Preasráitis
Ráiteas maidir le hAthbhreithniú ar chumas cúraim phráinneach agus éigeandála i réigiún an iarthair Láir
Foilsithe
An t-eolas is déanaí
Foilsithe
An t-eolas is déanaí
Tá an tAire Sláinte, Stephen Donnelly le tús a chur le hAthbhreithniú a dhíríonn ar chumas cúraim phráinneach agus éigeandála i réigiún an iarthair Láir le fáil amach an bhfuil ospidéal Samhail 3 le Rannóg Éigeandála ag teastáil.
Cuirfear san áireamh san Athbhreithniú an cás d'ospidéal Samhail 3, leis an dara Rannóg Éigeandála don réigiún, i bhfianaise méadú mór ar an daonra le blianta beaga anuas agus brú leanúnach ag an Rannóg Éigeandála in Ospidéal na hOllscoile, Luimneach (UHL).
Dúnadh Rannóga Éigeandála níos lú sa réigiún 15 bliain ó shin. Bhí sé seo bunaithe ar an gcomhairle chliniciúil an-soiléir ag an am, toisc go bhfuil nasc soiléir idir foirne éigeandála a sholáthraíonn seirbhísí ardtoirte agus torthaí níos fearr. Ba é an aidhm a bhí leis ná an baol a laghdú go mbeadh othar i láthair ag an Rannóg Éigeandála ar sháraigh a riachtanais chriticiúla cumas an ospidéil, agus speisialtachtaí a bhí ag teastáil, chun cóir leighis a chur orthu. Tá a fhios againn freisin go dteastaíonn tréchur áirithe ó sheirbhísí tábhachtacha, lena n-áirítear aonaid dianchúraim, ionas gur féidir le cliniceoirí a gcuid scileanna a choinneáil.
Ó rinneadh na cinntí cliniciúla sin, tá fás mór tagtha ar an daonra i réigiún an iarthair Láir. Tá an daonra níos sine ná mar atá sé i bhformhór na réigiún eile. Tá gá níos mó i measc an phobail aosta maidir le cúram práinneach agus éigeandála.
Tá méadú mór tagtha ar an infheistíocht in UHL le linn shaolré an rialtais seo. Mar sin féin, tá an róphlódú ag rannóg éigeandála UHL ag leanúint ar aghaidh agus méadú 39% tagtha ar líon na dtralaithe go dtí seo i mbliana. Tá sé sin i gcodarsnacht leis an treocht náisiúnta, inar tháinig laghdú 11% ar an meánlíon tralaí ar maidin le linn na chéad cheithre mhí den bhliain. Níl aon othar ar thralaithe i gcuid de na hospidéil i gcónaí.
Tá an méid seo a leanas san áireamh le cumas breise:
Mar chuid den infheistíocht, tá cumas breise ann in Ospidéal Naomh Eoin, Ospidéal Croom Ortaipéideach, Inis agus san Aonach.
Cé go bhfuil roinnt athchóirithe ar siúl ag UHL, tá athruithe suntasacha fós ag teastáil maidir leis an gcaoi a reáchtáiltear UHL agus an chaoi a ndéantar sreabhadh othar a bhainistiú. Tarraingíodh aird air seo sa tuarascáil a rinne an tÚdarás um Fhaisnéis agus Cáilíocht Sláinte (HIQA) le déanaí. Thug HIQA fianaise faoi deara go raibh feabhas tagtha ar éifeachtúlachtaí oibriúcháin, ach dúirt sé go raibh greim níos láidre ar chúrsaí oibriúcháin ag teastáil freisin.
Cuirfear san áireamh san Athbhreithniú an cumas breise atá á chur leis, chomh maith le hathchóirithe a bheidh ag teastáil amach anseo.
Cuirfear Téarmaí Tagartha i gcrích agus foilseofar iad a luaithe a bheidh an t-athbhreithniú atá le teacht ón mBreitheamh Frank Clarke (ar scor) curtha san áireamh, ionas gur féidir a chuid torthaí agus moltaí a chur ann. Tá fiosrúchán foirmiúil ar bun ag an iarPhríomh-Bhreitheamh faoi bhás Aoife Johnston. D'iarr an tAire ar HIQA a bheith i gceannas ar an Athbhreithniú.