Ionstraimí Reachtúla. I.R. Uimh. 628 De 2025 Na Rialacháin Fán Acht Um Cháilíochtaí Agus Dearbhú Cáilíochta (Oideachas agus Oiliúint) 2012 (Muirear Bliantúil Foghlaimeoirí Cláraithe a Chosaint) 2025

Déanaim, James Lawless, an tAire Breisoideachais agus Ardoideachais, Taighde, Nuálaíochta agus Eolaíochta, i bhfeidhmiú na gcumhachtaí a thugtar dó le halt 66A (arna chur isteach le halt 31 den Acht um Cháilíochtaí agus Dearbhú Cáilíochta (Oideachas agus Oiliúint) (Leasú) 2019 (Uimh. 32 de 2019) den Acht um Cháilíochtaí agus Dearbhú Cáilíochta (Oideachas agus Oiliúint) 2012 (Uimh. 28 de 2012), arna oiriúnú leis an Ordú um Bhreisoideachas agus Ardoideachas, Taighde, Nuálaíocht agus Eolaíocht (Aistriú Riaracháin Roinne agus Feidhmeanna Aireachta) 2020 (I.R. Uimh. 451 de 2020), leis seo na

rialacháin seo a leanas:

1. (1) Féadfar Rialacháin an Achta um Cháilíochtaí agus Dearbhú Cáilíochta (Oideachas agus Oiliúint) 2012 (Táille Bhliantúil um Chosaint Foghlaimeoir Cláraithe) 2025 a thabhairt ar na Rialacháin seo.

(2) Tiocfaidh na Rialacháin seo i ngníomh an 1 Eanáir 2026.

(3) Cuirtear ar ceal leis seo Rialacháin an Achta um Cháilíochtaí agus Dearbhú Cáilíochta (Oideachas agus Oiliúint) 2012 (Táille Bhliantúil um Chosaint Foghlaimeoirí Cláraithe) 2024 (I.R. Uimh. 428 de 2024).

2. Sna Rialacháin seo:

ciallaíonn “Acht” an tAcht um Cháilíochtaí agus Dearbhú Cáilíochta (Oideachas agus Oiliúint), 2012 (Uimh. 28 de 2012); ciallaíonn "foghlaimeoirí inmhuirearaithe", i ndáil le clár de chuid soláthraí faoi oibleagáid, foghlaimeoirí cláraithe ag a bhfuil táillí iníoctha nó íoctha i ndáil leis an gclár sin sa bhliain féilire dar críoch an 31 Nollaig; ciallaíonn “táillí foghlaimeora incháinithe”, i ndáil le clár soláthraí faoi oibleagáid, an táille atá iníoctha, lena n-áirítear táillí a íocadh, ag foghlaimeoir incháinithe i ndáil leis an gclár sin sa bhliain féilire dar críoch an 31 Nollaig; folóidh "táille is iníoctha" táillí teagaisc, táillí clárúcháin, táillí scrúdaithe, táillí leabharlainne, táillí seirbhísí mac léinn agus táillí eile is iníoctha nó a íocann an foghlaimeoir nó a íoctar thar a cheann leis an soláthraí (nó le haon idirghabhálaí

de) i leith rollú ar an gclár iomchuí agus a bhaineann le soláthar oideachais, oiliúna agus seirbhísí gaolmhara; is é "dáta dliteanais", i ndáil le clár i mbliain áirithe, an dáta is luaithe de dháta tosaithe an tsoláthair ag soláthraí faoi oibleagáid an chláir lena mbaineann agus an dáta a ghlacfaidh an soláthraí faoi oibleagáid íocaíocht den chéad uair ag aon fhoghlaimeoir nó thar ceann aon fhoghlaimeoirí lena rollú ar an gclár sin, mura mbeidh dáta is déanaí faoi alt 65(3) den Acht cinnte ag an Údarás, sa chás sin is é an dáta is déanaí sin an dáta dliteanais; ciallaíonn “clár oideachais Béarla faoi oibleagáid” clár oideachais Béarla a sholáthraíonn soláthraí faoi oibleagáid; ciallaíonn “clár breisoideachais agus oiliúna faoi oibleagáid” clár breisoideachais agus oiliúna a sholáthraíonn soláthraí faoi oibleagáid; ciallaíonn "clár ardoideachais agus oiliúna faoi oibleagáid" clár ardoideachais

agus oiliúna arna sholáthar ag soláthraí faoi oibleagáid; tá le "soláthraí faoi oibleagáid" an bhrí chéanna atá leis in Alt 65 den Acht

