“Fáiltím roimh an bhfógairt ó S&P gur uasghrádaíodh ár rátáil chreidmheasa ó AA go AA+. Tá rátáil ‘AA’ ar a laghad ag Éirinn ó gach mórghníomhaireacht rátálacha creidmheasa.

Léiríonn sé sin neart bunúsach ár ngeilleagair agus an teist chruthaithe atá ar an Rialtas maidir lenár n-airgeadas poiblí a bhainistiú go cúramach. Mar sin, tá riocht an-láidir orainn agus sinn ag tabhairt aghaidh ar thréimhse éiginnteachta domhanda gan fasach.

Léiríonn an t-uasghrádú rátála seo a thábhachtaí atá sé leanúint leis an mbeartas buiséadach foriomlán a chur i bhfeidhm ar bhealach atá cothromaithe agus inbhuanaithe thar an meántéarma, agus sinn ag freagairt fós, de réir mar is cuí agus mar is gá, do dhúshláin an lae inniu.”