Foilsíonn an tAire Donohoe measúnachtaí faoin Scéim Fóirdheontais Pá Fostaíochta
- Foilsithe: 24 Márta 2021
- An t-eolas is déanaí: 11 Aibreán 2025
D'fhoilsigh an tAire Airgeadais, Paschal Donohoe TD inniu (Céadaoin) na measúnachtaí a d'fhuair sé go dtí seo mar gheall ar cheisteanna a ghabhann leis an Scéim Fóirdheontais Pá Fostaíochta (SFPF), i gcomhlíonadh na hobleagáide dleachtaí chun faireachán a dhéanamh ar an scéim mar a leagtar amach in Alt 28B den Acht um Bearta éigeandála ar mhaithe le leas an phobail (Covid-19) 2020.
Is gné lárnach an SFPF de fhreagairt an rialtais chun dul i ngleic leis an bpaindéim Covid-19 chun tacaiocht a thabhairt do chomhlachtaí, cuidiú le fostaíocht agus cuidiú an nasc a choimeád idir fhostóirí agus a gcuid fostaithe. Go dtí seo, deonaíodh níos mó ná €2.3 billiún agus creidmheasanna ÁSPC de thart ar €400 milliún ar níos mó ná 48,000 fostóirí i leith thart ar 541,000 fostaithe.
Sna mheasúnachtaí seo, déantar anailís ar na sonraí a bhaineann le glacadh na scéime, agus tugtar faoi deara go bhfuil rannpháirtíocht an SFPF fós ard, i mí Éanair, rinne ceathrú de na fostóirí go léir éileamh ar an scéim i ndáil le 15% de na fostaithe go léir an mhí sin.
Tá sé de chuspóír ag an SFPF tacaíocht a thabhairt do chomhlachtaí inmharthana agus fostaíocht a spreagadh, mar sin déantar machnamh ar an mbealach a gníomhaíonn an SFPF mar nasc idir na sochair Leasa Shóisialaigh cosúil leis an Íocaíocht Dífhostaíochta Phaindéime (PUP) agus fostaíocht rialta arb é an chuspóir deiridh.
Dúirt an tAire Donohoe agus é ag tagairt don bhfoilsiúchán:
"Bhíothas mar aidhm ag an Scéim Fóirdheontais Pá Fostaíochta a bheith freagrúil do theacht chun cinn na paindéime Covid-19 a d'fhéadfadh a athrú go sciobtha, agus a bheith curtha in oiriúint de réir mar a leathnófar amach an Plean Téarnaimh agus Seasmhachta Covid-19 - An tSlí Rómhainn.
Beidh ról tábhachtach ag an scéim chun daoine a chur ar ais ag obair nuair a mhaolófar na srianta poiblí, mar sin laghdófar an méid daoine a bhraitheann ar shocair leasa shóisialaigh thar ama, lena n-áirítear an Íocaíocht Dífhostaíochta Phaindéime.
Tugtar aird chuí ar an bhfíoras go mbeidh gá ar thacaíocht leanúnach a thabhairt go dtí deireadh 2021 chun cuidiú le comhlachtaí inmharthana agus fostaíocht agus chun cinnteacht a sholáthar do chomhlachtaí a oiread is féidir. Nuair a bheartófar an cineál tacaíochta, cuirfí san áireamh na hathruithe ar imthosca agus cúinsí eacnamaíochta de réir mar a eireoidh siad níos soléire.
Is iomchuí dá bhri sin go leantar an SFPF ar aghaidh a bheith faoi mhonaiteoireacht sna seachtainí agus míonn atá romhainn agus beidh tionchar ag a leithéid d'anailís ar an gcinneadh faoi thodhchaí na scéime i ndiaidh mhí an Mheithimh 2021.