3. Ní bheidh feidhm ag na Rialacháin seo maidir le soláthraí cláir oideachais

agus oiliúna a liostaítear in Alt 65(6) den Acht; Ríomhfar an táille bhliantúil atá iníoctha i leith gach clár breisoideachais agus oiliúna faoi oibleagáid ar bhonn suime atá cothrom le 2% de na táillí iomlána foghlaimeora incháinithe don chlár sin.

4. Ríomhfar an táille bhliantúil atá iníoctha i leith le gach clár ardoideachais agus oiliúna faoi oibleagáid ar bhonn suime atá cothrom le 2% de na táillí iomlána foghlaimeora incháinithe don chlár sin.

5. Ríomhfar an táille bhliantúil atá iníoctha i leith le gach clár oideachais Béarla faoi oibleagáid ceithre seachtaine nó níos lú ar bhonn suime atá cothrom le 0.2% de na táillí iomlána foghlaimeora incháinithe don chlár sin.

6. Ríomhfar an táille bhliantúil atá iníoctha i leith le gach clár oideachais Béarla faoi oibleagáid a bhfuil tréimhse níos mó ná ceithre seachtaine aige ach nach mó ná 12 sheachtain, ar bhonn suime atá cothrom le 2% de na táillí iomlána foghlaimeora incháinithe don chlár sin.

7. Ríomhfar an táille bhliantúil atá iníoctha i leith le gach clár oideachais Béarla faoi oibleagáid a bhfuil tréimhse níos mó ná dhá sheachtain déag aige ar bhonn suime atá cothrom le 4% de na táillí iomlána foghlaimeora incháinithe don chlár sin.

8. Is éard a bheidh sa mhuirear bliantúil iomlán is iníoctha ag soláthraí faoi oibleagáid suim na muirear bliantúil is iníoctha i leith gach cláir arna sholáthar ag an soláthraí sin.

9. Mura n-íocfar an muirear bliantúil forordaithe ina iomláine faoin dáta dliteanais, is é a bheidh sa mhuirear breise is iníoctha leis an Údarás ag an soláthraí faoi oibleagáid 50% de mhéid an mhuirir bhliantúil atá gan íoc, móide méid arna ríomh tríd an ráta úis reachtúil um íocaíocht dhéanach a leagtar amach i Rialachán de Rialacháin na gComhphobal Eorpach (Íoc Déanach in Idirbhearta Tráchtála) 2012 (I.R. Uimh. 580/2012) a chur i bhfeidhm ón dáta dliteanais. méid an mhuirir bhliantúil atá gan íoc. (1) D'ainneoin aon fhorála eile sna Rialacháin seo, i gcás soláthraí faoi oibleagáid a leanann na socruithe dá dtagraítear in Alt 65A den Acht de bheith ann agus a leanann d'éifeacht a bheith leo, déanfaidh an muirear bliantúil is iníoctha ag an soláthraí faoi oibleagáid sin,

(a) i ndáil le clár a choimircítear leis na comhshocraíochtaí sin, d'aon bhliain iomlán ina leanfaidh na comhshocraíochtaí sin d'éifeacht a bheith leo, a laghdú go hiomlán, agus

(b) d'aon bhliain ina leanfaidh na comhshocraíochtaí sin d'éifeacht a bheith leo ar feadh cuid den bhliain sin, a laghdú i gcomhréir leis an méid laethanta den bhliain a raibh éifeacht aici ina leith.

(2) Scoirfidh an Rialachán seo d'éifeacht a bheith leis ar 3 bliana a bheith caite ón tosach feidhme iomchuí nó ar cibé dáta is luaithe ná sin a cheapfar le hordú arna dhéanamh ag an Aire faoi chuid 65A(4) den Acht.

ARNA THABHAIRT faoi mo Shéala Oifigiúil, 17 Nollaig, 2025.

JAMES LAWLESS,

An Roinn Breisoideachais agus Ardoideachais, Taighde, Nuálaíochta agus Eolaíochta.