Ár bhFuinneamh

Tá claochlú fuinnimh ag tarlú in Éirinn. Tá ár n-acmhainní nádúrtha féin á n-úsáid againn chun ár dtithe, ár bpobail agus ár ngnólachtaí a chumhachtú. Tá córas fuinnimh á fhorbairt againn atá inbhuanaithe, slán agus inacmhainne — don ghlúin seo agus don chéad ghlúin eile.

Tá tionchar ag costais fuinnimh ar gach teach agus gnólacht in Éirinn. Chuige sin, táimid ag infheistiú i bhfuinneamh in-athnuaite inacmhainne baile — chun deis a thabhairt do gach duine smacht a choinneáil ar a gcuid billí agus todhchaí fuinnimh níos sláine a chinntiú.

Trí aistriú ó bhreoslaí iontaise chuig fuinneamh in-athnuaite, cinnteofar caighdeán beatha níos sláintiúla agus níos fearr don ghlúin seo agus do ghlúnta amach anseo, agus níos lú astaíochtaí, aer níos glaine agus tithe níos teo.

Braitheann Éire ar ola agus ar ghás iompórtáilte chun freastal ar a riachtanais fuinnimh, rud a chiallaíonn go bhfuilimid leochaileach do shlándáil soláthair agus do mhargaí fuinnimh luaineacha. Trínár bhfuinneamh in-athnuaite féin a tháirgeadh, cinnteoimid gur againn féin a bheidh an chumhacht.