“Bhí an-áthas orm bualadh leis an nGobharnóir Gavin Newsom inniu agus machnamh a dhéanamh ar an dlúthchaidreamh seanbhunaithe atá á shaothrú idir Éire agus California le blianta fada anuas. Bhí plé croíúil cuiditheach againn ar roinnt príomh-shaincheisteanna éagsúla.

“Is caidreamh fíordhomhain cóimheasa é an caidreamh idir Éire agus California, a bhfuil infheistíocht dhá threo, cruthú post agus dlúth-chomhoibriú ar fud na teicneolaíochta, na n-eolaíochtaí beatha agus na seirbhísí airgeadais mar shaintréith aige.

“Thapaigh an Gobharnóir Newsom agus mise an deis chun plé a dhéanamh ar na naisc chumhachtacha idir daoine a bhuntacaíonn leis an gcomhpháirtíocht uathúil seo.

“Maíonn níos mó ná 2.3 milliún duine in California go bhfuil sinsearacht Éireannach acu, lena n-áirítear pobal mór Éireannach in San Francisco. Leanann na naisc phearsanta sin lenár gceangail eacnamaíocha agus chultúrtha a neartú.

“Bhí áthas orm an t-eolas is deireanaí a thabhairt don Ghobharnóir Newsom faoin gcaidreamh a bhí agam le ceannairí sinsearacha gnó agus tionscail le linn mo chuairte, agus béim á cur agam ar na deiseanna ollmhóra a thairgeann Éire do California mar thairseach chuig an Eoraip.

“Ní hé amháin go dtugann an chuairt seo ar California deis dom machnamh a dhéanamh ar an dlúthchaidreamh eadrainn agus é a cheiliúradh, ach tugann sí deis dom freisin breathnú chun cinn agus breithniú a dhéanamh ar conas is féidir linn leanúint lenár gcomhar a neartú sna blianta atá le teacht.”