Fógra Príobháideachais

Is comhlacht reachtúil neamhspleách é an Bord Parúil (“muid” nó “ár”) a bunaíodh faoin Acht Parúil 2019, (“an tAcht”).

Leagtar amach san Fhógra Príobháideachais seo an bunús ar a bpróiseálfaimid aon sonraí pearsanta a bhailímid fút nó a sholáthraíonn tú dúinn agus muid ag gníomhú mar rialaitheoir sonraí. Ba cheart é a léamh i gcomhar lenár mBeartas Fianán. Leagtar amach ann freisin do chearta maidir le do shonraí pearsanta. Léigh an Fógra Príobháideachais seo go cúramach le tuiscint a fháil ar an gcaoi a ndéileálaimid le do shonraí pearsanta agus an chaoi a n-úsáidfimid iad mar rialaitheoir sonraí agus ar an gcaoi a n-úsáidfimid, a stórálfaimid agus a nochtfaimid iad.

Bailíonn, próiseálann agus stórálann an Bord Parúil méideanna suntasacha de shonraí pearsanta. Ciallaíonn sonraí pearsanta faisnéis a shainaithníonn tú nó a d’fhéadfadh thú a shainaithint. Ní áirítear leis sonraí inar baineadh an t-aitheantas (i.e. sonraí gan ainm). Chun ár seirbhís a sholáthar, agus chun ár n-oibleagáidí dlíthiúla a chomhlíonadh, teastaíonn sonraí pearsanta áirithe uainn.

Mura soláthraíonn tú do shonraí pearsanta dúinn, b’fhéidir nach mbeimid in ann ár seirbhís a sholáthar duit ná freagra a thabhairt ar do cheisteanna nó d’iarratais. Cuirfimid in iúl duit má iarraimid sonraí pearsanta ort ar riachtanas conarthach é, a theastaíonn chun ár bhfeidhmeanna rialála agus maoirseachta a chomhlíonadh, nó a theastaíonn chun ár n-oibleagáidí dlíthiúla a chomhlíonadh.

Más íospartach ábhartha thú, féadfaimid na sonraí pearsanta a sholáthraíonn tú ar an bhfoirm seo a úsáid chun na críche/na gcríoch seo a leanas:

(a) do chlárú mar íospartach ábhartha leis an mBord Parúil.

(b) do rannpháirtíocht sa phróiseas parúil.

Tá an bunús dlí atá againn chun na sonraí sin a bhailiú agus a phróiseáil anseo a leanas:

Alt 13.1 den Acht Parúil, 2019 – Beidh ag an mBord na cumhachtaí sin go léir is gá nó is fóirsteanach chun críocha a fheidhmeanna, lena n-áirítear—

f) bualadh le híospartach iomchuí chun aighneachtaí ó bhéal a fháil uaidh nó uaithi nó óna ionadaí dlíthiúil nó óna hionadaí dlíthiúil,

g) aighneachtaí i scríbhinn a fháil ó íospartach iomchuí nó óna ionadaí dlíthiúil nó óna hionadaí dlíthiúil.

Más iarratasóir ar pharúl thú, féadfaimid na sonraí pearsanta a sholáthraíonn tú ar an bhfoirm seo a úsáid chun na críche/na gcríoch seo a leanas:

(a) Iarratas ar pharúl a rinne tú a phróiseáil;

(b) Más gá, athrú a chur i bhfeidhm ar d’ordú parúil i gcás ina bhfuil Ordú den sórt sin déanta ag an mBord;

(c) Más gá, d’ordú parúil a chúlghairm i gcás ina mbeidh Ordú den sórt sin déanta ag an mBord.

Stórálfar na sonraí pearsanta a sholáthraítear go slán ar fhreastalaithe TF an Bhoird Parúil. Féadfar iad a roinnt, i gcás inarb iomchuí, leis na tríú páirtithe seo a leanas:

• Ball de Phainéal um Chúnamh Dlí an Bhoird Parúil más mian leat leas a bhaint as na seirbhísí cúnaimh dlí a chuirtear ar fáil faoi Alt 14(1) den Acht Parúil, 2019.

