Seirbhís
An Díbhinn Teaghlaigh um Fhilleadh ar Obair
Foilsithe
An t-eolas is déanaí
Íocaíocht sheachtainiúil atá sa Díbhinn Teaghlaigh um Fhilleadh ar Obair a dhéantar chun cabhrú le daoine a bhfuil leanaí acu aistriú ó leas sóisialach isteach san obair.
Tugann sé tacaíocht airgeadais do dhaoine a bhfuil leanaí cáilithe acu atá i bhfostaíocht nó féinfhostaíocht nó a thosaíonn fostaíocht nó féinfhostaíocht agus a chuireann stop le hÍocaíocht Chuardaitheora Poist nó Sochar Cuardaitheora Poist, Sochar Cuardaitheora Poist do Dhaoine Féinfhostaithe, Íocaíocht Teaghlaigh Aontuismitheora nó Íocaíocht Idirthréimhseach Chuardaitheora Poist a éileamh.
Is éard is leanbh cáilithe ann ná leanbh a shine le 18 mbliana d’aois, a bhfuil gnáthchónaí air/uirthi sa Stát agus atá ag cónaí leat.
Meastar go bhfuil leanbh atá idir 18 agus 22 bliain d’aois agus a bhfuil gnáthchónaí air/uirthi sa Stát cáilithe má tá siad in oideachas lánaimseartha sa lá ag scoil nó coláiste aitheanta.
B’fhéidir go mbeidh tú incháilithe don scéim má tá ar a laghad leanbh cáilithe amháin agat agus má tá ceann de na híocaíochtaí seo a leanas á fáil agat.
- Sochar Cuardaitheora Poist nó Sochar Cuardaitheora Poist nó Sochar Cuardaitheora Poist do Dhaoine Féinfhostaithe á fháil ar feadh ar a laghad 12 mhí (312 lá dífhostaíochta) ar gá do 6 mhí (156 lá dífhostaíochta), ar a laghad, de sin a bheith i gceist le bliain anuas
- Íocaíocht Teaghlach Aontuismitheora
- Íocaíocht Idirthréimhseach Chuardaitheora Poist (a íoctar le daoine nach bhfuil ag comhchónaí lena chéile agus a bhfuil leanaí acu atá os cionn seacht mbliana d’aois agus atá faoi 14 bliana d’aois)
Chun cáiliú don Díbhinn Teaghlaigh um Fhilleadh ar Obair:
- caithfidh tú stop a chur leis na híocaíochtaí seo a fháil
- caithfidh tú tosú ag oibriú laistigh de cheithre seachtaine i ndiaidh go ndéanann tú d’íocaíocht bhunúil a stopadh nó go stopann tú de bheith rannpháirteach sa scéim bhunúil
- caithfidh d’obair a bheith i Stát na hÉireann, chomh maith
Má fhaigheann tú an Íocaíocht Teaghlach Aontuismitheora agus má tá tú fostaithe nó féinfhostaithe, b’fhéidir go mbeidh tú in ann an Díbhinn Teaghlaigh um Fhilleadh ar Obair a fháil nuair a chuirtear stop le d’Íocaíocht Teaghlach Aontuismitheora. Ní bheidh tú in ann síniú a dhéanamh chun íocaíocht leasa shóisialaigh eile, ar nós Liúntas Cuardaitheora Poist, a fháil.
Má fhaigheann tú Íocaíocht Teaghlach Oibre, b’fhéidir go mbeidh tú in ann an Díbhinn Teaghlaigh um Fhilleadh ar Obair a fháil, chomh maith. Ní dhéanfaidh an scéim difear do d’Íocaíocht Teaghlaigh Oibre.
Má tá tú 66 bliain d’aois in 2024 nó níos déanaí, beidh an rogha agat éileamh a dhéanamh ar do Phinsean Stáit (Ranníocach) ar dháta ar bith idir 66 agus 70 bliain d’aois.
Má shocraíonn tú gan do Phinsean Stáit (Ranníocach) a tharraingt anuas ag 66 bliain d’aois agus má chomhlíonann tú coinníollacha na Díbhinne Teaghlaigh um Fhilleadh ar an Obair, d'fhéadfá an Díbhinn Teaghlaigh um Fhilleadh ar an Obair a fháil nó d'fhéadfá iarratas a dhéanamh uirthi suas go dtí 70 bliain d'aois.
Ní mór duit an coinníoll cáilíochta maidir leis a bheith ag teacht ó íocaíocht ábhartha chomh maith le coinníollacha cáilíochta eile a shásamh.
Tar éis duit 66 bliain d'aois a shroicheadh, ní mór duit iarratas a dhéanamh le haghaidh na Díbhinne Teaghlaigh um Fhilleadh ar an Obair trí fhoirm iarratais páipéir atá ar fáil i d'Oifig Intreo áitiúil nó i d'Oifig Brainse Leasa Shóisialaigh.
Íoctar an Díbhinn Teaghlaigh um Fhilleadh ar Obair gach seachtain ar feadh a fhaide le dhá bhliain.
| Níos óige ná 12 | Níos sine ná 12 | |
| Bliain 1 | €46.00 sa tseachtain do gach leanbh a mhéid le híocaíocht uasta €184.00 (ceathrar leanaí) | €54.00 sa tseachtain do gach leanbh a mhéid le híocaíocht uasta €216.00 (ceathrar leanaí) |
| Bliain 2 | €23.00 sa tseachtain do gach leanbh a mhéid le híocaíocht uasta €92.00 (ceathrar leanaí) | €27.00 sa tseachtain do gach leanbh a mhéid le híocaíocht uasta €108.00 (ceathrar leanaí) |
Chun iarratas a dhéanamh, comhlánaigh an fhoirm thíos agus seol ar ais é, leis an gcáipéisíocht ábhartha tacaíochta, chuig do Ionad Intreo nó Oifig Bhrainse Leasa Shóisialaigh áitiúil.
Foirm Iarratais le haghaidh Díbhinn Teaghlaigh um Fhilleadh ar Obair (BTWFD1 GA)
Eagrán: Feabhra 2024
Íosluchtaigh nasc le haghaidh
Íoslódáil
féachaint ar an gcomhad
Amharc
Déantar cur síos sna treoirlínte oibríochtúla ar na próisis agus nósanna imeachta a gcloíonn comhaltaí foirne sa roinn leo nuair a bhíonn siad i mbun a gcuid oibre.