Cuirtear eolas ar fáil faoi eToll, modh comhtháite náisiúnta chun dolaí a bhailiú go huathoibríoch trí úsáid á baint as clib a chuirtear ar scáth gaoithe feithicle, rud a ligeann do thiománaithe taisteal ar bhóithre dola uile na hÉireann gan stopadh ag bacainn chun dola a íoc le hairgead tirim. Soláthraítear eolas ar an suíomh gréasáin maidir leis na soláthraithe éagsúla clibe, ionaid na ndola agus na taraifí dola. Is féidir le custaiméirí clárú le soláthraí clibe chun cuntas a fháil agus is féidir leo íoc as a gcuid turas trí mheán a gclibeanna dola leictreonacha.