Plean Náisiúnta Iarfheistithe Cónaithe

Uasghráduithe fuinnimh tí a dhéanamh níos inacmhainne agus níos inrochtana

Faoi Chlár an Rialtais, tá Éire tiomanta do thithe níos teo, níos compordaí agus níos éifeachtúla ó thaobh fuinnimh de a sholáthar agus billí fuinnimh á laghdú, astaíochtaí á ngearradh agus spleáchas ar bhreoslaí iontaise á laghdú ag an am céanna. Tacaíonn an Plean Náisiúnta Iarfheistithe Cónaithe leis an tiomantas seo trí chabhrú le húinéirí tí agus pobail a dtithe a uasghrádú le hinsliú, teaschaidéil, fuinneamh gréine agus iarfheistithe doimhne.

I measc na dtacaíochtaí tá scéimeanna deontais leathnaithe Údarás Fuinnimh Inmharthana na hÉireann (ÚFIÉ) Tithe Níos Teo athchóirithe do theaghlaigh atá i mbaol na bochtaineachta fuinnimh, líonra náisiúnta d’Ionaid Ilfhreastail ÚFIÉ, iasachtaí iarfheistithe ar chostas íseal, CBL laghdaithe ar theaschaidéil agus ar fhuinneamh gréine lena ndéantar uasghráduithe fuinnimh tí níos inacmhainne agus níos inrochtana