Tugann an tAire Carroll MacNeill agus an tAire Calleary faoi deara an rialú ón gCúirt Uachtarach i ndáil leis na Treoirlínte maidir le Díobhálacha Pearsanta

“Tugaimid faoi deara an bhreith shuntasach a thug an Chúirt Uachtarach inniu i ndáil leis na Treoirlínte maidir le Díobhálacha Pearsanta. Bhí cur chun feidhme na dTreoirlínte mar chuid lárnach de chlár an rialtais um athchóiriú árachais, de réir an Phlean Gníomhaíochta um Athchóiriú Árachais, agus den obair atá ar bun chun an Bord um Réiteach Díobhálacha a neartú agus chun an Dualgas Cúraim a athchothromú.

“Tógfaidh sé tamall maith orainn chun an breithiúnas ón gCúirt Uachtarach a thuiscint go hiomlán. Tá sé tábhachtach, áfach, go ndéanfadh na geallsealbhóirí uile machnamh ar an mbreithiúnas. Go háirithe, toisc go bhfuil sé soiléir anois gur seasadh leis na Treoirlínte, tá freagracht ar árachóirí é sin a léiriú ina bpréimheanna. Ar leithligh uaidh sin, is gá faireachán a dhéanamh ar na costais dlí a bhaineann le héilimh díobhálacha pearsanta.

“Tá sé mar thosaíocht ag an rialtas go fóill cobhsaíocht a chur leis an timpeallacht éileamh díobhálacha pearsanta, agus faighimid soiléire ina leith sin ón mbreithiúnas a tugadh inniu.”