Seirbhís
Liúntas Fiontraíochta um Fhilleadh ar Obair
Foilsithe
An t-eolas is déanaí
Foilsithe
An t-eolas is déanaí
Faoi Scéim an Liúntais Fiontraíochta um Fhilleadh ar Obair, spreagtar daoine a fhaigheann íocaíochtaí leasa shóisialaigh áirithe chun dul le féinfhostaíocht. Má ghlacann tú páirt i Scéim an Liúntais Fiontraíochta um Fhilleadh ar Obair, is féidir leat céatadán de d’íocaíocht leasa shóisialaigh a choimeád ar feadh suas le 2 bhliain. Tá an Liúntas seo á íoc ag an roinn le daoine atá faoi bhun 66 bliana d’aois.
Is cóir d’iarratasóir nua bualadh le Cásoifigeach a dhéanfaidh measúnacht ghairid tosaigh leat chun d’oiriúnacht chuig an scéim a mheasúnú i gcomhréir le do phlean um dhul chun cinn. Nuair a bheidh sé seo críochnaithe, déanfar thú a tharchur chuig Cuideachta Forbartha Áitiúla (CFÁ) a chuideoidh leat do roghanna a phlé agus inmharthanacht do smaoinimh ghnó a chíoradh. Cuideoidh an CFÁ ó thaobh do phlean gnó a ullmhú chun an fiontar nua a léiriú. Nuair a bheidh an plean críochnaithe, cuirfear ar ais é chuig an gCásoifigeach a dhéanfaidh athbhreithniú ar an togra agus a dhéanfaidh moladh ansin i gcomhair an Oifigigh Bhreithiúnachta.
An túisce a ghlacfar leat sa scéim féadfaidh d’fhiontar nua leas a bhaint as na tacaí ón gCasoifigeach agus as an meantóireacht ón gCuideachta Forbartha Áitiúla thar dhá bhliain na scéime.
Is féidir leat cáiliú do Liúntas Fiontraíochta um Fhilleadh ar Obair:
Má tá tú ag dul le féinfhostaíocht i ngnó nua atá faofa roimh ré i scríbhinn ag Cásoifigeach de chuid na roinne agus ag Cuideachta Forbartha Áitiúla (féach ‘Conas iarratas a dhéanamh’ anseo thíos)
agus
Má tá Sochar Cuardaitheora Poist nó Liúntas Cuardaitheora Poist á fháil go leanúnach agat le 9 mí (234 lá) ar a laghad. Má tá ceachtar de na híocaíochtaí seo á fháil go leanúnach agat le 12 mhí (312 lá) díreach roimh an Liúntas Fiontraíochta um Fhilleadh ar Obair, is féidir uasmhéid 30 lá a bheith agat, agus tú gan a bheith ar an mBeochlár na laethanta sin, i rith na tréimhse seo
(*le bunteidlíocht ar Liúntas Cuardaitheora Poist - féach 'Sochar Cuardaitheora Poist agus bunteidlíocht ar Liúntas Cuardaitheora Poist ' thíos)
nó
Má tá ceann de na híocaíochtaí cáiliúcháin seo thíos á fháil go leanúnach agat le 9 mí ar a laghad:
nó
Ag cáiliú ón Sochar Breoiteachta: íocaíocht cháiliúcháin leasa shóisialaigh á fáil i 3 cinn de na 5 bliana deireanacha
nó
Cumasc d’Íocaíocht Teaghlaigh Aontuismitheora/Íocaíocht Idirthréimhseach Chuardaitheora Poist/Liúntas Cuardaitheora Poist á fháil go leanúnach le 9 mí
Is féidir thú a bhreithniú i gcomhair an Liúntais Fiontraíochta um Fhilleadh ar Obair más duine fásta cáilithe thú i dtaca le duine a bhfuil an Liúntas Fiontraíochta um Fhilleadh ar Obair á fháil cheana aige nó aici.
Is féidir go gcáileoidh tú má chuireann an duine a fhaigheann an Liúntas Fiontraíochta um Fhilleadh ar Obair stad lena f(h)éinfhostaíocht sula n-ídeofar a t(h)eidlíocht mar gheall ar dhálaí áirithe. Chuimseodh dálaí bailí breoiteacht fhadtréimhseach nó díobháil fhadtréimhseach a chuireann cosc ar an éilitheoir bunaidh obair a dhéanamh, nó breoiteacht ar dhuine den neasteaghlach lena gceanglaítear air nó uirthi dul leis an gcúramóireacht go lánaimseartha. Más duine fásta cáilithe thú i dtaca le héilitheoir ar Liúntas Fiontraíochta um Fhilleadh ar Obair atá éirithe as a f(h)éinfhostaíocht chun dul i mbun fostaíochta eile, ní dála bailí atá anseo chun thú a cháiliú don Liúntas Fiontraíochta um Fhilleadh ar Obair.
