Preasráitis
Fáiltíonn Éire roimh ghlacadh an Euro ag an mBulgáir
- Foilsithe: 1 Eanáir 2026
- An t-eolas is déanaí: 28 Aibreán 2026
D’fháiltigh an Tánaiste Simon Harris, an tAire Airgeadais, roimh ghlacadh an Euro ag an mBulgáir inniu, an 1 Eanáir 2026.
Dúirt an Tánaiste gur forbairt stairiúil é seo agus go bhfuil an t-aistriú ina léiriú ar athléimneacht leantach an Euro mar airgeadra.
Ag labhairt dó inniu, dúirt an Tánaiste:
“Is lá stairiúil é seo don Bhulgáir agus don Aontas Eorpach, agus ba mhaith liom fáiltiú roimh an mBulgáir mar an 21ú ball den limistéar Euro.
“Ba as obair dhíograiseach agus tiomantas na Bulgáire a tháinig an chloch mhíle seo, agus tarraingíonn sí aird ar a tharraingtí agus a athléimní atá an Euro go fóill.
“Táim ag tnúth le leanúint le hobair go dlúth le mo chomhghleacaithe ón mBulgáir, go háirithe ag cruinnithe den Ghrúpa Euro.”