Íoctar Sochar Cumais Pháirtigh leat mura féidir leat oibriú go dtí do chumas iomlán.
Bunaítear an ráta íocaíochta ar mheasúnú leighis a dhéantar ar d’éagumas chun oibre.
Is féidir cáiliú do Shochar Cumais Pháirtigh má mheastar go bhfuil an srian ar do chumas oibre measartha, dian nó trom. Má mheastar gur éadrom é ní cháileoidh tú.
Más mian leat cáiliú le haghaidh Sochar Cumais Pháirtigh, ní mór duit a bheith ag fáil ceann acu seo a leanas faoi láthair:
- Sochar Breoiteachta (ar feadh íosmhéid 6 mhí)
- Pinsean Easláine
D'fhéadfadh go gcuirfí isteach ar do cheart chun Sochar Cumais Pháirtigh a fháil má thosaíonn tú ag obair sula gceadaítear d'éileamh; Má tá tú ag iarraidh leas a bhaint as Sochar Cumais Pháirtigh, ní mór duit iarratas a dhéanamh sula dtosaíonn tú ag obair.
Is féidir leat aon mhéid oibre agus na huaireanta oibre is mian leat a oibriú. Is féidir leat oibriú mar oibrí féinfhostaithe le linn duit a bheith ag fáil Sochar Cumais Pháirtigh.
Is féidir Sochar Cumais Pháirtigh a fháil agus liúntas cúramóra leathráta a fháil le chéile, ach ní féidir Sochar Cumais Pháirtigh agus Íocaíocht Teaghlaigh i bhFostaíocht (WFP) (Forlíonadh Ioncam Teaghlaigh roimhe seo) a fháil le chéile.
Is féidir leat méaduithe a fháil le Sochar Cumais Pháirtigh do na daoine seo a leanas:
- duine fásta cáilithe
- leanbh cáilithe
Ciallaíonn duine fásta cáilithe go bhfuil ioncam do chéile nó do pháirtnéara faoi bhunleibhéal áirithe agus faigheann tú méadú ar d’íocaíocht dóibh. Is féidir leat méid breise a fháil, chomh maith, do do leanbh, ar a dtugtar Méadú do Leanbh Cáilithe .
Chun an méadú seo a fháil, caithfidh do leanbh na coinníollacha seo a leanas a shásamh:
- cónaíonn sé/sí leat, sa Stát
- tá sé/sí ar an aois cheart don íocaíocht atá á héileamh agat (bíonn an aois éagsúil ó scéim go scéim)
- níl sé/sí faoi choimeád dlíthiúil
Bunaítear an ráta pearsanta den íocaíocht ar an méid seo a leanas:
- Do chumas chun oibre, bunaithe ar mheasúnú leighis na Roinne
- cibé acu an raibh nó nach raibh Sochar Breoiteachta nó Pinsean Easláine á fháil agat
- do ráta reatha íocaíochta
Íocaíochtaí Sochar Cumais Pháirtigh
| Leibhéal an éagumais maidir le do chumas chun oibriú– faoi mar a dheimhnigh do mheasúnú leighis | Íocaíocht má bhí Sochar Breoiteachta á fháil agat roimhe seo | Íocaíocht má bhí Pinsean Easláine á fháil agat roimhe seo |
| Measartha | €116.00 | €118.75 |
| Tromchúiseach | €174.00 | €178.15 |
| Domhain | €232.00 | €237.50 |
Chun iarratas a dhéanamh, comhlánaigh an fhoirm iarratais ar Shochar Cumais Pháirtigh thíos nó déan teagmháil le Rannóg Sochar Cumais Pháirtigh na Roinne trí ghlao ar 0818 927770 nó ríomhphost a sheoladh chuig PCB@welfare.ie . Cuirfidh siad foirm iarratais chugat sa phost.
Déanfaidh Measúnóir Leighis measúnú ar do chumas chun obair a dhéanamh. B’fhéidir go mbeidh ort freastal ar mheasúnú leighis.
Ba cheart duit an fhianaise cheart leighis go léir a chur san áireamh le d’iarratas.
Má cháilítear thú do Shochar Cumais Pháirtigh, ní gá duit teastais dochtúra rialta a sheoladh isteach.
Is féidir leat iarratas a dhéanamh ar Shochar Cumais Pháirtigh sula dtosaíonn tú le hobair a lorg. Má táthar chun d’íocaíocht a laghdú mar gheall go bhfuil tú ag filleadh ar an obair, ní tharlóidh é seo go dtí go dtosaíonn tú an obair.
Sochar Cumais Pháirtigh: Foirm iarratais (PCB1)
Eagrán: Marta 2024
Íosluchtaigh nasc le haghaidh
Íoslódáil
féachaint ar an gcomhad
Amharc
Seol d’iarratas ar ais, leis na cáipéisí tacaíochta ábhartha, chuig:
An Rannóg Sochair Cumais Pháirtigh
Seoladh:
Foirgnimh an Rialtais, Bóthar Bhéal Átha na Lao, Longfort, Co Longfort.
Ríomhphost:
Uimhir theileafóin:
Déantar cur síos sna treoirlínte oibríochtúla ar na próisis agus nósanna imeachta a gcloíonn comhaltaí foirne sa roinn leo nuair a bhíonn siad i mbun a gcuid oibre.