Má cháilíonn tú don Liúntas Fiontraíochta um Fhilleadh ar Obair ar an gcaoi seo, is féidir leat leas a bhaint as an scéim go ceann na coda eile de thréimhse an éilimh bhunaidh. Is éard atá i gceist leis seo ná teidlíochtaí an éilitheora bhunaidh a bheith á n-aistriú aige nó aici chugatsa mar chéile, mar pháirtnéir sibhialta nó mar chomhchónaitheoir leis nó léi. (I bhfocail eile, beidh tú féinfhostaithe agus beidh an t-éilitheoir bunaidh mar dhuine fásta cáilithe i dtaca leatsa ar an Liúntas Fiontraíochta um Fhilleadh ar Obair). Má tá an t-éilitheoir bunaidh i dteideal creidmheasanna, is féidir leis nó léi leanúint de na creidmheasanna a éileamh. Ní féidir, áfach an Liúntas Fiontraíochta um Fhilleadh ar Obair a íoc san am céanna le híocaíocht leasa shóisialaigh eile, agus mar sin má chinneann an t-éilitheoir bunaidh (anois an duine fásta cáilithe) go ndéanfaidh sé nó sí éileamh ar íocaíocht eile, ní foláir duit éirí as éileamh a dhéanamh ar an Liúntas Fiontraíochta um Fhilleadh ar Obair.
Má scaoileadh le déanaí as príosún thú, b’fhéidir go gcáileofá don Liúntas Fiontraíochta um Fhilleadh ar Obair. Is féidir am a chaitear i bpríosún a áireamh i leith na tréimhse cáiliúcháin i dtaca leis an Liúntas Fiontraíochta um Fhilleadh ar Obair má shuíonn tú teidlíocht ar íocaíocht leasa shóisialaigh a bhaineann le hábhar roimh duit dul le féinfhostaíocht.
Má bhíonn tú incháilithe do Liúntas Fiontair Ar Ais Ag Obair, is féidir leat an chuid a leanas de d’íocaíocht leasa sóisialta a choimeád, lena n-áirítear arduithe do dhuine fásta incháilithe, agus páistí incháilithe ar feadh uasmhéid 2 bhliana:
Má athraíonn do chúinsí, is féidir le do ráta íocaíochta do dhuine fásta incháilithe nó páistí incháilithe breise a bheith ardaithe nó laghdaithe, ag brath ar do chúinsí. D’ainneoin sin, áfach, má bhíonn d’éileamh Liúntais Fiontair Ar Ais Ag Obair bunaithe ar theidlíocht roimhe sin ar Íocaíocht Teaghlaigh Aon Tuismitheora nó Liúntas Cúramóra, ní féidir leat ardú a iarradh do dhuine fásta incháilithe toisc nach mbeadh sin iníoctha ar do bhunteidlíocht.
If your qualified adult finds employment, this does not affect your Back to Work Enterprise Allowance. However, if your qualified adult claims another social welfare payment in their own right, your Back to Work Enterprise Allowance payment will be reduced accordingly.
Chun iarratas a dhéanamh don Liúntas Fiontair Ar Ais Ag Obair, ní mór duit foirm iarratais BTW2 a líonadh isteach:
Foirm Iarratais: do dhaoine féinfhostaithe faoin Liúntas Fiontraíochta um Fhilleadh ar Obair (BTW2)
Eagrán: Samhain 2021
Ba chóir duit do BTW 2 a sheoladh chuig do Chásoifigeach in d’Ionad Intreo áitiúil nó Oifig Bhrainse Leasa Shóisialta.
Breathnóidh an cásoifigeach ar do thairiscint ghnó agus d’fhéadfadh sé gnéithe áirithe a phlé leat. Ansin d’fhéadfá a bheith atreoraithe go dtí do Chomhlacht Forbartha áitiúil. Ní bheidh cead agat glacadh le féin-fhostaíocht go dtí go bhfuil faomhadh i scríbhinn faighte agat ón roinn.
Má bhí tú faofa ar an Liúntas Fiontair Ar Ais Ag Obair, ní mór duit clárú mar féin-fhostaithe leis na Coimisinéirí Ioncaim.
Is scéim riaracháin é Liúntas Fiontair Ar Ais Ag Obair. Ciallaíonn sin nach féidir leat achomharc a dhéanamh ar chinneadh chuig Oifig Achomhairc Leasa Shóisialta. In ainneoin sin, is féidir leat iarradh ar an roinn athbhreithniú a dhéanamh ar d’iarratas má cheapann tú gur diúltaíodh le do liúntas trí bhotún.
Go hailtéarnach, d’fhéadfá a bheith incháilithe do Liúntas Fiontair Gearrtéarmach (STEA). Scéim neamh-reachtúil is ea STEA a thacaíonn leat má chaill tú do phost agus is mian leat do ghnó féin a bhunú. Íoctar Liúntas Fiontair Gearrtéarmach ar do Shochar Cuardaitheora Poist/íocaíocht Féin-fhostaithe (JB/JBSE) ar uastréimhse 9 mí. Tagann deireadh leis nuair a bhíonn deireadh le do theidlíocht ar JB/JBSE (is é sin, 9 nó 6 mhí). D’fhéadfá a bheith i dteideal sochair tánaisteacha a fháil I gcúinsí áirithe. Is féidir leat teacht ar a thuilleadh eolais ar an Liúntas Fiontair Gearrtéarmach ag STEA.
Tugann treoirlínte oibriúcháin cur síos ar na próisis agus nósanna imeachta a leanann foireann sa roinn le linn a gcuid oibre a dhéanamh.
Tá Liúntas Fiontraíochta um Fhilleadh ar Obair comh-mhaoinithe ag Rialtas na hÉireann agus ag an Aontas Eorpach. Téigh go dtí eufunds.ie I gcomhair a thuilleadh eolais.