Seirbhís
Leithdháileadh Cúntóirí Riachtanais Speisialta 2022/23
Foilsithe
An t-eolas is déanaí
Fógra d'Údaráis Bhainistíochta Scoileanna
Beidh na socruithe seo a leanas i bhfeidhm maidir le leithdháileadh tacaíochta CRS i gcás daltaí i ranganna príomhshrutha do 2022/23:
a) Coinneofar na leithdháiltí cúntóirí riachtanas speisialta ar ranganna príomhshrutha a bhí i scoileanna an 31 Bealtaine 2022 don scoilbhliain 2022/23. Cruthóidh sé seo cinnteacht bhreise do scoileanna.
b) Beidh próiseas do scoileanna, má mheasann siad go bhfuil a leithdháileadh CRS sa bhreis ar na riachtanas cúraim, chun dul i dteagmháil leis an CNOS. Ba chóir do scoileanna dul i dteagmháil lena nEagraí Riachtanas Speisialta Oideachais CNOS (ERSO) áitiúil chun tús a chur leis an bpróiseas.
c) Leanfaidh an próiseas um athbhreithniú eisceachtúil an CNOS i bhfeidhm le linn na scoilbhliana 2022/23, inar féidir le scoileanna athbhreithniú a fháil ar a leithdháiltí CRS óna dtiocfaidh ceann de na torthaí seo a leanas:
i. Ní dhéanfar aon athrú ar an leibhéal riachtanas cúraim a aithníodh (agus ní dhéanfar aon athrú dá réir ar an leithdháileadh CRS);
ii. Méadófar an leibhéal riachtanas cúraim a aithníodh (agus má bhíonn sé suntasach beidh méadú ar na leithdháiltí CRS do scoileanna);
iii. Laghdófar an leibhéal riachtanas cúraim a aithníodh sa scoil (agus má bhíonn sé suntasach beidh méadú ar na leithdháiltí CRS toisc go bhféadfaí an riachtanas cúraim a bhainistiú le níos lú acmhainní ná mar atá leithdháilte faoi láthair);
Maidir le toradh iii, déanfar an leithdháileadh CRS a choigeartú ag deireadh an téarma scoile ábhartha.
iv. I rith an tsamhraidh déanfaidh an CNOS critéir a fhorbairt le haghaidh clár rollach d’athbhreithnithe spriocdhírithe ar leithdháiltí príomhshrutha CRS a bheadh straitéiseach agus a chuideodh lena chinntiú go ndéantar CRSanna a leithdháileadh ar scoileanna ina bhfuil na daltaí leis an leibhéal is mó riachtanais chúraim shuntasacha acu. Tosóidh an clár píolótach den phróiseas athbhreithnithe spriocdhírithe sa scoilbhliain 2022/23. Déanfaidh an CNOS mionsonraí iomlána an phróisis a eisiúint chuig gach scoil roimh thús na scoilbhliana 2022/23.
Foilseoidh an NCSE leithdháiltí ar a shuíomh Gréasáin www.ncse.ie
Ciorclán Nua foilsithe:
Eisíodh ciorclán nua 35/2022 chuig scoileanna a chlúdaíonn leithdháileadh CRSanna do 2022/23. Imlíníonn an ciorclán:
- Socrú do leithdháileadh CRSanna príomhshrutha don scoilbhliain 2022/23
- Próiseas athbhreithnithe eisceachtúil do leithdháiltí príomhshrutha CRS
