Róil
An tArd-Rúnaí Tánaisteach um Chúrsaí Idirnáisiúnta, AE agus Thuaisceart Éireann
Foilsithe
An t-eolas is déanaí
Foilsithe
An t-eolas is déanaí
Oibríonn an tAonad um Chomhleanúnachas Beartais AE chun comhleanúnachas uile-Rialtais a chinntiú i ndáil le beartais leathana AE, d’fhonn forléargas agus fócas straitéiseach a chur ar fáil i réimsí lena n-áirítear buiséad an Aontais (MFF), cúrsaí an limistéir euro, an margadh inmheánach agus trádáil agus an Seimeastar Eorpach.
Tacaíonn an tAonad um Pleanáil Straitéiseach AE leis an Taoiseach mar chomhalta den Chomhairle Eorpach, agus i ndáil le próiseas Airteagal 50 an Bhreatimeachta freisin, agus cuireann an tAonad maoirseacht agus treo straitéiseach ar fáil ar shaincheisteanna beartais, lena n-airítear imirce, slándáil agus cosaint, agus caidreamh seachtrach. Chomh maith leis sin, oibríonn an tAonad chun ár rannpháirtíocht straitéiseach le comhpháirtithe AE a fhorbairt agus chun tacú le hobair Choiste Comh-Aireachta C.
Tugann an tAonad Idirnáisiúnta comhairle don Taoiseach maidir le beartas idirnáisiúnta agus tacaíonn an tAonad lena ghníomhaíochtaí mar Cheann Rialtais, ag obair i gcomhar leis chun tacú le fás geilleagrach, trádáil agus cruthú fostaíochta, mar aon le caidrimh straitéiseacha, leasanna agus cáil na hÉireann thar lear a chosaint agus a láidriú.
Tacaíonn Rannán na Breataine agus Thuaisceart Éireann le hobair an Taoisigh agus an Rialtais chun cuidiú le síocháin a choimeád agus caidreamh nua a fhorbairt ar oileán na hÉireann idir an Bhreatain agus Éire.
Pléann an Rannán le gach gné den chaidreamh idir an Bhreatain agus Éire agus go háirithe, an tionchar atá ag an mBreatimeacht ar ghnóthaí Thuaisceart Éireann agus ar chomhoibriú Thuaidh-Theas, mar aon leis an gcaidreamh leis na rialtais chineachta, agus tacaíonn an Rannán le hobair Choiste Comh-Aireachta C (AE agus an Breatimeacht) maidir leis na ceisteanna sin.
Tacaíonn an Rannán le hobair an Taoisigh agus an Rialtais i gcomhar le Rialtas na Breataine mar chomhráthóirí Chomhaontú Aoine an Chéasta agus a institiúidí. Áirítear leis sin go háirithe tacú le rannpháirtíocht an Taoisigh sa Chomhairle Aireachta Thuaidh/Theas, ar féidir a thionóil nuair atá Feidhmeannacht Thuaisceart Éireann i bhfeidhm, agus i gComhairle na Breataine-na hÉireann mar institiúidí barrthábhachtacha de chuid Chomhaontú Aoine an Chéasta.
Mar aon le réimsí eile laistigh den roinn agus ranna eile an rialtais, tá ról ag an Rannán maidir le maoirseacht agus forbairt a dhéanamh ar chlár comóraidh an Stáit do Dheich mBliana na gCuimhneachán.