Déanann an Scéim um Chúramaí Baile níos éasca é do chúramaí baile cáiliú do ráta níos airde Pinsean Stáit (Ranníocach) nuair a shroicheann tú aois an phinsin.
Tugadh isteach an Scéim um Chúramaí Baile ar an 6 Aibreán 1994 chun tacú le daoine a éiríonn as an obair chun aire a thabhairt do leanbh faoi aois a 12 nó do dhuine fásta atá ar éagumas. Ní féidir ach tréimhsí tar éis an dáta seo a chur san áireamh, suas go huasmhéid 20 bliain.
Is duine an cúramaí baile a thugann aire lánaimseartha do:
- leanbh faoi bhun 12;
- duine os cionn 12 atá éagumasaithe agus a dteastaíonn cúram lánaimseartha uaidh/uaithi
Is féidir bliain chánach iomlán a caitear mar chúramaí baile a fhágáil amach nuair atáthar ag ríomh an mheáin bhliantúil don Phinsean Stáit (Ranníocach).
Ar mhaithe le cáiliú, ní mór duit:
- cónaí go buan sa Stát (ach amháin i gcás an AE nó oibrí ar phostú), tá tuilleadh eolais faoi AE nó faoi oibrí ar phostú ar fáil anseo
- a bheith os cionn 16 bliana d'aois agus faoi bhun aois an phinsin ag an am a chuir tú cúram ar fáil
- a bheith tosaithe ar fhostaíocht inárachais nó ar fhéinfhostaíocht ag aois a 16 nó ina dhiaidh agus faoi aois a 56;
- cinntiú nár ghlac tú páirt i bhfostaíocht, féinfhostaíocht, obair dheonach, nó cúrsaí oiliúna nó oideachais atá cothrom le níos mó ná 18.5 uair sa tseachtain
Mura bhfuil tú i do chónaí leis an té atá faoi do chúram, caithfidh:
- córas cumarsáide díreach a bheith idir do bhaile agus an té atá faoi do chúram, mar shampla guthán nó córas aláraim
- nach bhfuil an té atá faoi do chúram ag fáil cúram nó aire fadtéarmach ina b(h)aile féin ó aon duine eile
Ní mór don duine dá dtugtar cúram dó/di a bheith chomh héagumasach sin go dteastaíonn maoirseacht leanúnach uaidh nó uaithi:
- chun contúirt dó féin nó di féin a sheachaint nó
- cúnamh go minic i rith an lae i dtaca lena ngnáthriachtanais phearsanta
Is féidir leat d'iarratas a shiardhátú má tá cúis mhacánta agat maidir le cén fáth ar cuireadh moill le d'éilimh a dhéanamh.
Is ionann bliain mar chúramóir baile agus bliain a bhfuil tú as an bhfórsa oibre ar feadh bliain chánach iomlán. Ní thógann do thaifead ÁSPC an bhliain seo san áireamh - tugtar neamhaird ar.
Is féidir neamhaird a thabhairt ar suas le 20 bliain ar a mhéad de chúramaíocht bhaile a d'fhéadfadh cabhrú leat cáiliú don Phinsean Stáit (Ranníocach).
Má thosaigh tú ag obair ag 16 agus sroicheann tú aois an phinsin ag 66 bliain, is ionann é sin agus gairm oibre 50 bliain. Cuirtear na 50 bliain ar fad san áireamh chun críche pinsin. Nuair a dhéantar do phinsean a mheas, déanfar meán do na ranníocaíochtaí ÁSPC iomlán thar do shaol oibre thar na 50 bliain sin a dhéanamh amach.
Ach más rud é gur fhág tú an fórsa oibre ar feadh 16 bliana agus má bhí tú mar chúramaí baile ceadaithe i rith an ama sin, oibreofar amach do phinsean ar bhealach difriúil. Roinnfear do chuid ranníocaíochtaí iomlána thar 34 seachtain (50 bliain lúide 16 bliana as an bhfórsa oibre). Mar sin, ní bheidh tú faoi aon mhíbhuntáiste de bharr an ama a raibh tú ag tabhairt cúraim do leanbh nó do dhuine fásta ar éagumas.
Ós rud é nach féidir neamhaird a thabhairt ach ar bhliain iomlán, bronntar creidmheasanna na Scéime um Chúramaí Baile ar feadh tréimhse cúraim atá níos lú ná bliain iomlán agus ar feadh cuid de bhliain ag tús agus/nó ag deireadh tréimhse chúraim.
Is é an bealach is tapúla agus is éasca le hiarratas a dhéanamh ar thréimhse um Chúramaí baile ar líne ná ag MyWelfare.ie. Ní mór go mbeadh cuntas MyGovID fíoraithe agat chun MyWelfare.ie a úsáid. Chun iarratas a dhéanamh i scríbhinn, comhlánaigh foirm iarratais na Scéime Cúraim Pinsin thíos:
Foirm Iarratais: Scéim um Chúramaí Baile (HM1)
Eagrán: Meán Fómhair 2021
Íosluchtaigh nasc le haghaidh
Íoslódáil
féachaint ar an gcomhad
Amharc
Is féidir leat an fhoirm seo a fháil freisin ag:
Seol d'fhoirm iarratais chomhlánaithe le do thoil chuig:
Pension Caring Supports
Seoladh:
Department of Social Protection, McCarter’s Road, Buncrana, Co. Donegal, F93 CH79
Ríomhphost:
Uimhir theileafóin:
Achoimre:
If you are calling from outside of Ireland please call +353 1 471 5898
Déantar cur síos sna treoirlínte oibríochta ar na próisis agus ar na nósanna imeachta a leanann baill foirne na roinne agus iad i mbun a gcuid oibre.