Bailíonn, próiseálann agus stórálann an Bord Parúil méideanna suntasacha sonraí. Táimid tiomanta do shlándáil do shonraí pearsanta a chosaint. Déanfaimid gach céim réasúnta is gá chun a chinntiú go gcaitear go slán le do shonraí pearsanta agus i gcomhréir leis an bhFógra Príobháideachais seo. Úsáidimid réimse teicneolaíochtaí agus nósanna imeachta slándála chun cabhrú le do shonraí pearsanta a chosaint ar rochtain agus úsáid neamhúdaraithe. Cé go mbíonn cleachtais slándála nua-aimseartha éifeachtach, níl aon chóras slándála fisiceach ná leictreonach go hiomlán slán. Níl tarchur faisnéise ar an idirlíon nó ríomhphost go hiomlán slán. Cé go ndéanfaimid ár ndícheall do shonraí pearsanta a chosaint, ní féidir linn slándáil do shonraí pearsanta a tharchuirtear chuig ár Suíomh nó chuig ár seoltaí ríomhphoist a ráthú. Is ar do phriacal féin a dhéantar aon sonraí pearsanta a tharchur. Nuair a gheobhaimid do shonraí pearsanta, úsáidfimid bearta slándála cuí chun iarracht a dhéanamh rochtain neamhúdaraithe a chosc. Leanfaimid orainn ag athbhreithniú beartas agus ag cur gnéithe slándála breise i bhfeidhm de réir mar a bheidh teicneolaíochtaí nua ar fáil.

Cá fhad a choinneoimid do shonraí pearsanta?

Ní stórálfaimid do shonraí pearsanta ach chomh fada agus is gá chun na críche/na gcríoch dá bhfuarthas iad. I measc na gcritéar a úsáidtear chun ár dtréimhsí coinneála a chinneadh tá (i) an fad ama a sholáthraímid ár seirbhísí nó a mbíonn caidreamh againn leat; (ii) i gcás ina bhfuilimid faoi réir ceanglas dlíthiúil; agus (iii) cibé an bhfuil an coinneáil inmholta i bhfianaise ár seasaimh dhlíthiúil.

Naisc chuig suíomhanna eile

Ó am go chéile, d’fhéadfadh naisc chuig suíomhanna gréasáin agus ardáin ghréasáin eile a bheith ar ár Suíomh. Má leanann tú nasc chuig aon cheann de na suíomhanna gréasáin nó na hardáin ghréasáin sin, tabhair faoi deara go bhfuil a mbeartais phríobháideachais féin ag na suíomhanna gréasáin agus na hardáin ghréasáin sin agus nach nglacaimid le haon fhreagracht ná dliteanas as na beartais sin. Seiceáil na beartais sin sula gcuireann tú aon sonraí pearsanta faoi bhráid na suíomhanna gréasáin sin.

Tá roinnt ceart agat maidir le do shonraí pearsanta, a d’fhéadfadh a bheith faoi réir teorainneacha agus srianta áirithe, lena n-áirítear iad siúd a bhaineann leis an gceart rochtana mar atá leagtha amach san Acht um Chosaint Sonraí, 2018. Is iad na cearta sin:

• rochtain a fháil ar chóip de na sonraí pearsanta atá againn fút;

• go gceartóimid aon sonraí pearsanta míchruinne fút agus go gcomhlánóimid aon sonraí pearsanta neamhiomlána;

• scriosadh do shonraí pearsanta. Tabhair faoi deara nach bhfuil feidhm ag an gceart seo i gcás, mar shampla, ina bhfuil an phróiseáil riachtanach chun oibleagáid dhlíthiúil a chomhlíonadh nó chun éilimh dhlíthiúla a bhunú, a fheidhmiú nó a chosaint;

• cóip de do shonraí pearsanta a iarraidh i bhformáid iniompartha;

• cóip de do shonraí pearsanta a iarraidh i bhformáid iniompartha;

• do thoiliú a tharraingt siar. Má táimid ag próiseáil do shonraí pearsanta ar bhunús dlíthiúil toilithe, tá tú i dteideal do thoiliú a tharraingt siar am ar bith. Mar sin féin, ní chuirfidh tarraingt siar do thoilithe aon phróiseáil a rinneamar roimh do tharraingt siar agus bunaithe ar do thoiliú ar neamhní;

• gan a bheith faoi réir cinntí atá bunaithe go hiomlán ar phróiseáil uathoibrithe, lena n-áirítear próifíliú, a bhfuil éifeachtaí dlíthiúla acu a bhaineann leat nó a mbíonn tionchar suntasach comhchosúil acu ort seachas i gcás ina bhfuil an cinneadh:

• agóid a dhéanamh i gcoinne phróiseáil do shonraí pearsanta i gcás ina bhfuilimid ag próiseáil do shonraí pearsanta ar mhaithe lenár leasanna dlisteanacha, chun tasc a dhéanamh a dhéantar ar mhaithe le leas an phobail nó i bhfeidhmiú ár n-údarás oifigiúil. I gcás den sórt sin, stopfaimid ag próiseáil do shonraí pearsanta mura féidir linn foras dlisteanach láidir a léiriú a sháraíonn do leasanna agus tá sé de cheart agat faisnéis a iarraidh faoin tástáil chothromaíochta atá déanta againn.

