Labhraíonn an Tánaiste le Rachel Reeves, Seansailéir an Státchiste

Bhí glao gutháin ag an Tánaiste Simon Harris TD, an tAire Airgeadais, le Rachel Reeves, Seansailéir an Státchiste, tráthnóna inniu (an 5 Nollaig).

Phléigh an Tánaiste agus an Seansailéir raon nithe éagsúla, lenar áiríodh an caidreamh trádála idir Éire agus an Ríocht Aontaithe, Uachtaránacht na hÉireann ar an Aontas Eorpach atá le teacht, agus an caidreamh idir an tAontas Eorpach agus an Ríocht Aontaithe.

Thug an Tánaiste an t-eolas is deireanaí don Seansailéir freisin maidir lena rannpháirtíocht sa 44ú Cruinniú Mullaigh de chuid Chomhairle na Breataine-na hÉireann, rud a tionóladh sa Bhreatain Bheag an 5 Nollaig.

Chomhaontaigh an Tánaiste agus an Seansailéir coinneáil i ndlúth-theagmháil, agus iad ag tnúth le bualadh le chéile i bpearsa go luath.