Íoctar Sochar Míthreorach má chailleann tú cumas áirithe fisiciúil nó meabhrach mar thoradh ar rud éigin a tharlaíonn duit mar gheall ar d’obair, nó fad a bhíonn tú ag taisteal go dtí nó ón obair.
Íoctar an sochar seo mar chnapshuim nó pinsean rialta, ag brath ar an míchumas faoina bhfuil tú, a mhéid atá sé agus an fad ama a mheastar a mhairfidh an gortú nó an bhreoiteacht.
Chun cáiliú don sochar seo, caithfidh gur oibrigh tú agus gur íoc tú ranníocaíochtaí árachais shóisialaigh (ÁSPC) ag aicme A, B, D, J nó M agus gur chaill tú cumas fisiciúil nó meabhrach mar gheall ar:
- timpiste a tharla ag an obair
- timpiste chomaitéireachta ar bhealach díreach idir do theach agus ionad oibre
- galar liostaithe a tholgadh ag an obair
Braitheann d’íocaíocht ar a mheasa atá do mhíchumas, agus déanfar measúnú leighis air. Má mheastar, de réir an mheasúnaithe, go bhfuil míchumas níos lú ná 20% ort ó do ghnáthchumas, is gnách gur cnapshuim a bheidh i gceist le Sochar Míthreorach.
Athraíonn méid na cnapshuime ag brath ar mhéid an mhíchumais agus cé chomh fada a bhfuil súil leis go mbeidh tú faoi mhíchumas. I gcás measúnuithe atá níos mó ná 20%, íocfaimid pinsean leat.
Má tá tú 100% faoi mhíchumas, is ionann do phinsean pearsanta agus €251 in aghaidh na seachtaine. Le haghaidh cásanna míchumais idir 20-90%, seo a leanas do phinsean pearsanta:
| Leibhéal an mhíchumais | Íocaíocht sheachtainiúil |
| 100% | €263.00 |
| 90% | €236.70 |
| 80% | €210.40 |
| 70% | €184.10 |
| 60% | €157.80 |
| 50% | €131.50 |
| 40% | €105.20 |
| 30% | €78.90 |
| 20% | €52.60 |
Ní dhéanfar íocaíocht i gcás gortuithe nó galair ón 1 Eanáir 2012 ar aghaidh ach nuair is ionann an leibhéal míchumais agus 15%, ar a laghad. Roimhe sin, d’fhéadfaí íocaíocht a dhéanamh nuair mhéadaigh an leibhéal míchumais ó 1% go 100%.
Má tá Pinsean Míchumais á fháil agat agus mura féidir leat obair a dhéanamh go buan mar thoradh ar do ghortú nó galar a bhaineann leis an obair, is féidir leat Forlíonadh Éagumais a éileamh.
Má tá Pinsean Míchumais á fháil agat agus má tá míchumas chomh trom sin ort mar thoradh ar do ghortú nó galar a bhaineann leis an obair go dteastaíonn duine éigin eile uait gach lá sa bhaile chun freastal ar do riachtanais phearsanta, d'fhéadfá a bheith i dteideal Liúntais Síorfhreastail a fháil. Íoctar an liúntas leis an duine faoi mhíchumas agus is ionann é agus €237 sa tseachtain.
Má tá aire á tabhairt ag duine ar leith duit, is féidir leo cáiliú don Deontas Tacaíochta do Chúramóirí.
Íocfar thú ón gceathrú lá de do mhíchumas, a fhad agus nach n-éilíonn tú Sochar Díobhála. Mura ndéanann tú éileamh in am, d'fhéadfá cuid den sochar a chailleadh.
Mura féidir leat oibriú i ndiaidh na timpiste nó an ghalair, ba cheart duit Sochar Díobhála a éileamh ar dtús.
Sula gcríochnaíonn íocaíochtaí Sochar Díobhála, ba cheart duit Sochar Míthreorach a éileamh mura féidir leat oibriú go fóill mar gheall ar thimpiste nó galar. Mura ndéanann tú éileamh laistigh de 3 mhí i ndiaidh go n-éagann d’éileamh ar Shochar Díobhála, d'fhéadfá roinnt den sochar a chailleadh.
Má bhí tú thíos le roinnt caillteanas cumais mar thoradh ar an timpiste nó mar gheall ar ghalar a thosaigh ag teacht ort, ach tá tú in ann oibriú go fóill, is féidir leat Sochar Míthreorach a éileamh go fóill. Ba cheart duit é seo a dhéanamh a luaithe agus is féidir agus laistigh de 3 mhí i ndiaidh dháta na timpiste nó an ghalair a thosaigh ag teacht ort.
Chun iarratas a dhéanamh, comhlánaigh an fhoirm iarratais ag bun an leathanaigh, nó bailigh ceann ón na hionaid áitiúla seo a leanas:
Seol d'fhoirm iarratais chomhlánaithe, atá ag bun an leathanaigh seo, ar ais chuig:
An Rannóg Sochair Míthreorach
Seoladh:
An Oifig Seirbhísí Leasa Shóisialaigh, Tithe an Rialtais, Bóthar Bhéal Átha na Lao, An Longfort, Contae An Longfort, N39 E4E0
Ríomhphost:
Uimhir theileafóin:
Foirm iarratais: Sochar Míthreorach agus/nó Forlíonadh Éagumais faoin Scéim um Shochair Dhíobhálacha Ceirde (OB21)
Eagrán: Meán Fómhair 2021
Íosluchtaigh nasc le haghaidh
Íoslódáil
féachaint ar an gcomhad
Amharc
Déantar cur síos sna treoirlínte oibríochtúla ar na próisis agus nósanna imeachta a gcloíonn comhaltaí foirne sa roinn leo nuair a bhíonn siad i mbun a gcuid oibre.