Ceathrú cruinniú den ghrúpa idirghníomhaireachta a dhéanann imscrúdú ar bhásmhaireacht éisc ar an Dubhabhainn

Reáchtáladh an ceathrú cruinniú de ghrúpa idirghníomhaireachta atá ag comhoibriú chun cúis na mbásmhaireacht éisc i ndobharcheantar na Dubhabhann a fháil amach inniu. Bunaíodh an grúpa ar threoir an Aire agus tá sé á chomhordú ag Iascaigh Intíre Éireann (IIÉ).

D’fhreastail IIÉ, Comhairle Contae Chorcaí, an Ghníomhaireacht um Chaomhnú Comhshaoil (GCC), Clár Uisce na nÚdarás Áitiúil (LAWPRO), an tSeirbhís Páirceanna Náisiúnta agus Fiadhúlra (SPNF), FSS, Foras na Mara, agus Uisce Éireann – mar aon le hionadaithe ó ranna rialtais – ar an gcruinniú. Tugadh na sonraí is déanaí don ghrúpa ar an obair leanúnach chun cúis na mbásanna éisc a fháil amach.

Táthar ag súil le tuilleadh torthaí saotharlainne a fháil an tseachtain seo, a scrúdóidh saineolaithe eolaíochta ón ngrúpa idirghníomhaireachta chun a chinneadh an féidir aon tosca sonracha a mheas go cinnte chun cúis bhásanna na n-iasc a chinneadh. Tar éis na hanailíse seo a dhéanamh, buailfidh an grúpa idirghníomhaireachta le chéile ag deireadh na seachtaine, agus foilseofar na torthaí agus an anailís ina dhiaidh sin.

Tá sé beartaithe ag IIÉ suirbhéanna dróin agus cadhc a dhéanamh feadh an limistéir lena mbaineann, agus tá sé beartaithe tuilleadh suirbhéanna leictriascaireachta a dhéanamh freisin.

Leanann na gníomhaireachtaí de bheith i mbun teagmháil leis na páirtithe leasmhara uile a ndearna an teagmhas seo difear dóibh.

CRÍOCH