Seirbhís
Iarratas a dhéanamh chuig an RCAC ar Rochtain ar Fhaisnéis maidir leis an gComhshaol
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Tugann na Rialacháin um Rochtain ar Fhaisnéis maidir leis an gComhshaol (RFC) 2007 go 2018 an ceart do shaoránaigh rochtain a fháil ar fhaisnéis maidir leis an gcomhshaol ó údaráis phoiblí.
Cuir in iúl i do litir le do thoil go bhfuil d’iarratas á chur isteach faoi na Rialacháin RFC 2007-2018. Ar mhaithe leis an bpróiseas iarratais RFC a chuíchóiriú agus ar mhaithe le freagra tráthúil ar gach iarratas a áirithiú, tá foirm iarratais RFC forbartha againn.
Más mian leat iarratas a dhéanamh ar rochtain ar fhaisnéis maidir leis an gcomhshaol atá á coimeád ag an Roinn Comhshaoil, Aeráide agus Cumarsáide (RCAC), nó atá á coimeád ar son na Roinne, ní gá ach an fhoirm thuas a chomhlíonadh agus a sheoladh chuig:
Chomh maith leis sin is féidir iarratas a sheoladh i bhfoirm ríomhphoist chuig corporatesupport.unit@decc.gov.ie
Ní mór a chur in iúl san iarratas go bhfuil an t-iarratas á dhéanamh faoi na Rialacháin RFC.
Cuirfidh an RCAC ar an eolas thú faoin gcinneadh maidir le d’iarratas laistigh de mhí amháin ón tráth a gheofar é.
Nuair a gheofar iarratas RFC, cuirfidh an RCAC litir admhála chugat ina shonrófar an dáta a fuarthas an t-iarratas agus an dáta deiridh faoina gcuirfear cinneadh amach.
Ní ghearrtar aon táille ar iarratas a dhéanamh faoi na Rialacháin RFC. Ach tugann na rialacháin cead d’údarás poiblí táille réasúnta a ghearradh as an gcostas a bhaineann leis an bhfaisnéis maidir leis an gcomhshaol a chur ar fáil.
Tá na táillí seo a leanas socraithe ag an RCAC:
Cuirfear sonraí in iúl maidir le cibé táillí a bheidh i gceist i litir an chinnidh deiridh.
Tabhair faoi deara go bhféadfar an táille a tharscaoileadh i gcás ina measfar gur lú an costas ná €100.
Féadfar go gcuirfear táillí ar leataobh chomh maith mura bhfuil sa taifead ach faisnéis phearsanta agus, ag féachaint d’acmhainn an iarratasóra, mura mbeadh sé réasúnta táille a chur i bhfeidhm.
Is féidir iarratas a dhéanamh ar athbhreithniú inmheánach ar an gcinneadh i gcás inar diúltaíodh do d’iarratas ar rochtain ar fhaisnéis maidir leis an gcomhshaol go hiomlán nó i bpáirt, nó i gcás ina gcreideann tú nár déileáladh leis i gcomhréir le forálacha na Rialachán RFC. Ba cheart duit an t-iarratas sin ar athbhreithniú inmheánach a dhéanamh laistigh de mhí amháin i ndiaidh duit an cinneadh deiridh a fháil. Ba cheart iarratas ar athbhreithniú inmheánach a chur isteach chuig corporatesupport.unit@decc.gov.ie
Mura bhfuil tú sásta le toradh an athbhreithnithe inmheánaigh, féadfaidh tú a iarraidh ar Oifig an Choimisinéara um Fhaisnéis Comhshaoil (OCFC) an cheist a athbhreithniú. Ba cheart duit iarratas ar achomharc a dhéanamh chuig an OCFC laistigh de mhí amháin i ndiaidh duit cinneadh an athbhreithnithe inmheánaigh a fháil. Tá tuilleadh faisnéise maidir le hiarratas a chur isteach chuig an CFC ar fáil anseo.