Más mian leat aon cheann de na cearta sin a fheidhmiú, téigh i dteagmháil linn (féach Teagmháil thíos). Féadfaimid cruthúnas aitheantais a iarraidh chun d’iarratas a dheimhniú.

Tá sé de cheart agat freisin gearán a dhéanamh leis an gCoimisiún um Chosaint Sonraí má mheasann tú go sáraíonn próiseáil do shonraí pearsanta GDPR. Seo a leanas sonraí teagmhála Choimisiún um Chosaint Sonraí na hÉireann:

An Coimisiún um Chosaint Sonraí Guthán: +353 (0)761 104 800 nó Uimhir Íosghlao 1890 252 231 Ríomhphost: info@dataprotection.ie Chun tuilleadh eolais a fháil, téigh go www.dataprotection.ie

Féadfaidh tú cóipeanna de do shonraí pearsanta atá againn mar rialaitheoir sonraí a iarraidh. Cuirfimid cóip de na sonraí pearsanta atá againn ar fáil duit chomh luath agus is féidir agus ar aon chuma tráth nach déanaí ná mí amháin tar éis dúinn an t-iarratas i scríbhinn a fháil. Cuirfimid an chóip ar fáil duit saor in aisce ach tabhair faoi deara go gcoimeádaimid an ceart táille riaracháin réasúnta a ghearradh i gcás ina n-iarrtar cóipeanna breise nó i gcás ina léir go bhfuil an t-iarratas gan bhunús nó iomarcach. Féadfaimid cruthúnas aitheantais a iarraidh freisin chun d’iarratas rochtana a dheimhniú. Ba cheart gach iarratas rochtana a chur chuig ár nOifigeach Cosanta Sonraí (féach Teagmháil thíos).

Déanaimid ár ndícheall do shonraí pearsanta a choinneáil cruinn, iomlán agus cothrom le dáta. Má tá na sonraí pearsanta atá againn fút míchruinn, is féidir leat é sin a chur in iúl dúinn agus déanfaimid na leasuithe is gá, scriosfaimid nó blocálfaimid na sonraí pearsanta ábhartha de réir mar a iarrann tú agus cuirfimid in iúl duit gan moill mhíchuí ó d’iarratas (agus ar aon chuma laistigh de mhí amháin mura síneadh é de réir GDPR) go ndearnadh gníomh ábhartha. Ba cheart gach iarratas a chur chuig ár nOifigeach Cosanta Sonraí (féach Teagmháil thíos).

Féadfaidh tú agóid a dhéanamh i gcoinne ár próiseála ar do shonraí pearsanta am ar bith, ach amháin nuair a fhoráiltear a mhalairt faoin dlí is infheidhme, agus féadfaidh tú bac a chur le húsáidí sonracha de do shonraí pearsanta trí theagmháil a dhéanamh linn ag baint úsáid as na sonraí teagmhála thíos.

Forchoimeádaimid an ceart an Fógra Príobháideachais seo a athrú am ar bith de réir ár lánrogha féin. Má dhéanaimid athruithe, cuirfimid na hathruithe sin in airde anseo agus déanfaimid an dáta faoi “An nuashonrú is déanaí” ag bun an Fhógra Príobháideachais seo a thabhairt cothrom le dáta. Má chinnimid am ar bith sonraí pearsanta a úsáid ar bhealach atá difriúil go suntasach leis an méid a luaitear san Fhógra Príobháideachais seo, nó a nochtadh duit ar shlí eile tráth ar bailíodh iad, cuirfimid ar an eolas thú i scríbhinn, agus beidh rogha agat maidir le cibé acu a úsáidfimid do shonraí pearsanta ar an mbealach nua nó nach n-úsáidfimid i gcomhréir le do chearta faoin dlí um chosaint sonraí.

Cuirtear fáilte roimh cheisteanna, tuairimí agus iarratais maidir leis an bhFógra Príobháideachais seo agus maidir le do shonraí pearsanta agus ba cheart iad a chur chuig an Oifigeach Cosanta Sonraí ag an seoladh ríomhphoist agus/nó poist thíos: