Fuinneamh In-athnuaite Amach ón gCósta

Le cois cabhrú leis an sprioc ghinearálta todhchaí d’astaíochtaí glan-nialasacha agus slándáil fuinnimh a chosaint, tá an fhéidearthacht ag gaoth amach ón gcósta ár gcórais fuinnimh a athrú ó bhonn.

Tá ceann de na hacmhainní gaoithe amach ón gcósta is fearr ar domhan le fáil in Éirinn. Tá tús áite á thabhairt ag rialtas na hÉireann d’fhuinneamh gaoithe amach ón gcósta a uasmhéadú, agus le déanaí bhí dlús á chur ag an Stát le beartas sa réimse seo.

Chun ár n-uaillmhianta maidir le fuinneamh gaoithe amach ón gcósta a sheachadadh, tá cur chuige atá bunaithe ar phlean curtha chun feidhme againn a bhfuil maoirseacht á déanamh ag an Tascfhórsa um Seachadadh Gaoithe Amach ón gCósta trasrialtais air.Cinnteoidh sé sin go mbeidh forbairt na gaoithe in-athnuaite amach ón gcósta á seachadadh trí roinnt céimeanna forluiteacha ar bhealach pleanáilte, straitéiseach, barainneach agus inbhuanaithe, rud a threoróidh infheistíocht san earnáil seo freisin.