Seirbhís
Cruthú Coillearnaí ar Thailte Poiblí
Ó An Roinn Talmhaíochta, Bia agus Mara
Foilsithe
An t-eolas is déanaí
Tá sé mar aidhm ag an Scéim seo Comhlachtaí Poiblí a spreagadh chun coillearnacha dúchasacha nua a bhunú ar thalamh lom oiriúnach.
Tá an Scéim dírithe ar gach Comhlacht Poiblí, lena n-áirítear:
i). Ranna Rialtais agus Eagraíochtaí Urraithe Stáit
ii). Údaráis Ardoideachais agus
iii). Údaráis Áitiúla
Tá na ceithre ghné deontais seo a leanas sa Scéim, dhá cheann le haghaidh plandála agus dhá cheann le haghaidh saoráidí áineasa:
| Eilimint | Gníomhaíocht mhaoinithe | Ráta deontais |
| Eilimint 1 | Cásanna Plandála 1-3 | € 6,220 / ha (iníoctha i 2 thráthchuid) |
| Eilimint 2 | Cásanna Plandála 4-5 | € 5,880 / ha (iníoctha i 2 thráthchuid) |
| Eilimint 3 | Conairí agus Comharthaíocht | Suas le € 3,800 / ha |
| Eilimint 4 | Clós Súgartha Foraoise | Suas le € 10,000 in aghaidh an iarratais |
Tá deontas ‘Suíomh Tréigthe’ de € 500 / ha ann freisin chun smionagar a ghlanadh.
Tá foirmeacha iarratais ar fáil ón tSeirbhís Foraoiseachta.
Ní mór iarratais faoin scéim seo a ullmhú le hionchur ó Foraoiseoir Cláraithe, a mbeidh cur amach aige ar na próisis atá i gceist agus ar na riachtanais éagsúla foraoiseachta agus comhshaoil atá i bhfeidhm, agus a bheidh in ann maoirseacht a dhéanamh ar ullmhúchán láithreáin, ar phlandáil agus ar bhunú na coillearnaí.
Tá sé inmholta go bhfuil éiceolaí fostaithe go luath, chun athbhreithniú a dhéanamh ar an láithreán atá beartaithe, chun comhairle a thabhairt maidir lena oiriúnacht (nó eile) i dtéarmaí cruthú coille, agus chun faisnéis fhorlíontach a sholáthar don Roinn a d’fhéadfadh a bheith ag teastáil uaidh chun an t-iarratas a mheas ( m.sh. suirbhé gnáthóige).
Caithfidh tú Téarmaí agus Coinníollacha a léamh
