Comhairliúchán
Comhairliúchan Poiblí ar imeachtaí Spóirt Saorchraolta
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Cuid 11 den Acht Craolacháin 2009 maidir le Clúdach Teilifíse ar Imeachtaí Móra. Ceadaítear san fhoráil seo den Acht ainmniú imeachtaí cáilitheacha áirithe atá thar a bheith tábhachtach don tsochaí le craoladh ar sheirbhís teilifíse saorchraolta ar bhonn beo nó iarchurtha ar mhaithe le leas an phobail.
Faoi Alt 173 den Acht, ceanglaítear ar an Aire Turasóireachta, Cultúir, Ealaíon, Gaeltachta, Spóirt agus Meán athbhreithniú a dhéanamh ar an liosta gach trí bliana. Éilíonn an t-athbhreithniú ar an Aire dul i gcomhairle le páirtithe leasmhara agus aighneachtaí a lorg ón bpobal maidir le haon imeachtaí breise a moladh lena mbreithniú tuilleadh lena gcur ar an liosta.
Tar éis an t-aiseolas ón gcomhairliúchán poiblí roimhe seo a bhreithniú agus polasaí an Rialtais maidir le cur chun cinn imeachtaí spóirt na mban a chur san áireamh, rinne an tAire cinneadh dul ar aghaidh go dtí an chéad chéim eile agus na himeachtaí a shonraítear thíos a chur le haghaidh tuilleadh mionbhreithnithe le haghaidh ainmniúcháin.
Seo thíos na himeachtaí le haghaidh tuilleadh breithnithe:
Beo:
• Cluiche Ceannais Sinsir Pheil na mBan (2017)
• Cluiche Ceannais Sinsir Camógaíochta na hÉireann (2017)
• Na Cluichí Oilimpeacha Samhraidh (2003)
• Cluichí Ceannais Sinsir Idirchontae na hÉireann sa Pheil agus san Iománaíocht (2003)
• Cluichí cáilithe baile agus as baile na hÉireann i gCraobhchomórtas Peile na hEorpa & i gCorn Domhanda FIFA (2003)
• Cluichí na hÉireann i gCraobhchomórtas Peile na hEorpa agus i gCorn Domhanda FIFA an Domhain (2003)
• Na cluichí tosaigh, na cluichí leathcheannais agus cluiche ceannais de Chraobhchomórtas Peile na hEorpa agus de Chorn Domhanda FIFA (2003)
• Cluichí na hÉireann i gCraobhchomórtais Chorn an Domhain sa Rugbaí (2003)
• Grand National na hÉireann agus Dearbaí na hÉireann (2003)
• Corn na Náisiún ag Seó Capall Bhaile Átha Cliath (2003)
Iarchurtha:
• Cluichí na hÉireann i gCraobhchomórtas Rugbaí na Sé Náisiún (2003)
In éineacht leis an gcomhairliúchán seo, tá próiseas soláthair ar bun chun tuarascáil neamhspleách a tháirgeadh. Déanfar meastóireacht ann ar na hiarmhairtí sochchultúrtha, eacnamaíocha agus airgeadais a bhaineann le haon sonrú breise agus scrúdófar ann an liosta reatha agus na teagmhais bhreise bheartaithe i gcomparáid le critéir ainmniúcháin an AE. Soláthrófar san aiseolas ón gcomhairliúchán seo sonraí don tuarascáil, rud a chuideoidh le cinneadh deiridh maidir le cibé an féidir aon cheann de na himeachtaí ar an ngearrliosta a ainmniú ar mhaithe le leas an phobail.
Cuir isteach do fhreagraí roimh an 5i.n. dé máirt 27 Feabhra 2024 trí an suirbhé ar líne thíos.
Beidh feidhm ag forálacha na nAchtanna um Shaoráil Faisnéise 1997 go 2014.
Iarrtar ar fhreagróirí a thabhairt faoi deara, agus iad ag freagairt don chomhairliúchán, nuair a chuirtear ar fáil é, go dtugtar toiliú lena n-ainm a fhoilsiú ar líne leis an aighneacht. Athbhreithneoidh an Roinn seoltaí pearsanta agus seoltaí ríomhphoist pearsanta sula bhfoilseofar iad.
Tabhair faoi deara le do thoil go bhfuil freagraí ar an gcomhairliúchán seo faoi réir fhorálacha an Achta um Shaoráil Faisnéise 2014. Ba cheart do pháirtithe faisnéis rúnda nó faisnéis íogair tráchtála a aithint go soiléir ina n-aighneacht. Ba chóir do pháirtithe a thabhairt faoi deara freisin, áfach, go bhfuil aon fhreagra nó gach freagra ar an gcomhairliúchán faoi réir fhorálacha na nAchtanna um SF ina n-iomláine agus gur féidir iad a fhoilsiú ar shuíomh gréasáin na Roinne Turasóireachta, Cultúir, Ealaíon, Gaeltachta, Spóirt agus Meán.