Seirbhís
An Scéim Náisiúnta Morgáiste go Cíos ón Údarás Áitiúil
Ó An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
Ó An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
Tionscnamh rialtais is ea scéim Morgáiste go Cíos na nÚdarás Áitiúil chun cabhrú le húinéirí tí:
Tá an scéim ar cheann de na rúin a d’fhéadfadh a bheith ann do dhaoine a raibh baint acu leis an bPróiseas Réitigh Riaráistí Morgáiste (MARP) le húdarás áitiúil agus a gcinntear go bhfuil a morgáiste neamh-inbhuanaithe. Is é an chéim is tábhachtaí is féidir le teaghlach ar bith i riaráistí morgáiste a ghlacadh ná teagmháil a dhéanamh go luath le hAonad Tacaíochta Riaráistí an údaráis áitiúil.
Cuireann an scéim ar chumas sealbhóirí tí fanacht ina dteach. Aistrítear úinéireacht an tí chuig an údarás áitiúil. Beidh an sealbhóir tí ina thionónta tithíochta sóisialta agus íocfaidh sé cíos difreálach leis an údarás áitiúil.
Chun páirt a ghlacadh sa scéim caithfidh tú a bheith in ann tá a fhreagairt ar na ceisteanna seo a leanas:
1. An bhfuil tú in ann na haisíocaíochtaí ar d’Iasacht Mhorgáiste a dhéanamh agus nach dócha go dtiocfaidh aon athrú ar an scéal amach anseo?
2. An bhfuil tú i dteagmháil le d’iasachtóir chun iarracht a dhéanamh teacht ar réiteach ar an gcás?
3. An bhfuil an Próiseas Réitigh Riaráistí Morgáiste (MARP) críochnaithe agat le d’iasachtóir?
1. An bhfuil do mhaoin i gcothromas diúltach nó laistigh de na teorainneacha de chothromas dearfach atá ceadaithe faoin scéim i do réigiún? Féach an tábla thíos le faisnéis faoi na teorainneacha seo.
| Banda | Limistéir údaráis áitiúil | Cothromas dearfach incheadaithe |
| 1 | Cathair Chorcaí, Cathair Bhaile Átha Cliath, Dún Laoghaire, Ráth an Dúin, Fine Gall, Cathair na Gaillimhe, An Mhí, Baile Átha Cliath Theas, Cill Dara, Cill Mhantáin | €35,000 |
| 2 | Ceatharlach, An Clár, Contae Chorcaí, Contae na Gaillimhe, Ciarraí, Cill Chainnigh, Laoise, Cathair agus Contae Luimnigh, Lú, Cathair agus Contae Phort Láirge, An Iarmhí, Loch Garman | €30,000 |
| 3 | Cabhán, Dún na nGall, Liatroim, Longfort, Maigh Eo, Muineachán, Uíbh Fhailí, Ros Comáin, Sligeach, Tiobraid Árann | €25,000 |
2. An é teach do theaghlaigh an t-aon mhaoin atá agat?
3. An dtugann do mhaoin cóiríocht cheart do do theaghlach? Ceadaítear uasmhéid de dhá sheomra leapa breise duit ach is féidir solúbthacht a chur i bhfeidhm maidir leis seo:
Is féidir le d’údarás áitiúil tuilleadh treorach agus faisnéise a sholáthar duit.
4. An bhfuil luach do mhaoine níos mó ná:
1. An bhfuil tú incháilithe do Thacaíocht Tithíochta Sóisialta san údarás áitiúil ina bhfuil an teach suite?
2. An bhfuil do ghlanioncam teaghlaigh faoi bhun €25,000*, €30,000* nó €35,000* sa bhliain, ag brath ar cén chuid den tír ina gcónaíonn tú? Tá faisnéis faoi na teorainneacha seo ar fáil ar gov.ie.
*Liúntais bhreise do leanaí.
(Tabhair ar aird - is ionann glanioncam teaghlaigh agus ioncam an teaghlaigh a fhaightear trí fhostaíocht, féinfhostaíocht, ioncam leasa shóisialaigh nó foinsí ioncaim eile tar éis cánacha agus árachas sóisialta (ÁSPC) a bhaint as. Níl íocaíochtaí áirithe ón Roinn Coimirce Sóisialaí san áireamh chun críocha measúnaithe tacaíochta tithíochta sóisialta. Is féidir le d’údarás áitiúil tuilleadh eolais a sholáthar duit faoi seo.)
3. An bhfuil ceart fadtéarmach agat fanacht i bPoblacht na hÉireann?
Chun iarratas a dhéanamh ar an scéim, déan teagmháil leis an aonad tacaíochta do riaráistí morgáiste i d’údarás áitiúil.