadh sa réimse seo, agus buntáistí comhshaoil, sóisialta agus eacnamaíochta a chur ar fáil do na saoránaigh trí fheasacht mhéadaithe, trí chinntí níos eolasaí maidir le caitheamh agus trí ghlacadh le comhfhreagracht as na nithe seo.”
Is iad seo a leanas na cuspóirí uileghabhálacha sa phlean gnímh:
Is féidir cuid de na bearta a chur i bhfeidhm láithreach. Tá athruithe reachtaíochta nó institiúidiúla ag teastáil maidir le bearta eile. Shínigh an tAire trí Rialúchán ar na mallaibh a aistríonn Treoracha de chuid an AE. Beidh siad seo mar bhunús reachtúil le forálacha Geilleagair Chiorclaigh, agus tabharfar Bille nua um Bainistiú Dramhaíola (Geilleagar Ciorclach) isteach freisin maidir le bearta náisiúnta. Tiocfaidh athrú ar obair an Ghrúpa Chomhairligh Dramhaíola anois. Go dtí seo thug siad cúnamh agus an plean seo á fhorbairt agus tacóidh siad anois lena chur i bhfeidhm.
CRÍOCH
Is iad seo a leanas na príomhspriocanna sa Phlean Gnímh Dramhaíola do Gheilleagar Ciorclach:
Teaghlaigh agus Gnónna
Dramhaíl Bhia
Plaisteach, Pacáistiú agus Plaisteach Aon Úsáide
Freagracht Shínte Táirgeoirí
Dramhaíl Foirgníochta agus Scartála
Teicstílí
Cóireáil
Forfheidhmiúchán
Ceannasaíocht Rialtais maidir leis an nGeilleagar Ciorclach
Ní féidir leanúint ar aghaidh ar an dóigh seo