Comhairliúchán Poiblí maidir leis an Straitéis um Aer Glan a Nuashonrú 2025

Tá an t-aer a análaímid bunúsach dár sláinte, dár dtimpeallacht agus dár gcáilíocht saoil. Cé go bhfuil ár n-aercháilíocht anseo in Éirinn chomh maith céanna go ginearálta le go leor dár gcomharsana Eorpacha, tá dúshláin os ár gcomhair fós féin. Áirítear leis sin saincheisteanna áitiúla sna ceantair uirbeacha mar aon le spriocanna déine bunaithe ar an tsláinte arna leagadh amach ag an Eagraíocht Dhomhanda Sláinte agus ag ár Straitéis um Aer Glan.

Beidh comhbhuntáistí geilleagracha agus sochúla ag na hathruithe atá de dhíth, lena n-áirítear aer níos glaine, tithe níos teolaí, sláinte níos fearr agus astaíochtaí carbóin níos ísle, lena gcabhraítear le hÉire bogadh i dtreo gheilleagar atá níos inbhuanaithe don fhadtéarma.

Ba é cuspóir na Straitéise um Aer Glan de réir mar a foilsíodh in 2023 ná na tosaíochtaí agus an creat beartais a leagann amach chun laghduithe leantacha in astaíochtaí truaillithe aeir a chinntiú. Bunaíodh inti roinnt gníomhartha ardleibhéil chun seachadadh feabhsuithe cáilíochta aeir a spreagadh.

I ndiaidh chríochnú an dá thuairisc ar dhul chun cinn againn tá aiseolas á lorg anois ag an Roinn Aeráide, Fuinnimh agus Comhshaoil ar an straitéis ar mhaithe leis an acmhainneacht chun gníomhartha nua a chur san áireamh a mheas. Baileofar tuairimí agus moltaí ón bpobal trí mheán an chomhairliúcháin phoiblí seo faoin gcaoi go bhféadfadh an Straitéis a nuashonrú ionas go mbeadh sí fós oiriúnach don fheidhm agus chun a chinntiú gur féidir linn feabhsuithe leanúnacha san aercháilíocht a sheachadadh.

Is féidir tuilleadh faisnéise maidir leis an Straitéis, lenár ndúshláin aercháilíochta, agus gníomhartha arna nglacadh go dtí seo a fháil anseo

Tá roinnt ceisteanna ar leith forbartha againn a d’fhéadfadh cabhrú le freagra a leagadh amach.

Maidir le Straitéis um Aer Glan na hÉireann:

· An bhfuil ag éirí léi mar ba chóir?

· Céard atá ag feidhmiú go maith?

· An bhfuil aon rud nach bhfuil ag feidhmiú go maith?

· Cén chaoi go bhféadfadh sí feidhmiú i mbealach níos fearr?

Tá fáilte roimh fhreagróirí aighneachtaí a chur ar fáil trí mheán ceann amháin de na modhanna seo a leanas:

1. Ríomhphost chuig airquality@dcee.gov.ie

2. Sa phost chuig: Comhairliúchán Poiblí na Straitéise um Aer Glan

Rannóg na hAercháilíochta

An Roinn Aeráide, Fuinnimh agus Comhshaoil

Newtown Road

Loch Garman

Y35 AP90

3. Aighneacht ar líne ag Suirbhé ar Líne

Eolas Príobháideachais

Tabhair faoi deara go bhfuil na freagraí don chomhairliúchán seo faoi réir ag forálacha an Achta um Shaoráil Faisnéise 2014 (FOI), na Rochtana ar Fhaisnéis ar an gComhshaol 2007-2018 (RFC) agus an Achta um Chosaint Sonraí 2018.

Tabhair faoi deara chomh maith go bhfuil sé ar intinn ag an Roinn ábhar na n-aighneachtaí go léir a fhoilsiú don chomhairliúchán teicniúil ar a suíomh gréasáin. Bainfidh an Roinn na sonraí pearsanta amach roimh fhoilsiú. I dtaca le freagairt ar an gcomhairliúchán seo, ní mór do pháirtithe a léiriú go soiléir sa chás go bhfuil faisnéis phearsanta, faisnéis atá íogair ó thaobh na tráchtála de nó faisnéis rúnda nach mian leo a bheith eisithe faoi FOI, AIE nó a fhoilsiú seachas sin.

Ba mhian linn d’aird a tharraingt ar Fhógra maidir le Príobháideachas Sonraí de chuid na Roinne atá ar fáil ar ár suíomh gréasáin agus lena mínítear an chaoi agus cén uair a bhailímid sonraí pearsanta, an fáth go ndéanaimid é sin agus an chaoi a láimhseálaimid an fhaisnéis sin. Mínítear ann chomh maith do chearta i dtaca le bailiú sonraí pearsanta agus an chaoi a d’fhéadfá do chearta sin a chur i bhfeidhm.

Chun féachaint ar an gcomhairliúchán cliceáil ar an gcnaipe thíos.