An Plean Caipitil Earnála

Sa Phlean Caipitil Earnála le haghaidh na Roinne Aeráide, Fuinnimh agus Comhshaoil don tréimhse 2026 - 2030, leagtar amach na tosaíochtaí maidir le hinfheistíocht straitéiseach don Roinn ar feadh na gcúig bliana atá amach romhainn agus léirítear na cláir bharrthábhachtacha a bheidh curtha ar fáil ag an Roinn agus ag na comhlachtaí éagsúla atá faoina coimirce thar an tréimhse sin.

Tá an plean ag teacht go mór le Ráiteas Straitéise nua na Roinne, Le Chéile 28. Foráiltear leis an bPlean Caipitil Earnála leithdháileadh maoinithe caipitil iomlán suas le €5,640 milliún faoin bPlean Forbartha Náisiúnta agus leagtar amach ann infheistíochtaí tosaíochta sna hearnálacha fuinnimh, aeráide agus geilleagair chiorclaigh ar feadh na gcúig bliana atá amach romhainn, mar aon le hinfheistíochtaí beartaithe don eangach leictreachais a thacófar leo trí infheistíocht chothromais ar leithligh de €3.5 billiún in EirGrid agus in BSL.